ជាតិ
សង្គមជាតិ
ស្នាដៃជ័យលាភីអក្សរសិល្ប៍ទន្លេមេគង្គលើកទី៩ បង្ហាញពីតថភាពពិតតាមដងទន្លេមេគង្គ
កញ្ញា អ៊ឹម រចនា និង លោក រ័ត្នន៍ សេនា
×![]()
ដោយ: ប៉ូ សាគុន
គណៈកម្មការពានរង្វាន់នៃសមាគមអ្នកនិព្ធខ្មែរ បានរកឃើញបេក្ខជនជ័យលាភីពីររូបហើយ ដើម្បីទៅទទួលពានរង្វាន់អក្សរសិល្ប៍ទន្លេមេគង្គលើកទី៩ នៅរដ្ឋធានីហាណូយប្រទេសវៀតណាម។ បេក្ខជនផ្នែកកំណាព្យ បានទៅលើលោក រ័ត្នន៍ សេនា «ខ្សែនទី ខ្សែលោហិត» និងស្នាដៃរឿងខ្លី បានទៅលើកញ្ញា អ៊ឹម រចនា «មន្តស្នេហ៍ថាឡា»។ ជ័យលាភីទាំងពីររូប នឹងទទួលបានពានរង្វាន់មួយអមដោយទឹកប្រាក់មួយចំនួន ដែលត្រូវទទួលនៅថ្ងៃទី១៦ ខែមិថុនា ឆ្នាំ២០១៨នេះ។
កញ្ញា អ៊ឹម រចនា ម្ចាស់ស្នាដៃរឿង «មន្តស្នេហ៍ថាឡា» លើកឡើងថា រឿងរបស់កញ្ញាសរសេរអំពីការអភិវឌ្ឍតាមដងទន្លេមេគង្គ។ ក្នុងចម្លើយតបនឹងសារព័ត៌មានថ្មីៗ នារីមានដើមកំណើតនៅខេត្តស្វាយរៀងរូបនេះ ហាក់ចោទសួរជាសំណួរច្រើនក្នុងស្នាដៃរឿងរបស់ខ្លួន ពីការអភិវឌ្ឍទាំងឡាយ ដែលមិនបានគិតពីការអភិវឌ្ឍប្រកបដោយនិរន្តរភាព។ គំនិតសំខាន់ក្នុងរឿងដែលកញ្ញាចង់បង្ហាញទៅដល់អ្នកមើលគឺ តើការអភិវឌ្ឍមួយចំនួននៅតាមដងទន្លេបានយូរអង្វែងកម្រិតណា? ហេតុអ្វីត្រូវបំផ្លាញធម្មជាតិដើម្បីការអភិវឌ្ឍ?
តាមរយៈស្នាដៃ នារីវ័យ២៦ឆ្នាំរូបនេះ គ្រាន់តែចង់លើកទឹកចិត្តមនុស្សគ្រប់រូបឱ្យចេះស្រឡាញ់ធម្មជាតិ ទោះមិនបានថែរក្សាតែក៏កុំបំផ្លាញ។ កញ្ញា រចនា បញ្ជាក់៖«អ្វីដែលខ្ញុំចង់បង្ហាញគឺ រាល់ការអភិវឌ្ឍមិនសុទ្ធតែអាក្រក់នោះទេ តែគួរតែមើលពីនិរន្តរភាពរបស់វា។ តើការណ៍នេះអាចទាញប្រយោជន៍បានច្រើនជាងការមិនអភិវឌ្ឍប៉ុណ្ណា? អ្វីដែលខ្ញុំចង់ផ្ដោតគឺ តើការអភិវឌ្ឍនោះ ប៉ះពាល់អ្វីខ្លះទៅដល់អ្នកដែលអាស្រ័យផលនៅជុំវិញនោះ? ខ្ញុំចង់លើកទឹកចិត្តមនុស្សឱ្យស្រឡាញ់ធម្មជាតិ។ អ្នកខ្លះអាចនៅទីក្រុងឃើញភ្លើងពណ៌ច្រើន មិនដឹងធម្មជាតិល្អប៉ុណ្ណាឡើយ ទាល់តែពួកគាត់បានទៅដល់ទើបដឹងថាវាសំខាន់។ ធម្មជាតិដែលយើងបំផ្លាញហើយ វាត្រូវការពេលយូរណាស់ទម្រាំត្រឡប់មកវិញ។ ដូច្នេះបើគេមិនបានជួយថែទេ សូមតែកុំបំផ្លាញ»។
