កីឡាជាតិ
ជាតិ
កាលពីឆ្នាំ១៩៥៨ កម្ពុជាយកឈ្នះក្រុមនៅវៀតណាមខាងជើងនៅចំពោះមុខលោក ហូ ជីមិញ កីឡាករឈ្មោះ Chhon ជាអ្នករកគ្រាប់បាល់បញ្ចូលទីក្នុងជ័យជម្នះ ១-០ របស់កម្ពុជាលើ Hai Phong
× កាលពីអំឡុងឆ្នាំ១៩៥៨ ក្រុមកីឡាបាល់ទាត់កម្ពុជា ត្រូវបានអញ្ជើញចូលក្នុងកម្មវិធីសម្ពោធកីឡដ្ឋាន Hai Phong នៃប្រទេសវៀតណាមខាងជើង។ នាពេលនោះ កម្ពុជាមានប្រតិភូ និងកីឡាករចំនួន២៤ ដែលដឹកនាំដោយលោក Samson Fernandez និងលោក ទឹម ទុយ នៃក្រសួងអប់រំជាតិ។
សារព័ត៌មានថ្មីៗ សូមធ្វើការដកស្រង់ពីសំណេរជាភាសាបារាំងរបស់កាសែត Cambodge d’Aujourd’hui ដែលផ្សាយដោយក្រសួងព័ត៌មានក្នុងសម័យសង្គមរាស្ត្រនិយម កាលពីថ្ងៃទី៩ ខែសីហា ឆ្នាំ១៩៥៨ និងត្រូវបានតម្កល់ទុកដោយបណ្ណាល័យជាតិ។
នាអំឡុងនៃការប្រកួតមិត្តភាពនាពេលនោះ កម្ពុជា បានយកឈ្នះក្រុមម្ចាស់ផ្ទះ Hai Phong ក្នុងលទ្ធផល ១-០ ដោយមានអ្នកទស្សនាជាង៣ម៉ឺននាក់ ហើយក៏មានវត្តមានរបស់លោក ហូ ជីមិញ ប្រធានាធិបតីវៀតណាមខាងជើងនាសម័យកាលនោះ ផងដែរ។ កាសែត Cambodge d’Aujourd’hui បានបញ្ជាក់ថា នាពេលអំពើហិង្សានៅលើទីលានបានកើតឡើង ដោយប្រធានក្រុមទាំងពីរ បានសម្រេចបញ្ចប់ការប្រកួតត្រឹមតែ៧០នាទី។
សម្រាប់ការប្រកួតលើកទីពីររបស់ខ្លួន ក្រុមកម្ពុជាបានយកឈ្នះសារជាថ្មីម្តងទៀតក្នុងលទ្ធផល ៣-១ លើជម្រើសក្រុមនៃប្រទេសវៀតណាមខាងជើង៕
© រក្សាសិទ្ធិដោយ thmeythmey.com