សម្តេចព្រះរៀម បុប្ផាទេវី ដឹកនាំការសម្តែងរបាំព្រះរាជទ្រព្យនៅព្រឹត្តិការណ៍អង្គរសង្ក្រាន្ត

ជាតិ

សិល្បះ

សម្តេចព្រះរៀម បុប្ផាទេវី ដឹកនាំការសម្តែងរបាំព្រះរាជទ្រព្យនៅព្រឹត្តិការណ៍អង្គរសង្ក្រាន្ត

13, Apr 2017 , 8:59 am

រូបភាព

ដោយ: ខន ចំប៉ា

ព្រឹត្តិការណ៍អង្គរសង្ក្រាន្ត ចាប់ពីថ្ងៃទី១៤-១៦ ខែមេសានេះ មានកម្មវិធីជាច្រើនសុទ្ធសឹងតែឆ្លុះបញ្ចាំងពីវប្បធម៌ ទំនៀមទម្លាប់ ប្រពៃណីរបស់ខ្មែរ។ កម្មវិធីទាំងនោះ មានដូចជាការសម្តែងរបាំព្រះរាជទ្រព្យ ល្ខោនខោល ការលេងល្បែងប្រជាប្រិយ របាំប្រពៃណី សួននារីរ័ត្ន ភូមិបង្អែមខ្មៅ និងការដាក់តាំងវត្ថុយក្សទាំង៣ មានចាប៉ីដងវែង សំបុក និងពងមាន់ និងកម្មវិធីកម្សាន្តជាច្រើន។ នេះបើតាមលោក អ៊ឹង វីរៈ អ្នកនាំពាក្យសហភាពសហព័ន្ធយុវជន កម្ពុជា។

អ្វីដែលពិសេស ការសម្តែងនិមិត្តរូបនៃរបាំព្រះរាជទ្រព្យ សម្ដេចព្រះរាម នរោត្តម បុប្ជាទេវី ជាអ្នកដឹកនាំការសម្តែងរបាំនេះដោយផ្ទាល់ព្រះអង្គ នៅក្នុងព្រឹត្តិការណ៍រយៈពេលនេះ។ លោក អ៊ឹង វីរៈបញ្ជាក់ប្រាប់សារព័ត៌មានថ្មីៗដូច្នេះថា៖«ឆ្នាំនេះយើងពិតជាមានមហាកិត្តិយស ដែលសម្តេចព្រះរាម បុប្ផាទេវី ដែលសព្វព្រះរាជហឫទ័យ ចូលរួមក្នុងព្រឹត្តិការណ៍អង្គរសង្ក្រាន្តតាមរយៈការសម្តែងរបាំព្រះរាជទ្រព្យក្រោមចំណងជើងថា«ប្រវត្តិមួយសតវត្សន៍នៃរបាំព្រះរាជទ្រព្យខ្មែរ»។

សម្ដេចព្រះរាម នរោត្តម បុប្ជាទេវី ជាបុត្រីរបស់ព្រះបរមរតនកោដ្ឋ និងជាសែរាជវង្សតែមួយគត់ ដែលក្លាយជាសិល្បការិនីផ្នែករបាំព្រះរាជទ្រព្យ។ សម្តេចបុប្ផា ទេវី ដែលទទួលបានគោរពងារជា «ទេពនាថវដ្តីឯក» ដោយព្រះរាជក្រឹត្យស្ដីពីការតែតាំងមត៌កមនុស្សរស់របស់កម្ពុជា កាលពីឆ្នាំ ២០១៣ ។ របាំព្រះរាជទ្រព្យ ត្រូវបានចុះបញ្ជីជាបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ នៅថ្ងៃទី ០៧ ខែ វិច្ឆិកា ឆ្នាំ ២០០៣ ៕