ជាតិ
សេដ្ឋកិច្ច
សភាពាណិជ្ជកម្មអឺរ៉ុប នឹងរៀបចំតាំងពិព័រណ៍នៅឆ្នាំ២០២០ទៀត ក្រោយទទួលជោគជ័យលើកដំបូង
× ភ្នំពេញ៖ ពិព័រណ៍អឺរ៉ុប លើកដំបូងគេនៅកម្ពុជា មានរយៈពេល៣ថ្ងៃ ពីថ្ងៃទី២៩ មិថុនា ដល់ថ្ងៃទី១ កក្កដា នៅទីក្រុងកោះពេជ្រ។ ពិព័រណ៍នេះ រៀបចំដោយសភាពាណិជ្ជកម្មអឺរ៉ុបនៅកម្ពុជា (EuroCham Cambodia) និងមានក្រុមហ៊ុនម៉ាកល្បីៗចំនួន៥១មកពីប្រទេសអឺរ៉ុប បានចូលរួមតាំងបង្ហាញផលិតផល និងសេវាកម្មរបស់ខ្លួន។ ក្រុមហ៊ុនទាំងនោះ មានដូចជាក្រុមហ៊ុនផលិតយានយន្ត គ្រឿងសង្ហារឹម ទំនិញប្រើប្រាស់ គ្រឿងម៉ាស៊ីន បរិក្ខារពេទ្យ ឱសថ សេវាកម្មហិរញ្ញវត្ថុ ចំណីអាហារ ភេសជ្ជៈ និងផលិតជាច្រើនផ្សេងទៀត។
តាមរយៈការដាក់តាំងលក់ផលិតផល៣ថ្ងៃមកនេះ សភាពាណិជ្ជកម្មអឺរ៉ុបនៅកម្ពុជា សង្កេតឃើញថា មានប្រជាពលរដ្ឋជាច្រើននៅកម្ពុជា នាំគ្នាគាំទ្រផលិតផលតាំងបង្ហាញ ដែលនាំចូលមកពីតំបន់អឺរ៉ុប។ សភាពាណិជ្ជកម្មអឺរ៉ុប ចាត់ទុកថា វាជាជោគជ័យសម្រាប់ដំណើរការតាំងពិពរណ៍របស់ពួកគេ។ ដោយមើលឃើញសន្ទុះនៃការគាំទ្រនេះ សភាពាណិជ្ជកម្មអឺរ៉ុបនៅកម្ពុជា ក៏មានបំណងរៀបចំការតាំងពិពរណ៍នេះ ជាលើកទី២នៅឆ្នាំ២០២០ផងដែរ។
សូមទស្សនាវីដូអូ៖
គួរបញ្ជាក់ថា ទំហំពាណិជ្ជកម្មរវាង កម្ពុជា និងសហគមន៍អឺរ៉ុបនៅ ក្នុងឆ្នាំ២០១៧មានប្រមាណ៥ពាន់លានដុល្លា ។ ក្នុងនោះកម្ពុជា នាំចេញទៅកាន់សហគមន៍អឺរ៉ុប ជាង៤ពាន់លានដុល្លារ ហើយនាំចូលពីសហគមន៍អឺរ៉ុប ជិត១ពាន់លានដុល្លារ។ នេះបើតាមរដ្ឋលេខធិការក្រសួងពាណិជ្ជកម្ម លោកស្រី តឹករ៉េត កំរង។
ជាការយល់ឃើញរបស់លោកស្រី តឹករ៉េក កំរង ការតាំងពិព័រណ៍នេះពិតជាសំខាន់ខ្លាំងណាស់ ព្រោះគឺជាឱកាស សម្រាប់វិនិយោគិនទាំងកម្ពុជា និងអឺរ៉ុប អាចស្វែងរកដៃគូពាណិជ្ជនៅកម្ពុជាបន្ថែមទៀត៕
Tag:
សភាពាណិជ្ជកម្មអឺរ៉ុប
EuroCham
© រក្សាសិទ្ធិដោយ thmeythmey.com