អន្តរជាតិ
កំពង់ផែ Hambantota របស់ស្រីលង្កាដែលដាក់ឲ្យប្រើប្រាស់ក្នុងឆ្នាំ២០១១ (រូបភាព AFP)
×![]()
ដោយ: ថ្មីៗ
នាយករដ្ឋមន្ត្រីស្រីលង្កា Ranil Wickremesinghe បានប្រកាសថា ប្រទេសលោកនឹងចុះកិច្ចព្រមព្រៀងលក់កំពង់ផែភាគខាងត្បូងនៅថ្ងៃទី២៩ ខែកក្កដា។ កិច្ចព្រមព្រៀងជួលកំពង់ផែ ត្រូវគេមើលឃើញថាជាការដោះបំណុលរាប់លានដុល្លារ ដែលស្រីលង្កាជំពាក់ចិន ដ្បិតស្រីលង្កាមិនមានប្រាក់គ្រប់គ្រាន់ដើម្បីសងទៅឲ្យចិនវិញ។ ឯឥណ្ឌាវិញ បារម្ភបញ្ហានេះយ៉ាងខ្លាំង ព្រោះខ្លាចចិនប្រើប្រាស់ទីតាំងយុទ្ធសាស្ត្រផ្នែកយោធា។
ស្រីលង្កា នឹងចុះហត្ថលេខាលើកិច្ចព្រមព្រៀងតម្លៃ១,១ពាន់លានដុល្លារជាមួយចិនលើការគ្រប់គ្រង និងអភិវឌ្ឍកំពង់ផែភាគត្បូង Hambantota ដែលជាកំពង់ផែទឹកជ្រៅ។ ការចុះកិច្ចព្រមព្រៀងនេះ ធ្វើឡើងបន្ទាប់ពីត្រូវបានពន្យារជាច្រើនខែ និងដោយមានការព្រួបារម្ភពីសំណាក់ឥណ្ឌាថា ចិនអាចយកកំពង់ផែនេះធ្វើជាមូលដ្ឋានកងទ័ពនៅក្រៅប្រទេស។ ប៉ុន្តែស្រីលង្កាអះអាងថា ចិននឹងគ្រប់គ្រងតែប្រតិបត្តិការពាណិជ្ជកម្មប៉ុណ្ណោះ។
បើតាមសារព័ត៌មាន BBC រដ្ឋាភិបាលស្រីលង្កាបានប្រកាសថា ទឹកប្រាក់ដែលមកបានពីការលក់កំពង់ផែនេះ នឹងត្រូវប្រើប្រាស់ដើម្បីសងបំណុលបរទេស។ នៅថ្ងៃទី២៨ ខែកក្កដា នាយករដ្ឋមន្ត្រីស្រីលង្កា Ranil Wickremesinghe និយាយថា លោកចង់ឲ្យស្រីលង្កាទទួលបានកិច្ចព្រមព្រៀងដែលល្អ និងមិនប៉ះពាល់សន្តិសុខជាតិ។ លោកបានប្រាប់អ្នកសារព័ត៌មានថា កិច្ចព្រមព្រៀងជាមួយចិន នឹងជួយឲ្យស្រីលង្កាដោះបំណុលបាន។
តាមរយៈកិច្ចព្រមព្រៀងនេះ ក្រុមហ៊ុនរដ្ឋចិននឹងទទួលសិទ្ធិគ្រប់គ្រងកំពង់ផែ Hambantota រយៈពេល៩៩ឆ្នាំ ហើយស្រីលង្កានឹងផ្ដល់ដីចំនួន៦ពាន់ហិចតាទៅឲ្យចិនដើម្បីអភិវឌ្ឍជាតំបន់សេដ្ឋកិច្ចពិសេស។ ចិន ចង់បានដីក្បែរកំពង់ផែដើម្បីបង្កើតជាតំបន់រោងចក្រ ព្រោះកំពង់ផែ Hambantota មិនសូវមានសកម្មមមាញឹកឡើយ ទោះវាជាកំពង់ផែទើបសាងសង់ថ្មី និងជាកំពង់ផែទឹកជ្រៅអាចឲ្យនាវាធំៗចូលចតបានស្រួល។
ជាការពិត ការលក់កំពង់ផែពេលនេះ គឺជាយុទ្ធសាស្ត្ររបស់រដ្ឋាភិបាលស្រីលង្កាក្នុងការទូទាត់ប្រាក់បំណុលរបស់ប្រទេស ទោះជាស្រីលង្កានៅរក្សាភាគរយកម្មសិទ្ធិខ្លះក៏ដោយ។ បំណុលសរុបរបស់ស្រីលង្កាដែលជំពាក់បរទេសមានដល់ទៅ ៦៥ពាន់លានដុល្លារឯណោះ ហើយក្នុងនោះស្រីលង្កាជំពាក់ចិនចំនួន ៨ពាន់លានដុល្លារ។ ដោយសារជំពាក់គេវ័ណ្ឌករបៀបនេះ ចំណូលរបស់រដ្ឋាភិបាលស្រីលង្កាត្រូវបង្វែរទៅដោះស្រាយបំណុលស្ទើរអស់ទៅហើយ។
ចិនបានឲ្យស្រីលង្កាខ្ចីប្រាក់ច្រើនពាន់លានដុល្លារលើការកសាងហេដ្ឋរចនាសម្ព័ន្ធឡើងវិញបន្ទាប់ពីសង្គ្រាមស៊ីវិល២៦ឆ្នាំ ត្រូវបានបញ្ចប់ក្នុងឆ្នាំ២០០៩ ។ កំពង់ផែ Hambantota ត្រូវបានសាងសង់ដោយចិនដែរ និងដាក់ឲ្យប្រើប្រាស់ក្នុងឆ្នាំ២០១១ ។ ប៉ុន្តែកំពង់ផែនេះស្ថិតនៅតំបន់ដាច់ស្រយាល មិនសូវមានសកម្មភាព ដែលធ្វើឲ្យចំណូលធ្លាក់ចុះ។ ចិនក៏ទំនងជាមិនចង់បានកំពង់ផែនេះដែរ ប៉ុន្តែដោយសារស្រីលង្កាមិនមានលទ្ធភាពសង ទើបយកកំពង់ផែវិញ បូកថែមតំបន់សេដ្ឋកិច្ចពិសេសមួយទៀត៕
