ការប្រកួតកីឡាបាល់ទាត់ដណ្តើមពានរង្វាន់ពិភពលោក (FIFA World Cup 2018) ឈានដល់ថ្ងៃទីពីរ ដោយអេហ្ស៊ីប ប៉ះអ៊ុយរូហ្គាយសម្រាប់ជំនួបពូល A ហើយបន្ទាប់មកក្រុមនៅពូល B ត្រូវតទល់គ្នា តាមរយៈជំនួបរវាងម៉ារ៉ុក និងអ៊ីរ៉ង់ ព័រទុយហ្គាល់ និងអេស្ប៉ាញ។
អេហ្ស៊ីប ជួប អ៊ុយរូហ្គាយ នាម៉ោង៧ល្ងាចនៅកីឡដ្ឋាន Ekaterinburg Arena ក្រុង Ekaterinburg
អេហ្ស៊ីបបង្ហាញវត្តមានលើកទីបីនៅ World Cup ជាមួយនឹងជំនួបបើកឆាកជាមួយម្ចាស់ជើងឯកពីរជំនាន់អ៊ុយរូហ្គាយ។
Mohamed Salah គឺជាកីឡាករកំពុងលេចធ្លោម្នាក់របស់អេហ្ស៊ីប ប៉ុន្តែបញ្ហារបួសស្មានាការប្រកួតវគ្គផ្តាច់ព្រ័ត្រ Champions League បានធ្វើឲ្យកីឡាកររូបនេះ ទំនងជាអវត្តមានតទល់ជាមួយអ៊ុយរូហ្គាយដែលមាន Luis Suarez និង Edinson Cavani ជាកម្លាំងដ៏មុតស្រួច។
កីឡាករដែលអាចស្ថិតក្នុងជម្រើសដំបូង៖Ekaterinburg Arena Ekaterinburg
-អេហ្ស៊ីប: Mohamed El Shenawy; Ali Gabr, Ahmed Hegazy, Ahmed Fathi, Mohamed Abdel Shafi; Tarek Hamed, Mohamed El Neny, Mahmoud Trezeguet, Abdulla Said; Ramadhan Sobhi, Marwan Mohsen។
-អ៊ុយរូហ្គាយ: Fernando Muslera; Guillermo Varela, Jose Maria Gimenez, Diego Godin, Martin Caceres; Nahitan Nandez, Matias Vecino, Rodrigo Bentancur, Giorgian De Arrascaeta; Edinson Cavani, Luis Suarez។
ម៉ារ៉ុក ជួប អ៊ីរ៉ង់ ម៉ោង១០យប់នៅកីឡដ្ឋាន Saint Petersburg Stadium ក្រុង St. Petersburg
នេះជាលើកទី៥សម្រាប់អ៊ីរ៉ង់ក្នុងព្រឹត្តិការណ៍ World Cup ដោយអ្នកគាំទ្ររំពឹងជានិច្ចថា ក្រុមខ្លួនអាចឆ្លងផុតវគ្គជម្រុះតាមពូល។ សម្រាប់ម៉ារ៉ុក ពួកគេវិលត្រឡប់មកវិញក្រោយរង់ចាំអស់២០ឆ្នាំ ក្នុងនាមជាក្រុមមួយដែលមិនមានការធ្លាយគ្រាប់បាល់នាការប្រកួតវគ្គជម្រុះ។ ជ័យជម្នះរបស់ក្រុមណាមួយ គឺជាកាដូដ៏ធំ មុនពេលដែលពួកគេត្រូវជួបជាបន្តបន្ទាប់ជាមួយក្រុមខ្លាំងព័រទុយហ្គាល់ និងអេស្ប៉ាញនៅក្នុងពូល B។
កីឡាករដែលអាចស្ថិតក្នុងជម្រើសដំបូង៖
អ៊ីរ៉ង់: Ali Beiranvand; Milad Mohammadi, Morteza Pouraliganji, Roozbeh Cheshmi, Pejman Montazeri; Masoud Shojaei, Ehsan Haji Safi, Omid Ebrahimi; Vahid Amiri, Sardar Azmoun, Alireza Jahanbakhsh។
ម៉ារ៉ុក: Monir El Kajoui; Hamza Mendyl, Romain Saiss, Mehdi Benatia, Achraf Hakimi; Hakim Ziyech, Mbark Boussoufa, Younes Belhanda, Karim El Ahmadi, Noureddine Amrabat; Khalid Boutaib។
ព័រទុយហ្គាល់ ជួប អេស្ប៉ាញ នាម៉ោង១អធ្រាត្រនៅកីឡដ្ឋាន Fisht Stadium ក្រុង Sochi
វាជាជំនួបក្រុមខ្លាំងប៉ះខ្លាំងលើកដំបូងប្រចាំព្រឹត្តិការណ៍ World Cup នេះ។ ថ្វីត្បិតជាប្រទេសជិតខាងគ្នាក៏ដោយ ប៉ុន្តែពួកគេមានប្រវត្តិជួបគ្នាតែម្តងគត់ក្នុងព្រឹត្តិការណ៍ពិភពលោក ដោយអេស្ប៉ាញបានឈ្នះក្នុងលទ្ធផល ១-០ នាជំនួបវគ្គ១៦ក្រុមចុងក្រោយនៅអាហ្វ្រិកខាងត្បូង។ ព័រទុយហ្គាល់ដែលមាន Cristiano Ronaldo ប្រឹងប្រែងធ្វើឲ្យល្អបន្ថែមទៀត ក្រោយលើកពាន Euro 2016 ខណៈអេស្ប៉ាញ ម្ចាស់ជើងឯកឆ្នាំ២០១០ ត្រូវការយល់ចិត្តគ្នាឲ្យខ្លាំងបំផុតក្រោមការដឹកនាំរបស់លោក
Fernando Hierro ដែលកាន់តំណែងជំនួសលោក Julen Lopetegui ត្រឹមតែ១ថ្ងៃមុនការបើកព្រឹត្តិការណ៍ World Cup នៅរុស្ស៊ីនេះ។
កីឡាករដែលអាចស្ថិតក្នុងជម្រើសដំបូង៖
-ព័រទុយហ្គាល់: Rui Patricio; Raphael Guerreiro, Jose Fonte, Pepe, Cedric; Joao Mario, Joao Moutinho, William, Bernardo Silva; Cristiano Ronaldo, Goncalo Guedes
-អេស្ប៉ាញ៖ David De Gea; Jordi Alba, Sergio Ramos, Gerard Pique, Nacho; Sergio Busquets, Thiago Alcantara; Andres Iniesta, Isco, David Silva; Diego Costa៕