FIFA
កីឡាអន្តរជាតិ
អន្តរជាតិ
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិអង់គ្លេស បានទៅដល់រុស្ស៊ីកាលពីថ្ងៃអង្គារកន្លងមក ជាមួយនឹងឈុតខោអាវធំរបស់ក្រុមហ៊ុន Marks & Spencer។ បើទោះបីជាមិនមានការបញ្ជាក់ផ្លូវការក៏ដោយ ប៉ុន្តែសារព័ត៌មាន The Telegraph ស្រាវជ្រាវឃើញថា ឈុតដ៏ស្រស់ស្អាតទាំងនេះ ត្រូវបានផលិតនៅកម្ពុជា។
មុនចេញដំណើរទៅរុស្ស៊ី ក្រុមដែលស្ថិតក្រោមដឹកនាំរបស់លោក Gareth Southgate បានថតរូបជាក្រុម ជាមួយនឹងឈុតសម្លៀកបំពាក់តម្លៃប្រមាណ២៦៤ផោន (ប្រមាណ៣៥០ដុល្លារអាមេរិក) ក្នុង១កំប្លេ។ ការថតបែបនេះ មានមតិមួយចំនួនរិះគន់ថា មានទម្រង់ដូចជាសិស្សសាលា។
ទាក់ទងនឹងសម្លៀកបំពាក់ឈុតធំ ក្រុមហ៊ុន M&S មិនបានបញ្ជាក់ពីប្រភពនៃផលិតផលឡើយ ដោយគ្រាន់តែបញ្ជាក់ថា ជាប្រភេទក្រណាត់ដែលមានគុណភាពល្អឥតខ្ចោះ ១០០ភាគរយរបស់អង់គ្លេស ក្រោមការរចនារបស់ក្រុមហ៊ុន Alfred Brown ដ៏ល្បីល្បាញ។
ដោយសារមិនមានការបញ្ជាក់ផ្លូវការ ក្រុមអ្នកសារព័ត៌មានជំនាញរបស់ The Telegraph បានបើកការស៊ើបអង្កេត ហើយតាមរយៈការផ្ទៀងផ្ទាត់សាច់ក្រណាត់ ទើបបានរកឃើញថា វាពិតជាផលិតផលដែលត្រូវបានផលិតនៅកម្ពុជា។ ទីបំផុតអ្នកនាំពាក្យម្នាក់របស់ក្រុមហ៊ុន បានទទួលស្គាល់ថា ឈុតខោអាវធំរបស់អង់គ្លេស ពិតជាផលិតនៅបរទេសប្រាកដមែន។
នេះជាលើកទីបីហើយសម្រាប់ World Cup ដែលក្រុមហ៊ុនជម្រើសជាតិអង់គ្លេសប្រើប្រាស់ផលិតផ្លូវការរបស់ក្រុមហ៊ុន M&S។ លោក Nigel Farage អតីតមេបក្សប្រឆាំងដ៏ធំនៅអង់គ្លេស ធ្លាប់បានលើកឡើងថា ក្រុមហ៊ុនអង់គ្លេសគួរតែលើកកម្កើងផលិតផលដែលធ្វើបានដោយជនរួមជាតិរបស់ខ្លួន៕
មុនចេញដំណើរទៅរុស្ស៊ី ក្រុមដែលស្ថិតក្រោមដឹកនាំរបស់លោក Gareth Southgate បានថតរូបជាក្រុម ជាមួយនឹងឈុតសម្លៀកបំពាក់តម្លៃប្រមាណ២៦៤ផោន (ប្រមាណ៣៥០ដុល្លារអាមេរិក) ក្នុង១កំប្លេ។ ការថតបែបនេះ មានមតិមួយចំនួនរិះគន់ថា មានទម្រង់ដូចជាសិស្សសាលា។
ទាក់ទងនឹងសម្លៀកបំពាក់ឈុតធំ ក្រុមហ៊ុន M&S មិនបានបញ្ជាក់ពីប្រភពនៃផលិតផលឡើយ ដោយគ្រាន់តែបញ្ជាក់ថា ជាប្រភេទក្រណាត់ដែលមានគុណភាពល្អឥតខ្ចោះ ១០០ភាគរយរបស់អង់គ្លេស ក្រោមការរចនារបស់ក្រុមហ៊ុន Alfred Brown ដ៏ល្បីល្បាញ។
ដោយសារមិនមានការបញ្ជាក់ផ្លូវការ ក្រុមអ្នកសារព័ត៌មានជំនាញរបស់ The Telegraph បានបើកការស៊ើបអង្កេត ហើយតាមរយៈការផ្ទៀងផ្ទាត់សាច់ក្រណាត់ ទើបបានរកឃើញថា វាពិតជាផលិតផលដែលត្រូវបានផលិតនៅកម្ពុជា។ ទីបំផុតអ្នកនាំពាក្យម្នាក់របស់ក្រុមហ៊ុន បានទទួលស្គាល់ថា ឈុតខោអាវធំរបស់អង់គ្លេស ពិតជាផលិតនៅបរទេសប្រាកដមែន។
នេះជាលើកទីបីហើយសម្រាប់ World Cup ដែលក្រុមហ៊ុនជម្រើសជាតិអង់គ្លេសប្រើប្រាស់ផលិតផ្លូវការរបស់ក្រុមហ៊ុន M&S។ លោក Nigel Farage អតីតមេបក្សប្រឆាំងដ៏ធំនៅអង់គ្លេស ធ្លាប់បានលើកឡើងថា ក្រុមហ៊ុនអង់គ្លេសគួរតែលើកកម្កើងផលិតផលដែលធ្វើបានដោយជនរួមជាតិរបស់ខ្លួន៕
Tag:
FIFA World Cup
GroupG
© រក្សាសិទ្ធិដោយ thmeythmey.com