ស្រីលង្កា នឹងចុះហត្ថលេខាលើកិច្ចព្រមព្រៀងតម្លៃ១,១ពាន់លានដុល្លារជាមួយចិនលើការគ្រប់គ្រង និងអភិវឌ្ឍកំពង់ផែភាគត្បូង Hambantota ដែលជាកំពង់ផែទឹកជ្រៅ។ ការចុះកិច្ចព្រមព្រៀងនេះ ធ្វើឡើងបន្ទាប់ពីត្រូវបានពន្យារជាច្រើនខែ និងដោយមានការព្រួបារម្ភពីសំណាក់ឥណ្ឌាថា ចិនអាចយកកំពង់ផែនេះធ្វើជាមូលដ្ឋានកងទ័ពនៅក្រៅប្រទេស។ ប៉ុន្តែស្រីលង្កាអះអាងថា ចិននឹងគ្រប់គ្រងតែប្រតិបត្តិការពាណិជ្ជកម្មប៉ុណ្ណោះ។
បើតាមសារព័ត៌មាន BBC រដ្ឋាភិបាលស្រីលង្កាបានប្រកាសថា ទឹកប្រាក់ដែលមកបានពីការលក់កំពង់ផែនេះ នឹងត្រូវប្រើប្រាស់ដើម្បីសងបំណុលបរទេស។ នៅថ្ងៃទី២៨ ខែកក្កដា នាយករដ្ឋមន្ត្រីស្រីលង្កា Ranil Wickremesinghe និយាយថា លោកចង់ឲ្យស្រីលង្កាទទួលបានកិច្ចព្រមព្រៀងដែលល្អ និងមិនប៉ះពាល់សន្តិសុខជាតិ។ លោកបានប្រាប់អ្នកសារព័ត៌មានថា កិច្ចព្រមព្រៀងជាមួយចិន នឹងជួយឲ្យស្រីលង្កាដោះបំណុលបាន។
តាមរយៈកិច្ចព្រមព្រៀងនេះ ក្រុមហ៊ុនរដ្ឋចិននឹងទទួលសិទ្ធិគ្រប់គ្រងកំពង់ផែ Hambantota រយៈពេល៩៩ឆ្នាំ ហើយស្រីលង្កានឹងផ្ដល់ដីចំនួន៦ពាន់ហិចតាទៅឲ្យចិនដើម្បីអភិវឌ្ឍជាតំបន់សេដ្ឋកិច្ចពិសេស។ ចិន ចង់បានដីក្បែរកំពង់ផែដើម្បីបង្កើតជាតំបន់រោងចក្រ ព្រោះកំពង់ផែ Hambantota មិនសូវមានសកម្មមមាញឹកឡើយ ទោះវាជាកំពង់ផែទើបសាងសង់ថ្មី និងជាកំពង់ផែទឹកជ្រៅអាចឲ្យនាវាធំៗចូលចតបានស្រួល។
ជាការពិត ការលក់កំពង់ផែពេលនេះ គឺជាយុទ្ធសាស្ត្ររបស់រដ្ឋាភិបាលស្រីលង្កាក្នុងការទូទាត់ប្រាក់បំណុលរបស់ប្រទេស ទោះជាស្រីលង្កានៅរក្សាភាគរយកម្មសិទ្ធិខ្លះក៏ដោយ។ បំណុលសរុបរបស់ស្រីលង្កាដែលជំពាក់បរទេសមានដល់ទៅ ៦៥ពាន់លានដុល្លារឯណោះ ហើយក្នុងនោះស្រីលង្កាជំពាក់ចិនចំនួន ៨ពាន់លានដុល្លារ។ ដោយសារជំពាក់គេវ័ណ្ឌករបៀបនេះ ចំណូលរបស់រដ្ឋាភិបាលស្រីលង្កាត្រូវបង្វែរទៅដោះស្រាយបំណុលស្ទើរអស់ទៅហើយ។
ចិនបានឲ្យស្រីលង្កាខ្ចីប្រាក់ច្រើនពាន់លានដុល្លារលើការកសាងហេដ្ឋរចនាសម្ព័ន្ធឡើងវិញបន្ទាប់ពីសង្គ្រាមស៊ីវិល២៦ឆ្នាំ ត្រូវបានបញ្ចប់ក្នុងឆ្នាំ២០០៩ ។ កំពង់ផែ Hambantota ត្រូវបានសាងសង់ដោយចិនដែរ និងដាក់ឲ្យប្រើប្រាស់ក្នុងឆ្នាំ២០១១ ។ ប៉ុន្តែកំពង់ផែនេះស្ថិតនៅតំបន់ដាច់ស្រយាល មិនសូវមានសកម្មភាព ដែលធ្វើឲ្យចំណូលធ្លាក់ចុះ។ ចិនក៏ទំនងជាមិនចង់បានកំពង់ផែនេះដែរ ប៉ុន្តែដោយសារស្រីលង្កាមិនមានលទ្ធភាពសង ទើបយកកំពង់ផែវិញ បូកថែមតំបន់សេដ្ឋកិច្ចពិសេសមួយទៀត៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
