លោក គៀត ច័ន្ទថារិទ្ធ ប្រាប់ឲ្យមេប៉ូលិសទូទាំងប្រទេស ពង្រឹងសន្តិសុខ និងស្ថានការណ៍មុនការបោះឆ្នោត

ជាតិ

សង្គមជាតិ

លោក គៀត ច័ន្ទថារិទ្ធ ប្រាប់ឲ្យមេប៉ូលិសទូទាំងប្រទេស ពង្រឹងសន្តិសុខ និងស្ថានការណ៍មុនការបោះឆ្នោត

30, Jun 2018 , 6:59 pm

រូបភាព

ដោយ:

ភ្នំពេញ៖ អគ្គស្នងការរងនគរបាលជាតិលោក គៀត ច័ន្ទថារិទ្ធ បានដាក់បញ្ជាទៅគ្រប់ស្នងការនគរបាលទូទាំងប្រទេស ឲ្យរឹតបន្តឹងសន្តិសុខ និងស្ថានការណ៍ នៅតាមគោលដៅនីមួយៗ ដើម្បីធានាដល់ការបោះឆ្នោត ដែលនឹងឈានមកដល់ខាងមុខនេះ ។ នេះបើតាមគេហទំព័រអគ្គស្នងការដ្ឋាននគរបាលជាតិ។

អគ្គស្នងការរងនគរបាលជាតិរូបនេះ បានបញ្ជាក់ថា សកម្មភាពរបស់នគរបាល គឹរៀបចំការល្បាត ,កម្លាំងត្រៀមអន្តរាគមន៍នៅតាមទីសាធារណៈសំខាន់ៗ ។ លោក បន្ថែមដូច្នេះថា៖« ដើម្បីធ្វើកិច្ចការនេះបាន ត្រូវផ្គុំគ្នាតាំងពីប៉ុស្តិ៍នគរបាលរដ្ឋបាលឡើងទៅ ឲ្យប៉ុស្តិ៍នគរបាលរដ្ឋបាលទាំងអស់បង្ហាញខ្លួនល្បាតចុះតាមខ្នងផ្ទះ»។

ដំណាក់កាលឃោសនាបោះឆ្នោត គឺជាដំណាក់កាលដែលមានការប្រឈមខ្លាំងជាងគេ ដូច្នេះត្រូវយកចិត្តទុកដាក់ចាប់ពីពេលបោះឆ្នោតទៅ។ នេះបើតាមការបន្ថែមរបស់ លោក គៀត ច័ន្ទថារិទ្ធ និងបានសង្កត់ធ្ងន់ថា គ្រប់បទល្មើសព្រហ្មទណ្ឌ ដែលទាក់ទងនឹងអំពើហិង្សា អំពើឃាតកម្មត្រូវតែយកចិត្តទុកដាក់ស្រាវជ្រាវឲ្យឃើញមុខសញ្ញាច្បាស់លាស់៕