បេក្ខជនជ័យលាភីមួយរូបទៀតគឺលោក រ័ត្នន៍ សេនា ស្នាដៃកំណាព្យ «ខ្សែនទី ខ្សែលោហិត» លើកឡើងថា ខ្លឹមសាររួមក្នុងអត្ថបទលោក ចង់បង្ហាញថា ទន្លេមេគង្គទាំងមូលប្រៀបបាននឹងម្ដាយដែលចិញ្ចឹមកូនៗទាំង៦ប្រទេស។ បុរសវ័យ៤៦ឆ្នាំដែលមិនធ្លាប់ដាក់ស្នាដៃទៅប្រកួតប្រជែងពីមុនមកនេះ សង្កត់ធ្ងន់ថា អត្ថន័យកំណាព្យចង់បង្ហាញពីគុណប្រយោជន៍ និងសារសំខាន់របស់ទន្លេមេគង្គ សម្រាប់មនុស្សសត្វរុក្ខជាតិ ដែលរស់នៅក្នុងប្រទេសទាំង៦។ ស្នាដៃកំណាព្យដែលមានកម្រាស់១១ទំព័រទាំងភាសាខ្មែរនិងអង់គ្លេសនេះ បានបង្ហាញឱ្យឃើញពី សមាហរណកម្មរួមគ្នារវាងប្រទេសទាំង៦តាមដងទន្លេមេគង្គ ក្នុងវិស័យសិល្បៈ វប្បធម៌ កសិកម្ម ពាណិជ្ជកម្ម បរិស្ថាន សាសនា និងរឿងជាច្រើនទៀត។
ម្ចាស់ជ័យលាភី ដែលមានដើមកំណើតនៅខេត្តស្វាយរៀងរូបនេះ ឱ្យតម្លៃទន្លេមេគង្គប្រៀបទៅនឹងសរសៃឈាមរួមមួយ ដែលទាមទារឱ្យប្រទេសទាំង៦មានការយោគយល់គ្នាទៅវិញទៅមក ក្នុងការទាញយកប្រយោជន៍ ឬការអភិវឌ្ឍតាមដងទន្លេ។ លោក សេនា បញ្ញាក់៖«ចំណងជើង ខ្សែនទី ខ្សែលោហិត ខ្ញុំចង់បានន័យថាទន្លេប្រៀបបានសរសៃឈាមរួមគ្នារវាងប្រទេសទាំង៦។ ខ្លឹមសារសំខាន់ខ្ញុំចង់បង្ហាញថា រាល់ការអភិវឌ្ឍនានាតាមដងទន្លេ គួរតែមានការយោគយល់គ្នា ផ្ដល់ប្រយោជន៍ឱ្យគ្នាទៅវិញទៅមក។ ការឈ្វេងយល់ពីផលប៉ះពាល់ដែលអាចកើតមានឡើងរវាងប្រទេសទាំង៦តាមដងទន្លេមេគង្គ ក្រោយអភិវឌ្ឍជារឿងសំខាន់»។
ជាគណៈកម្មាការវាយតម្លៃស្នាដៃមួយរូប លោក ឡឹក ជំនោរ មានប្រសាសន៍ថា ស្នាដៃដែលជ្រើសរើសបានទាំងពីរូបនេះ បង្ហាញពីជីវភាពពិត និងស្ថានភាពពិតតាមដងទន្លេមេគង្គ។ រឿងទាំងពីរនេះជាប្រភេទរឿងថ្មីបែបទំនើប បង្ហាញពីទីតាំងពិត រឿងជាក់ស្ដែង ដែលធ្វើឱ្យអ្នកអានទទួលបានចំណេះច្រើន។ លោកថាក្នុងចំណោមស្នាដៃប្រកួតប្រជែងទាំង២៩ស្នាដៃ ខ្លឹមសារអត្ថបទមានកម្រិតប្រហាក់ប្រហែលគ្នា គ្រាន់តែលើសខ្វះបន្តិចបន្តួចតែប៉ុណ្ណោះ។
