ពីនេះ ពីនោះ
«សម្រិត និងសំរិទ្ធ ឬសំរឹទ្ធ» តើមានន័យខុសគ្នាដូចម្តេច?
× ពាក្យថា «សម្រិត» ចង់បញ្ជាក់ថា ធ្វើឲ្យស្អាត, បរិសុទ្ធ, សិតទឹក ឬផាត់ទឹកសម្រេងមិនឲ្យសោយកករ។ ចំពោះពាក្យ «សំរិទ្ធ ឬសំរឹទ្ធ» មានន័យថា សេចក្តីសម្រេច។
វចនានុក្រមសម្តេចព្រះសង្ឃរាជ ជួន ណាតបានឲ្យនិយមន័យថា «សម្រិត» ជាការធ្វើឲ្យស្អាតល្អ ហើយមានន័យម្យ៉ាងទៀតថា ស្រិតទឹក ឬជាត់ទឹក។ ចំណែក «សំរិទ្ធ ឬសំរឹទ្ធ» មានន័យថា សេចក្តីសម្រេច ការលូតលាស់, ការដុះដាល, ផលសម្រេច។ ឧទាហរណ៍៖ សំរិទ្ធជ័យ ជ័យសម្រេច, សំរិទ្ធជោគ, សម្រេចផលប្រយោជន៍, សំរឹទ្ធភាព ភាពនៃសេចក្តីសម្រេច, សំរិទ្ធស័ក ស័កសម្រេច គឺស័ក ១០ នៃឆ្នាំដែលជាចុងបំផុតនៃស័ក,សំរឹទ្ធការ្យ ការសម្រេច កិច្ចការដែលសម្រេចបាន ជាដើម៕
© រក្សាសិទ្ធិដោយ thmeythmey.com