កម្មវិធីតន្ត្រី Summer Sonic របស់ជប៉ុន នឹងធ្វើនៅថ្ងៃទី២៤ និងទី២៥​ ខែសីហា ដែលជាលើកទី១បំផុតការប្រគំតន្ត្រីនេះធ្វើនៅអាស៊ីអាគ្នេយ៍។ កម្មវិធីនៅថៃ ធ្វើក្រោយការរៀបចំនៅតូក្យូ និងអូសាកា។

 

ចំណែកកម្មវិធី Tomorrowland ដែលជាព្រឹត្តិការណ៍តន្ត្រីអេឡិចត្រូនិកដ៏ល្បីឈ្មោះរបស់បែលហ្ស៊ិក នឹងធ្វើនៅឆ្នាំ២០២៦។ នេះបើតាមការបញ្ជាក់របស់អ្នកនាំពាក្យរដ្ឋាភិបាល Chai Wacharonke ។ ថៃនឹងរៀបចំម្ចាស់ផ្ទះកម្មវិធីនេះ១០លើកឯណោះ។

 

ការរៀបចំកម្មវិធីធំៗបែបនេះ ជាយុទ្ធសាស្រ្តមួយរបស់ថៃក្នុងការទាក់ទាញអ្នកទេសចរតាមរយៈការទទួលតារាល្បីៗ ដូចដែលសិង្ហបុរីធ្លាប់បានធ្វើជាមួយការរៀបចំកម្មវិធីប្រគំតន្រ្តីរបស់តារាចម្រៀងល្បីឈ្មោះ Taylor Swifts កាលពីដើមឆ្នាំ។ វត្តមានរបស់តារាចម្រៀងរូបនេះ ក៏នាំដល់ការឆ្លើយឆ្លងគ្នាមួយប្រាវរវាងថៃ និងសិង្ហបុរីដែលផ្ដល់លុយដើម្បីរៀបចំកម្មវិធីផ្ដាច់មុខ។

 

នាយករដ្ឋមន្រ្តីថៃ សេដ្ឋា ថាវីស៊ីន ក៏បង្ហាញជំហរទាក់ទាញតារាល្បីដូចគ្នាដែរដើម្បីជំរុញវិស័យទេសចណ៍របស់ថៃ ដែលរួមចំណែកធំក្នុងសេដ្ឋកិច្ចប្រទេស៕