គណៈកម្មាការវាយតម្លៃស្នាដៃរូបនេះ ផ្ដាំផ្ញើទៅកាន់បេក្ខជនដែលមានបំណងដាក់ស្នាដៃប្រកួតប្រជែងឆ្នាំក្រោយៗ ឱ្យយកចិត្តទុកដាក់ទៅលើអក្ខរាវិរុទ្ធ ខ្លឹមសារត្រូវចូលឱ្យជ្រៅទៅក្នុងប្រធានបទ។ លោកសង្កត់ធ្ងន់ថា ស្នាដៃត្រូវបង្ហាញពីអត្តសញ្ញាណជាតិ ព្រលឹងជាតិ តំបន់ទេសចរណ៍ តំបន់ពាណិជ្ជកម្ម ព្រោះជាផលចំណេញរបស់ប្រទេស។ បេក្ខជនត្រូវយល់ឱ្យច្បាស់ពីប្រធានបទ និងគោលបំណងដែលពានរង្វាន់ចង់បាន ត្រូវបង្ហាញពីទីតាំងពិត ឬ តំបន់ជាក់លាក់។ លោក ជំនោរ បញ្ជាក់៖«ស្នាដៃដែលដាក់ប្រកួតប្រជែងជាលក្ខណៈអន្តរជាតិបែបនេះ សំខាន់ត្រូវសរសេរចូលឱ្យជ្រៅក្នុងប្រធានបទ បង្ហាញពីគំនិតអប់រំ អត្តសញ្ញាណជាតិ ព្រលឹងរបស់ជាតិ តំបន់ទេសចរណ៍ តំបន់ពាណិជ្ជកម្មក្នុងប្រទេស ព្រោះជាមធ្យោបាយបង្ហាញប្រទេសទៅកាន់អន្តរជាតិ៕
តាមរយៈស្នាដៃ នារីវ័យ២៦ឆ្នាំរូបនេះ គ្រាន់តែចង់លើកទឹកចិត្តមនុស្សគ្រប់រូបឱ្យចេះស្រឡាញ់ធម្មជាតិ ទោះមិនបានថែរក្សាតែក៏កុំបំផ្លាញ។ កញ្ញា រចនា បញ្ជាក់៖«អ្វីដែលខ្ញុំចង់បង្ហាញគឺ រាល់ការអភិវឌ្ឍមិនសុទ្ធតែអាក្រក់នោះទេ តែគួរតែមើលពីនិរន្តរភាពរបស់វា។ តើការណ៍នេះអាចទាញប្រយោជន៍បានច្រើនជាងការមិនអភិវឌ្ឍប៉ុណ្ណា? អ្វីដែលខ្ញុំចង់ផ្ដោតគឺ តើការអភិវឌ្ឍនោះ ប៉ះពាល់អ្វីខ្លះទៅដល់អ្នកដែលអាស្រ័យផលនៅជុំវិញនោះ? ខ្ញុំចង់លើកទឹកចិត្តមនុស្សឱ្យស្រឡាញ់ធម្មជាតិ។ អ្នកខ្លះអាចនៅទីក្រុងឃើញភ្លើងពណ៌ច្រើន មិនដឹងធម្មជាតិល្អប៉ុណ្ណាឡើយ ទាល់តែពួកគាត់បានទៅដល់ទើបដឹងថាវាសំខាន់។ ធម្មជាតិដែលយើងបំផ្លាញហើយ វាត្រូវការពេលយូរណាស់ទម្រាំត្រឡប់មកវិញ។ ដូច្នេះបើគេមិនបានជួយថែទេ សូមតែកុំបំផ្លាញ»។
បេក្ខជនជ័យលាភីមួយរូបទៀតគឺលោក រ័ត្នន៍ សេនា ស្នាដៃកំណាព្យ «ខ្សែនទី ខ្សែលោហិត» លើកឡើងថា ខ្លឹមសាររួមក្នុងអត្ថបទលោក ចង់បង្ហាញថា ទន្លេមេគង្គទាំងមូលប្រៀបបាននឹងម្ដាយដែលចិញ្ចឹមកូនៗទាំង៦ប្រទេស។ បុរសវ័យ៤៦ឆ្នាំដែលមិនធ្លាប់ដាក់ស្នាដៃទៅប្រកួតប្រជែងពីមុនមកនេះ សង្កត់ធ្ងន់ថា អត្ថន័យកំណាព្យចង់បង្ហាញពីគុណប្រយោជន៍ និងសារសំខាន់របស់ទន្លេមេគង្គ សម្រាប់មនុស្សសត្វរុក្ខជាតិ ដែលរស់នៅក្នុងប្រទេសទាំង៦។ ស្នាដៃកំណាព្យដែលមានកម្រាស់១១ទំព័រទាំងភាសាខ្មែរនិងអង់គ្លេសនេះ បានបង្ហាញឱ្យឃើញពី សមាហរណកម្មរួមគ្នារវាងប្រទេសទាំង៦តាមដងទន្លេមេគង្គ ក្នុងវិស័យសិល្បៈ វប្បធម៌ កសិកម្ម ពាណិជ្ជកម្ម បរិស្ថាន សាសនា និងរឿងជាច្រើនទៀត។
