ពីនេះ ពីនោះ
ព័ត៍មានសុខភាព
ស្បែកងាយនឹងជាំមែនទេ? វាអាចដោយសារតែជំងឺទាំងអស់នេះ
× ការដែលជាំស្បែកមានន័យថា សរសៃឈាមនៅក្រោមស្បែកត្រូវបានបែក ឬអាចនិយាយថាហូរឈាមក្រោមស្បែក។ អ្នកនឹងមើលឃើញស្បែកមានការប្រែពណ៌ត្រង់កន្លែងដែលជាំនោះ។ ភាគច្រើនការជាំស្បែកអាចបង្កឡើងដោយការប៉ះទង្គិចអ្វីមួយ។ ពេលខ្លះវាក៏អាចកើតឡើងដោយសារតែអាយុកាន់តែច្រើនដែរ ជាពិសេសស្ត្រីតែម្តង ដោយសារតែសរសៃឈាមពួកគេផុយ ហើយស្បែកទៅជាស្តើង។ ការជាំស្បែកម្តងម្កាលមិនបង្កជាបញ្ហាអ្វីដែលត្រូវបារម្ភនោះទេ។ ប៉ុន្តែបើសិនជាអ្នកឧស្សាហ៍ជាំស្បែក ឬងាយនឹងជាំស្បែកធំៗ ឬហូរឈាមនៅកន្លែងណាផ្សេងនោះ វាអាចជាសញ្ញាមួយនៃជំងឺធ្ងន់ធ្ងរ ដែលត្រូវការយកចិត្តទុកដាក់ព្យាបាល។
ជំងឺមួយចំនួនដែលអាចធ្វើឲ្យអ្នកងាយនឹងជាំស្បែកបាននោះមានដូចជា៖
• ជំងឺ Cushing Syndrome
• ជំងឺតម្រងនោមដំណាក់កាលចុងក្រោយ
• ការកង្វះកត្តាធ្វើឲ្យឈាមកក (ប្រូតេអ៊ីនក្នុងឈាមដែលមាននាទីធ្វើឲ្យឈាមកក)
• ជំងឺឈាមក្រកកប្រភេទ A និង B
• ជំងឺមហារីកគ្រាប់ឈាមស
• ជំងឺថ្លើម
• ជំងឺកង្វះប្លាកែត
• កង្វះអាហារូបត្ថម្ភ
• ជំងឺ Von Willebrand ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com