ស្ថានការណ៍ជម្លោះនៅតំបន់មជ្ឈិមបូព៌ា កាន់តែតានតឹង និងស្មុគស្មាញ ក្រោយអ៊ីរ៉ង់ បានបើកការវាយប្រហារដោយផ្ទាល់ជាលើកដំបូងលើអុីស្រាអែល តាមរយៈដ្រូន និងមីស៊ីល ចាប់តាំងពីខែតុលា ឆ្នាំ២០២៣ មក។ យ៉ាងណាមិញ ប្រព័ន្ធស្ទាក់មីស៊ីលរបស់អុីស្រាអែល បានទប់អាវុធរបស់អ៊ីរ៉ង់ ស្ទើរតែទាំងស្រុង។ ការវាយប្រហាររបស់អ៊ីរ៉ង់លើអុីស្រាអែល បានធ្វើឱ្យសហគមន៍អន្តរជាតិរិះគន់ជាបន្តបន្ទាប់។ 

 

ដើម្បីការពារសុវត្ថិភាព និងទប់ស្កាត់មិនឱ្យពលករស្លាប់ច្រើនដូចការវាយប្រហារកាលពីខែតុលា ស្ថានទូតថៃបានសេចក្តីសេចក្តីណែនាំចំនួន ៣ ដោយមានសុពលភាពពីថ្ងៃទី១៣ ដល់ថ្ងៃទី១៥ ខែមេសា។

 

វិធានការណែនាំទាំងនោះមានដូចជា ហាមជួបជុំគ្នាលើពី១ពាន់នាក់ នៅទូទាំងប្រទេស, ហាមជួបជុំលើសពី៣០នាក់ នៅតំបន់ជម្លោះ និងអាចបំពេញការងារបានលុះត្រាកន្លែងការងារមានជម្រកសម្រាប់ការពារខ្លួន។ 

 

ចាប់តាំងពីមានការវាយប្រហារពីសម្រាក់អ៊ីរ៉ង់មក អុីស្រាអែល បានបិទដែលអាកាសរបស់ខ្លួន និងមិនអនុញ្ញាតឱ្យមានការហោះហើរអ្វីទាំងអស់លុះត្រាតែមានការជូនដំណឹងបន្ថែម៕