អន្តរជាតិ
មហាធៀ ព្យួរកិច្ចព្រមព្រៀងជាមួយចិនសិន និង ត្រៀមទៅចិនខែក្រោយដើម្បីចរចាឡើងវិញ
លោក មហាធៀ មហាម៉ាត់ ក្នុងសន្និសីទអន្តរជាតិស្តីពី អនាគតអាស៊ី នៅជប៉ុនកាលពីខែមុន (AFP)
×![]()
ម៉ាឡេស៊ីបានសម្រេចផ្អាកគម្រោងកសាងហេដ្ឋារចនាសម្ព័ន្ធបីផ្សេងគ្នាដែលចុះជាមួយចិន។ ការសម្រេចផ្អាកគម្រោងនេះធ្វើឡើងបន្ទាប់ពីលោកនាយករដ្ឋមន្ត្រី មហាធៀ មហាម៉ាត់ សន្យាចរចាឡើងវិញលើលក្ខខណ្ឌនៃកិច្ចព្រមព្រៀងដែលម៉ាឡេស៊ីបានជាមួយចិន ដើម្បីដោះស្រាយបញ្ហាបំណុលរដ្ឋផងដែរ។ លោក មហាធៀ ត្រៀមធ្វើដំណើរទៅចិនខែក្រោយ ដើម្បីចរចាកិច្ចព្រមព្រៀងដែលមានតម្លៃជាង ២០ពាន់លានដុល្លារនេះឡើងវិញដែរ។
ដូចការរំពឹងទុកមែន រដ្ឋាភិបាលលោក មហាធៀ បានប្រកាសព្យួរគម្រោងធំៗចំនួនបីដែលត្រូវបានបង្កើតឡើងជាមួយក្រុមហ៊ុនចិននៅថ្ងៃទី ៥ ខែកក្កដា។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
គម្រោងទាំងបីនោះសុទ្ធតែត្រូវបានចរចា និងចុះហត្ថលេខាដោយរដ្ឋាភិបាលមុនរបស់លោក ណាជីប រ៉ាហ្សាក់ ដែលបច្ចុប្បន្នកំពុងស្ថិតក្រោមការឃុំឃាង និងជាប់បណ្តឹងពុករលួយ។ វាមានគម្រោងចំនួនពីរជាការសាង់បំពង់ឧស្ម័ន ហើយក្រុមហ៊ុនប្រេងរដ្ឋរបស់ចិនជាអ្នកទទួលខុសត្រូវសាងសង់។
ចំណែកទីបីគឺ គម្រោងសាងសង់ផ្លូវរថភ្លើងសមុទ្រភាគខាងកើត ((ECRL)។ គម្រោងផ្លូវរថភ្លើងដ៏ធំនេះមានតម្លៃសរុបជិត ១៤ ពាន់លានដុល្លារហើយវាស្ថិតនៅក្រោមគម្រោងខ្សែក្រវាត់មួយវិថីមួយរបស់ចិន (OBOR) និងត្រូវកសាងដោយក្រុមហ៊ុនសំណង់របស់ចិនដូចគ្នា។ វាមានចម្ងាយ ៦៨៨ គីឡូម៉ែត្រ ដែលភ្ជាប់ព្រំដែនភាគខាងកើតប្រទេសថៃទៅកាន់ច្រក ពាណិជ្ជកម្មយុទ្ធសាស្ត្រភាគខាងលិចជ្រោយម៉ាឡាកាផងដែរ។
ទាក់ទិនការព្យួរគម្រោងរបស់ចិន ទីភ្នាក់ងារព័ត៌មាន AFP ដដែលបានស្រង់សម្តីរដ្ឋមន្ត្រីហិរញ្ញវត្ថុម៉ាឡេស៊ីលោក Lim Guan Eng ថា តំណាងឲ្យរដ្ឋាភិបាលម៉ាឡេស៊ី លោកបានបញ្ជាឲ្យមានការព្យួរការអនុវត្តគម្រោងទាំងបីដែលមានតម្លៃសរុប ២២,៣៥ពាន់លានដុល្លារ។
រដ្ឋមន្ត្រីខាងលើក៏បានព្យាយាមបន្ធូរបន្ថយស្ថានការណ៍ និងធ្វើឲ្យចិនអស់ក្តីបារម្ភដោយនិយាយដូច្នេះ៖«ការសម្រេចចិត្តនេះពាក់ព័ន្ធនឹងចំណុចមានចែងក្នុងកិច្ចព្រមព្រៀងជាមួយក្រុមហ៊ុន តែមិនមែនដោយសារប្រទេសណាមួយជាក់លាក់ឡើយ»។