ម្ចាស់ជ័យលាភី ដែលមានដើមកំណើតនៅខេត្តស្វាយរៀងរូបនេះ ឱ្យតម្លៃទន្លេមេគង្គប្រៀបទៅនឹងសរសៃឈាមរួមមួយ ដែលទាមទារឱ្យប្រទេសទាំង៦មានការយោគយល់គ្នាទៅវិញទៅមក ក្នុងការទាញយកប្រយោជន៍ ឬការអភិវឌ្ឍតាមដងទន្លេ។ លោក សេនា បញ្ញាក់៖«ចំណងជើង ខ្សែនទី ខ្សែលោហិត ខ្ញុំចង់បានន័យថាទន្លេប្រៀបបានសរសៃឈាមរួមគ្នារវាងប្រទេសទាំង៦។ ខ្លឹមសារសំខាន់ខ្ញុំចង់បង្ហាញថា រាល់ការអភិវឌ្ឍនានាតាមដងទន្លេ គួរតែមានការយោគយល់គ្នា ផ្ដល់ប្រយោជន៍ឱ្យគ្នាទៅវិញទៅមក។ ការឈ្វេងយល់ពីផលប៉ះពាល់ដែលអាចកើតមានឡើងរវាងប្រទេសទាំង៦តាមដងទន្លេមេគង្គ ក្រោយអភិវឌ្ឍជារឿងសំខាន់»។
ជាគណៈកម្មាការវាយតម្លៃស្នាដៃមួយរូប លោក ឡឹក ជំនោរ មានប្រសាសន៍ថា ស្នាដៃដែលជ្រើសរើសបានទាំងពីរូបនេះ បង្ហាញពីជីវភាពពិត និងស្ថានភាពពិតតាមដងទន្លេមេគង្គ។ រឿងទាំងពីរនេះជាប្រភេទរឿងថ្មីបែបទំនើប បង្ហាញពីទីតាំងពិត រឿងជាក់ស្ដែង ដែលធ្វើឱ្យអ្នកអានទទួលបានចំណេះច្រើន។ លោកថាក្នុងចំណោមស្នាដៃប្រកួតប្រជែងទាំង២៩ស្នាដៃ ខ្លឹមសារអត្ថបទមានកម្រិតប្រហាក់ប្រហែលគ្នា គ្រាន់តែលើសខ្វះបន្តិចបន្តួចតែប៉ុណ្ណោះ។
គណៈកម្មាការវាយតម្លៃស្នាដៃរូបនេះ ផ្ដាំផ្ញើទៅកាន់បេក្ខជនដែលមានបំណងដាក់ស្នាដៃប្រកួតប្រជែងឆ្នាំក្រោយៗ ឱ្យយកចិត្តទុកដាក់ទៅលើអក្ខរាវិរុទ្ធ ខ្លឹមសារត្រូវចូលឱ្យជ្រៅទៅក្នុងប្រធានបទ។ លោកសង្កត់ធ្ងន់ថា ស្នាដៃត្រូវបង្ហាញពីអត្តសញ្ញាណជាតិ ព្រលឹងជាតិ តំបន់ទេសចរណ៍ តំបន់ពាណិជ្ជកម្ម ព្រោះជាផលចំណេញរបស់ប្រទេស។ បេក្ខជនត្រូវយល់ឱ្យច្បាស់ពីប្រធានបទ និងគោលបំណងដែលពានរង្វាន់ចង់បាន ត្រូវបង្ហាញពីទីតាំងពិត ឬ តំបន់ជាក់លាក់។ លោក ជំនោរ បញ្ជាក់៖«ស្នាដៃដែលដាក់ប្រកួតប្រជែងជាលក្ខណៈអន្តរជាតិបែបនេះ សំខាន់ត្រូវសរសេរចូលឱ្យជ្រៅក្នុងប្រធានបទ បង្ហាញពីគំនិតអប់រំ អត្តសញ្ញាណជាតិ ព្រលឹងរបស់ជាតិ តំបន់ទេសចរណ៍ តំបន់ពាណិជ្ជកម្មក្នុងប្រទេស ព្រោះជាមធ្យោបាយបង្ហាញប្រទេសទៅកាន់អន្តរជាតិ៕
Tag:
អក្សរសិល្ប៍
អប់រំ
តែងនិពន្ធ
© រក្សាសិទ្ធិដោយ thmeythmey.com
