ក្រសួងបានបញ្ជាក់ថា កូនផ្សោតដែលប្រទះឃើញខេត្តស្ទឹងត្រែង វានៅហ្វូងសត្វផ្សោត ចំនួន៦ក្បាលផ្សេងទៀត។ ចំណែក កូនផ្សោតនៅខេត្តក្រចេះ ដែលកើតក្នុងថ្ងៃតែមួយ ត្រូវបានក្រុមការងារប្រទះឃើញសព នៅចំណុចព្រែកប្រសព្វ នាអន្លង់កាំពីប្រមាណ១០គីឡូម៉ែត្រ។ កូនផ្សោតងាប់នេះ មានប្រវែង១,០៦ម៉ែត្រ និងទម្ងន់១១គីឡូក្រាម។ បើតាមការសន្និដ្ឋាន របស់ក្រុមជំនាញ កូនផ្សោតដែលងាប់នោះ ទើបនឹងកើតបានប្រមាណ១ទៅ២ថ្ងៃប៉ុណ្ណោះ ។ 

 

តាមការវាយតម្លៃបឋម ការស្លាប់របស់កូនផ្សោត នៅអន្លង់កាំពីខេត្តក្រចេះ អាចបណ្តាលមកការបំពានរបស់ពពួកផ្សោតធំៗ ប៉ុន្តែក្រុមការងារស្រាវជ្រាវនឹងវិភាគជាបន្ត ដើម្បីរកមូលហេតុឱ្យបានច្បាស់លាស់។ 

 

គិតត្រឹមថ្ងៃទី២៣មីនា ក្នុងឆ្នាំនេះ កម្ពុជាបានទទួលកូនផ្សោតកើតថ្មីចំនួន៥ក្បាល និងមានផ្សោតងាប់ចំនួន២ក្បាល៕