-មហាធៀ ធ្វើដំណើរទៅចិនដើម្បីចរចាកិច្ចព្រមព្រៀងទាំងនេះឡើងវិញ
មួយថ្ងៃក្រោយការប្រកាសព្យួរគម្រោង នាយករដ្ឋមន្ត្រីម៉ាឡេស៊ីវ័យ ៩២ឆ្នាំ បានប្រាប់អ្នកសារព័ត៌មានថា តាមចិត្តលោកផ្ទាល់ លោកចង់ធ្វើដំណើរទៅក្រុងប៉េកាំងឆាប់ៗតាមដែលអាចធ្វើបានដើម្បីទៅជជែកជាមួយភាគីចិនលើលក្ខខណ្ខលម្អៀងដែលមានចែងក្នុងកិច្ចព្រមព្រៀងធំៗខាងលើ។ ប៉ុន្តែពេលវេលាមិនអំណោយផលទេនៅខែនេះ។ ដូច្នេះហើយបានជាលោក ត្រូវទៅក្រុងប៉េកាំងនៅខែសីហាវិញ។
បើតាមទីភ្នាក់ងារព័ត៌មាន AFP នៅថ្ងៃសុក្រទី ៦ ខែកក្កដានេះ លោក មហាធៀ បានថ្លែងពីក្រុងរដ្ឋបាលពុត្រាចាយ៉ា (Putrajaya) ដូច្នេះ៖« ខ្ញុំចង់ទៅចិនឲ្យបានឆាប់តាមដែលអាចធ្វើបាន ប៉ុន្តែប្រធានាធិបតីចិនមិនទំនេរទេនៅខែកក្កដានេះ។ ដូច្នេះខ្ញុំនឹងទៅនៅខែសីហាវិញ»។
នាយករដ្ឋមន្ត្រីរូបនេះអះអាងថា បញ្ហាអត្រាការប្រាក់ខ្ពស់ដែលកំណត់លើកម្ចីដែលចិនផ្តល់ឲ្យម៉ាឡេស៊ីដើម្បីគាំទ្រការសាងសង់ផ្លូវរថភ្លើង និងបំពង់ឧស្ម័នជារឿងអាទិភាពមួយដែលលោកលើកឡើងពេលជជែកជាមួយសមភាគីចិន។
«មានរឿងច្រើនណាស់ដែលខ្ញុំនឹងលើកយកទៅជជែកក្នុងនោះមានលក្ខខណ្ឌចែងក្នុងកិច្ចព្រមព្រៀងដែលអយុត្តិធម៌ និងមានទាំងបញ្ហាលុយកម្ចីផង។ ការប្រាក់សម្រាប់កម្ចីនេះខ្ពស់ណាស់ពេលរដ្ឋាភិបាលខ្ចី។ ជាធម្មតារដ្ឋាភិបាលខ្ចីលុយដែលមានអត្រាការប្រាក់បីភាគរយឬក្រោមនោះ។ ប៉ុន្តែការប្រាក់នេះខ្ពស់ណាស់»។ លោក មហាធៀ អះអាងបែបនេះ។
តាមពិតទៅ កិច្ចព្រមព្រៀងទាំងអស់ខាងលើត្រូវបានឯកភាពគ្នាដោយចិន និងម៉ាឡេស៊ី ខណៈដែលទំនាក់ទំនងប្រទេសទាំងពីរកាន់តែរឹងមាំក្រោមអាណត្តិលោក ណាជីប រ៉ាហ្សាក់។ ប៉ុន្តែខាងក្រុមអ្នកតាមដានស្ថានការណ៍នយោបាយម៉ាឡេស៊ី កិច្ចព្រមព្រៀងទាំងនេះត្រូវបានបង្កើតឡើងដោយគ្មានតម្លាភាព និងមានចំណុចគួរឲ្យសង្ស័យច្រើនផង។
ប៉ុន្តែការសម្រេចព្យួរគម្រោងសាងសង់ហេដ្ឋារចនាសម្ព័ន្ធនេះ ក៏កើតឡើងបន្ទាប់ពីប្រមុខរដ្ឋាភិបាលម៉ាឡេស៊ីលោក មហាធៀ បង្ហាញកង្វល់ជុំវិញការកើនឡើងបំណុលសាធារណៈគួរឲ្យបារម្ភកន្លងមក។ លោក មហាធៀ បានអះអាងផ្ទាល់មាត់ថា បំណុលរដ្ឋកើនឡើងដល់កម្រិតប្រកាសអាសន្នពោលគឺជាង ២៥១ពាន់លានដុល្លារឯណោះ ហើយវាចាំបាច់សម្រាប់រដ្ឋាភិបាលដែលត្រូវរកវិធីបន្ថយបំណុលនេះ។
