AFF Women៖ កម្ពុជាប្រជែងជាមួយ អូស្ត្រាលី ថៃ ម៉ាឡេស៊ី និងទីម័រខាងកើត

កីឡាជាតិ

ជាតិ

AFF Women៖ កម្ពុជាប្រជែងជាមួយ អូស្ត្រាលី ថៃ ម៉ាឡេស៊ី និងទីម័រខាងកើត

30, Jun 2018 , 10:44 am

រូបភាព

ដោយ:

ក្រុមកីឡាការិនីបាល់ទាត់ជម្រើសជាតិកម្ពុជា ត្រូវប្រជែងជាមួយក្រុមអូស្ត្រាលី ថៃ ម៉ាឡេស៊ី និងទីម័រខាងកើត សម្រាប់ការប្រកួតពានរង្វាន់ AFF Women Championship 2018 នៅប្រទេសឥណ្ឌូណេស៊ី ចន្លោះពីថ្ងៃទី៣០ មិថុនា ដល់ថ្ងៃទី១៣ កក្កដា ឆ្នាំ២០១៨។ ក្រុមកីឡាការិនីកម្ពុជា ជួបប្រកួតបើកឆាកជាមួយក្រុមទីម័រខាងកើតនាថ្ងៃទី៣០ មិថុនា ឆ្នាំ២០១៨។

នៅព្រឹកថ្ងៃទី២៨ ខែមិថុនា ឆ្នាំ២០១៨ ក្រុមកីឡាការិនីជម្រើសជាតិកម្ពុជាបានចាកចេញពីមាតុភូមិទៅកាន់ប្រទេសឥណ្ឌូណេស៊ី ដើម្បីត្រៀមប្រកួតប្រជែងក្នុងព្រឹត្តិការណ៍ AFF Women Championship ប្រចាំឆ្នាំ២០១៨។ កម្ពុជាដែលស្ថិតនៅក្នុងពូល A ត្រូវប្រជែងជាមួយអូស្ត្រាលី ថៃ ម៉ាឡេស៊ី និងទីម័រខាងកើត។

ក្រុមជម្រើសជាតិនារីកម្ពុជាត្រូវតទល់ជាមួយទីម័រខាងកើតក្នុងជំនួបបើកឆាកពូល A នាថ្ងៃទី៣០ ខែមិថុនា ឆ្នាំ២០១៨ មុនជួបប្រកួតលើកទី២ជាមួយម៉ាឡេស៊ីនៅថ្ងៃទី២ ខែកក្កដា ឆ្នាំ២០១៨។ បន្ទាប់មកនៅថ្ងៃទី៤ កក្កដា កម្ពុជាត្រូវតតាំងជាមួយជើងខ្លាំងថៃ មុនប៉ះអូស្ត្រាលីក្នុងជំនួបចុងក្រោយនៅថ្ងៃទី៦ កក្កដា ឆ្នាំ២០១៨។

សម្រាប់ការប្រកួតពានរង្វាន់ AFF Women Championship 2018 មាន១១ក្រុមចូលរួម។ ការប្រកួតព្រឹត្តទៅចន្លោះពីថ្ងៃទី៣០ មិថុនា ដល់ថ្ងៃទី១៣ ខែកក្កដា ឆ្នាំ២០១៨។ ការប្រកួតចែកចេញជាពីរពូលក្នុងនោះពូល A មានកម្ពុជា ថៃ អូស្ត្រាលី ម៉ាឡេស៊ី និងទីម័រខាងកើត ខណៈពូល B មានម្ចាស់ផ្ទះឥណ្ឌូណេស៊ី, ហ្វីលីពីន, មីយ៉ាន់ម៉ា, សិង្ហបុរី និងវៀតណាម។

កីឡាការិនីកម្ពុជាទាំង២៣រូបរួមមាន៖ ពឿន គន្ធា, ហួត គឹមហុង, បាន ជាវៃ, សេនដ្រា ហៀល, មូល រស្មីផែ, កែប ទាន់សម័យ, លឹម សុជា, ហ៊ិន ស្រីអូន, ឆន ស្រីនីត, ជា សម្ផស្ស, យ៉ុន យ៉ើន, ភឺន ស្រីល័ក្ខ, ស៊ិន ស្រីនាត, ឌី សុធា, កយ មួយកញ្ញា, ពេជ្រ យូឈុនអ៊ី, សំរ៉ិត និមល, ហ៊ា ស្រីឡាស់, នន មិនា, ភឿ ធូ, គឹម ចាន់ថេត, តាំង មករា និង ចាយ ស្រីលាភ៕