លោក Fernando Hierro លាលែងពីតំណែងគ្រូបង្វឹកអេស្ប៉ាញ

កីឡាអន្តរជាតិ

អន្តរជាតិ

លោក Fernando Hierro លាលែងពីតំណែងគ្រូបង្វឹកអេស្ប៉ាញ

09, Jul 2018 , 9:42 am

រូបភាព

លោក Fernando Hierro ដឹកនាំអេស្ប៉ាញបាន៤ប្រកួតនៅ World Cup។ រូបថត FIFA.COM

ដោយ: ថ្មីៗ

លោក Fernando Hierro ដែលបានដឹកនាំក្រុមជម្រើសជាតិអេស្ប៉ាញក្នុងព្រឹត្តិការណ៍ប្រកួត FIFA World Cup ឆ្នាំ២០១៨ បានលាលែងពីតំណែង ហើយលោកក៏នឹងវិលត្រឡប់ទៅកាន់ការងារដើមក្នុងតួនាទីជានាយកកីឡាទៀតដែរ។

អត្ថបទទាក់ទង

ម្ចាស់ផ្ទះរុស្ស៊ី ទម្លាក់អេស្ប៉ាញ ដោយបាល់ប៉េណាល់ទីក្រោយជំនួប១២០នាទី

លោក Fernando Hierro ជាគ្រូបង្វឹកថ្មីរបស់អេស្ប៉ាញ មុនបើក World Cup ១ថ្ងៃ

លោក Hierro ត្រូវបានតែងតាំងជាគ្រូបង្វឹកបណ្តោះអាសន្នរបស់អេស្ប៉ាញ ក្រោយការបណ្តេញលោក Julen Lopetegui ចេញពីតំណែង រយៈពេលតែពីរថ្ងៃប៉ុណ្ណោះ មុនការបើកព្រឹត្តិការណ៍ FIFA World Cup នៅរុស្ស៊ី។

ជើងឯកឆ្នាំ២០១០ បានធ្លាក់នៅវគ្គ១៦ក្រុមចុងក្រោយដោយសារម្ចាស់ផ្ទះរុស្ស៊ី ក្រោយស្មើ ១-១ ។ សម្រាប់ការប្រកួតក្នុងពូល B អេស្ប៉ាញបញ្ចប់ចំណាត់ថ្នាក់លេខ១ក្នុងពូល ក្រោយស្មើព័រទុយហ្គាល់ ៣-៣ ឈ្នះអ៊ីរ៉ង់ ១-០ និងស្មើម៉ារ៉ុក ២-២ ។

លោក Hierro អាយុ៥០ឆ្នាំ ទទួលខុសត្រូវចំពោះការធ្លាក់ចេញរបស់អេស្ប៉ាញពី World Cup។ សហព័ន្ធកីឡាបាល់ទាត់អេស្ប៉ាញ តាមរយៈសេចក្តីថ្លែងការណ៍របស់ខ្លួន បានកោតសរសើរការខំប្រឹងប្រែងរបស់លោក Hierro ដោយឈរលើស្មារតីវិជ្ជាជីវៈ៕