ក្រៅពីគម្រោងរបស់ចិន លោក មហាធៀ ក៏បានសម្រេចព្យួរគម្រោងកសាងផ្លូវរថភ្លើងល្បឿនលឿនភ្ជាប់ពីសិង្ហបុរីមកកាន់គូរឡាឡាំពួរដែរ។ គម្រោងសាងសង់នេះត្រូវចំណាយថវិកាប្រហែល ១៧ ពាន់លានដុល្លារ ហើយគម្រោងនេះត្រូវបញ្ចប់នៅឆ្នាំ ២០២៦៕
ដូចការរំពឹងទុកមែន រដ្ឋាភិបាលលោក មហាធៀ បានប្រកាសព្យួរគម្រោងធំៗចំនួនបីដែលត្រូវបានបង្កើតឡើងជាមួយក្រុមហ៊ុនចិននៅថ្ងៃទី ៥ ខែកក្កដា។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
គម្រោងទាំងបីនោះសុទ្ធតែត្រូវបានចរចា និងចុះហត្ថលេខាដោយរដ្ឋាភិបាលមុនរបស់លោក ណាជីប រ៉ាហ្សាក់ ដែលបច្ចុប្បន្នកំពុងស្ថិតក្រោមការឃុំឃាង និងជាប់បណ្តឹងពុករលួយ។ វាមានគម្រោងចំនួនពីរជាការសាង់បំពង់ឧស្ម័ន ហើយក្រុមហ៊ុនប្រេងរដ្ឋរបស់ចិនជាអ្នកទទួលខុសត្រូវសាងសង់។
ចំណែកទីបីគឺ គម្រោងសាងសង់ផ្លូវរថភ្លើងសមុទ្រភាគខាងកើត ((ECRL)។ គម្រោងផ្លូវរថភ្លើងដ៏ធំនេះមានតម្លៃសរុបជិត ១៤ ពាន់លានដុល្លារហើយវាស្ថិតនៅក្រោមគម្រោងខ្សែក្រវាត់មួយវិថីមួយរបស់ចិន (OBOR) និងត្រូវកសាងដោយក្រុមហ៊ុនសំណង់របស់ចិនដូចគ្នា។ វាមានចម្ងាយ ៦៨៨ គីឡូម៉ែត្រ ដែលភ្ជាប់ព្រំដែនភាគខាងកើតប្រទេសថៃទៅកាន់ច្រក ពាណិជ្ជកម្មយុទ្ធសាស្ត្រភាគខាងលិចជ្រោយម៉ាឡាកាផងដែរ។
ទាក់ទិនការព្យួរគម្រោងរបស់ចិន ទីភ្នាក់ងារព័ត៌មាន AFP ដដែលបានស្រង់សម្តីរដ្ឋមន្ត្រីហិរញ្ញវត្ថុម៉ាឡេស៊ីលោក Lim Guan Eng ថា តំណាងឲ្យរដ្ឋាភិបាលម៉ាឡេស៊ី លោកបានបញ្ជាឲ្យមានការព្យួរការអនុវត្តគម្រោងទាំងបីដែលមានតម្លៃសរុប ២២,៣៥ពាន់លានដុល្លារ។
រដ្ឋមន្ត្រីខាងលើក៏បានព្យាយាមបន្ធូរបន្ថយស្ថានការណ៍ និងធ្វើឲ្យចិនអស់ក្តីបារម្ភដោយនិយាយដូច្នេះ៖«ការសម្រេចចិត្តនេះពាក់ព័ន្ធនឹងចំណុចមានចែងក្នុងកិច្ចព្រមព្រៀងជាមួយក្រុមហ៊ុន តែមិនមែនដោយសារប្រទេសណាមួយជាក់លាក់ឡើយ»។
-មហាធៀ ធ្វើដំណើរទៅចិនដើម្បីចរចាកិច្ចព្រមព្រៀងទាំងនេះឡើងវិញ
មួយថ្ងៃក្រោយការប្រកាសព្យួរគម្រោង នាយករដ្ឋមន្ត្រីម៉ាឡេស៊ីវ័យ ៩២ឆ្នាំ បានប្រាប់អ្នកសារព័ត៌មានថា តាមចិត្តលោកផ្ទាល់ លោកចង់ធ្វើដំណើរទៅក្រុងប៉េកាំងឆាប់ៗតាមដែលអាចធ្វើបានដើម្បីទៅជជែកជាមួយភាគីចិនលើលក្ខខណ្ខលម្អៀងដែលមានចែងក្នុងកិច្ចព្រមព្រៀងធំៗខាងលើ។ ប៉ុន្តែពេលវេលាមិនអំណោយផលទេនៅខែនេះ។ ដូច្នេះហើយបានជាលោក ត្រូវទៅក្រុងប៉េកាំងនៅខែសីហាវិញ។
