កីឡាអន្តរជាតិ
អន្តរជាតិ
បារាំងទម្លាក់ជើងឯករងអាហ្សង់ទីន ៤-៣ ដើម្បីឡើងបន្តទៅវគ្គ១/៤ផ្តាច់ព្រ័ត្រ រូបថត៖ Getty/FIFA
× ក្រុមកីឡាបាល់ទាត់ជម្រើសជាតិបារាំង ក្លាយជាក្រុមទីមួយដែលឡើងទៅកាន់វគ្គ១/៤ផ្តាច់ព្រ័ត្រ បន្ទាប់ពីពួកគេបានយកឈ្នះក្រុមជើងឯករងអាហ្សង់ទីន ៤-៣ នៅវគ្គ១៦ក្រុមចុងក្រោយ នាកីឡដ្ឋាន Kazan Arena ប្រទេសរុស្ស៊ី។
Antoine Griezmann បានស៊ុតបាល់ប៉េណាល់ទីជួយបារាំងនាំមុខមុននៅនាទី១៣ បន្ទាប់ពី Marcos Rojo ធ្វើឲ្យ Kylian Mbappe ដួលក្នុងតំបន់គ្រោះថ្នាក់។ ៤នាទីមុនបញ្ចប់ការប្រកួតតង់ទីមួយ Angel Di Maria បានស៊ុតពីចម្ងាយតាមស្មើវិញ ក្រោយការបញ្ជូនយ៉ាងល្អរបស់ Ever Banega។
ក្រោយប្រកួតបាន៣នាទីនៅតង់ទីពីរ អាហ្សង់ទីន មានឱកាសនាំមុខវិញម្តងដែលជាការស៊ុតបាល់បញ្ចូលទីរបស់ Gabriel Mercado តាមរយៈការបញ្ជូនរបស់ Lionel Messi។ ប៉ុន្តែបារាំងបានវាយបក៣គ្រាប់វិញជាបន្តបន្ទាប់ ដែលសម្រេចបានដោយ Benjamin Pavard នៅនាទី៥៧ និង Kylian Mbappe នៅនាទី៦៤ និង៦៨ ។ នៅនាទីបន្ថែម Sergio Aguero តែតតាមពីក្រោយ ៤-៣ តែដើម្បីបង្គ្រប់កិច្ចប៉ុណ្ណោះ៕
© រក្សាសិទ្ធិដោយ thmeythmey.com