Leroy Sane ខ្សែបម្រើឆ្នើម Manchester City និងជាម្ចាស់ពានរង្វាន់កីឡាករវ័យក្មេងល្អជាងគេ PFA Young Player of the Year ប្រចាំក្របខណ្ឌPremier League រដូវកាល ២០១៧-២០១៨ មិនស្ថិតក្នុងសមាសភាព ២៣នាក់របស់ជម្រើសជាតិអាល្លឺម៉ង់ដើម្បីទៅប្រជែងពានរង្វាន់ FIFA World Cup នៅរុស្ស៊ី ឆ្នាំ២០១៨ឡើយ។
ការដក Sane ដែលបានស៊ុតបញ្ចូលទី១៤គ្រាប់ និងបញ្ជូនបាល់ឲ្យមិត្តរួមក្រុមសម្រេចទី១៥គ្រាប់ដែលនាំឲ្យ Man City លើកពាន Premier League នោះ បានធ្វើឲ្យមានការភ្ញាក់ផ្អើលយ៉ាងខ្លាំង។ តែលោក Joachim Low ដែលជាគ្រូបង្វឹកជម្រើសជាតិអាល្លឺម៉ង់ បានបញ្ជាក់ពីការសម្រេចចិត្តរបស់ខ្លួនថា៖ «ខ្ញុំជឿជាក់ថា Sane ពិតជាធ្វើបានល្អនៅ Man City។ អរគុណចំពោះការប្រកួតជាច្រើននៅ Premier League ហើយគាត់បានអភិវឌ្ឍខ្លួនយ៉ាងអស្ចារ្យ។ ប្រសិនបើគាត់ព្យាយាមអភិវឌ្ឍខ្លួនបន្តទៀត យើងនឹងសប្បាយចិត្តដើម្បីលេងជាមួយយើងនាពេលអនាគត»។
ក្រុមរហស្សនាមឥន្ទ្រីដែកដែលជាម្ចាស់ការពារតំណែងជើងឯក ស្ថិតនៅក្នុងពូល F ត្រូវជួបជាមួយម៉ិកស៊ិក ស៊ុយអែត និងកូរ៉េខាងត្បូង។
ការប្រកួតបើកឆាករបស់អាល្លឺម៉ង់ នឹងត្រូវប៉ះម៉ិកស៊ិក នាទីក្រុងមូស្គូ ថ្ងៃទី១៧ ខែមិថុនាវេលាម៉ោង ១០យប់ (ម៉ោងនៅកម្ពុជា)។
សមាសភាព ២៣នាក់របស់អាល្លឺម៉ង់មានដូចខាងក្រោយ៖
អ្នកចាំទី៖ Manuel Neuer, Kevin Trapp, Marc-Andre ter Stegen
ខ្សែការពារ៖ Marvin Plattenhardt, Jonas Hector, Matthias Ginter, Mats Hummels, Niklas Sule, Antonio Rudiger, Jerome Boateng, Joshua Kimmich.
ខ្សែបម្រើ៖ Sami Khedira, Julian Draxler, Toni Kroos, Timo Werner, Mesut Ozil, Leon Goretzka, Sebastian Rudy, Julian Brandt, Ilkay Gundogan.
ខ្សែប្រយុទ្ធ៖ Marco Reus, Thomas Muller, Mario Gomez