បើតាមទីភ្នាក់ងារព័ត៌មាន AFP នៅថ្ងៃសុក្រទី ៦ ខែកក្កដានេះ លោក មហាធៀ បានថ្លែងពីក្រុងរដ្ឋបាលពុត្រាចាយ៉ា (Putrajaya) ដូច្នេះ៖« ខ្ញុំចង់ទៅចិនឲ្យបានឆាប់តាមដែលអាចធ្វើបាន ប៉ុន្តែប្រធានាធិបតីចិនមិនទំនេរទេនៅខែកក្កដានេះ។ ដូច្នេះខ្ញុំនឹងទៅនៅខែសីហាវិញ»។
នាយករដ្ឋមន្ត្រីរូបនេះអះអាងថា បញ្ហាអត្រាការប្រាក់ខ្ពស់ដែលកំណត់លើកម្ចីដែលចិនផ្តល់ឲ្យម៉ាឡេស៊ីដើម្បីគាំទ្រការសាងសង់ផ្លូវរថភ្លើង និងបំពង់ឧស្ម័នជារឿងអាទិភាពមួយដែលលោកលើកឡើងពេលជជែកជាមួយសមភាគីចិន។
«មានរឿងច្រើនណាស់ដែលខ្ញុំនឹងលើកយកទៅជជែកក្នុងនោះមានលក្ខខណ្ឌចែងក្នុងកិច្ចព្រមព្រៀងដែលអយុត្តិធម៌ និងមានទាំងបញ្ហាលុយកម្ចីផង។ ការប្រាក់សម្រាប់កម្ចីនេះខ្ពស់ណាស់ពេលរដ្ឋាភិបាលខ្ចី។ ជាធម្មតារដ្ឋាភិបាលខ្ចីលុយដែលមានអត្រាការប្រាក់បីភាគរយឬក្រោមនោះ។ ប៉ុន្តែការប្រាក់នេះខ្ពស់ណាស់»។ លោក មហាធៀ អះអាងបែបនេះ។
តាមពិតទៅ កិច្ចព្រមព្រៀងទាំងអស់ខាងលើត្រូវបានឯកភាពគ្នាដោយចិន និងម៉ាឡេស៊ី ខណៈដែលទំនាក់ទំនងប្រទេសទាំងពីរកាន់តែរឹងមាំក្រោមអាណត្តិលោក ណាជីប រ៉ាហ្សាក់។ ប៉ុន្តែខាងក្រុមអ្នកតាមដានស្ថានការណ៍នយោបាយម៉ាឡេស៊ី កិច្ចព្រមព្រៀងទាំងនេះត្រូវបានបង្កើតឡើងដោយគ្មានតម្លាភាព និងមានចំណុចគួរឲ្យសង្ស័យច្រើនផង។
ប៉ុន្តែការសម្រេចព្យួរគម្រោងសាងសង់ហេដ្ឋារចនាសម្ព័ន្ធនេះ ក៏កើតឡើងបន្ទាប់ពីប្រមុខរដ្ឋាភិបាលម៉ាឡេស៊ីលោក មហាធៀ បង្ហាញកង្វល់ជុំវិញការកើនឡើងបំណុលសាធារណៈគួរឲ្យបារម្ភកន្លងមក។ លោក មហាធៀ បានអះអាងផ្ទាល់មាត់ថា បំណុលរដ្ឋកើនឡើងដល់កម្រិតប្រកាសអាសន្នពោលគឺជាង ២៥១ពាន់លានដុល្លារឯណោះ ហើយវាចាំបាច់សម្រាប់រដ្ឋាភិបាលដែលត្រូវរកវិធីបន្ថយបំណុលនេះ។
ក្រៅពីគម្រោងរបស់ចិន លោក មហាធៀ ក៏បានសម្រេចព្យួរគម្រោងកសាងផ្លូវរថភ្លើងល្បឿនលឿនភ្ជាប់ពីសិង្ហបុរីមកកាន់គូរឡាឡាំពួរដែរ។ គម្រោងសាងសង់នេះត្រូវចំណាយថវិកាប្រហែល ១៧ ពាន់លានដុល្លារ ហើយគម្រោងនេះត្រូវបញ្ចប់នៅឆ្នាំ ២០២៦៕
Tag:
មហាធៀ មហាម៉ាត់
គម្រោងហេដ្ឋារចនាសម្ព័ន្ធ
ចិន
OBOR
© រក្សាសិទ្ធិដោយ thmeythmey.com
