ពីនេះ ពីនោះ
ពាក្យ«សង្ហារ» និង «សង្ហា» មានន័យដូចគ្នា ឬខុសគ្នា?
× វចនានុក្រមខ្មែរ របស់សម្ដេចព្រះសង្ឃរាជ ជួន ណាត បានឲ្យនិយមន័យពាក្យ«សង្ហារ និង សង្ហា» ដូចខាងក្រោម៖
ពាក្យ «សង្ហារ» មានថ្នាក់ពាក្យជានាម មានន័យថា ការនាំយក; ការបំព្រួញ, សង្ខេប; ការរួបរួម; ការទម្លាយបង់; ការបំផ្លាញ, ការបំបាត់បង់, ការផ្ដាច់ផ្ដិល។ ខ្មែរច្រើនប្រើជាកិរិយាសព្ទ ដែលសំដៅដល់សេចក្ដីថា «បំផ្លាញ, បំបាត់បង់, ផ្ដាច់ផ្ដិល, សម្លាប់»។ ឧទាហរណ៍៖ សង្ហារជីវិត មានន័យថា ផ្ដាច់ផ្ដិលជីវិត។
ចំណែកពាក្យថា «សង្ហា» មានថ្នាក់ពាក្យជាគុណនាម មានន័យថា ដែលរុងរឿង, មានរូបល្អអង់អាច ឆើតឆាយ, ស្រស់, ស្រស់បស់។ ឧទាហរណ៍ រូបឆោមសង្ហា, តែងខ្លួនយ៉ាងសង្ហា។
ដកស្រង់ពីវចនានុក្រមសម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com