កីឡាអន្តរជាតិ
អន្តរជាតិ
World Cup៖ បារាំង និងបែលហ្ស៊ិក ប្រជែងគ្នាទៅវគ្គផ្តាច់ព្រ័ត្រនៅម៉ោង១អធ្រាត្រ
ក្រុមអ្នកគាំទ្របែលហ្ស៊ិក និងបារាំង ត្រៀមខ្លួនសម្រាប់ព្រឹត្តិការណ៍វគ្គពាក់កណ្តាលផ្តាច់ព្រ័ត្រយប់នេះ។ រូបថត AFP
×![]()
ដោយ: រួបរួម
តើបារាំង ឬបែលហ្ស៊ិក? ក្រុមជម្រើសជាតិដែលជាប់របងគ្នា ត្រូវប្រជែងគ្នាសម្រាប់កៅអីវគ្គផ្តាច់ព្រ័ត្រនៃព្រឹត្តិការណ៍ FIFA World Cup 2018 នៅប្រទេសរុស្ស៊ី។ ជំនួបនឹងប្រព្រឹត្តទៅនៅវេលាម៉ោង១អធ្រាត្រ [ម៉ោងនៅកម្ពុជា] នាកីឡដ្ឋាន Saint Petersburg ។
នេះជាជំនួបលើកទី៧៤រវាងក្រុមទាំងពីរ ដោយលទ្ធផលកន្លងមក បារាំងឈ្នះ២៤លើក បែលហ្ស៊ិក ឈ្នះ៣០លើក និងស្មើ១៩លើក។ សម្រាប់ការប្រកួតនេះ វានឹងក្លាយជាជំនួបលើកដំបូងរបស់ពួកគេក្នុងព្រឹត្តិការណ៍ World Cup បើគិតចាប់តាំងពីឆ្នាំ១៩៨៦ នៅពេលដែលបារាំងយកឈ្នះ ៤-២ នាការប្រជែងយកចំណាត់ថ្នាក់លេខបី។
ក្រៅពីជំនួបនៅឆ្នាំ១៩៨៦ បារាំងធ្លាប់ឈ្នះបែលហ្ស៊ិក ៣-១ ផងដែរ នាការប្រកួតជុំទីមួយនៃព្រឹត្តិការណ៍ World Cup ឆ្នាំ១៩៣៨ ។ ការប្រកួតចុងក្រោយរវាងក្រុមទាំងពីរ គឺបែលហ្ស៊ិក បានយកឈ្នះ ៤-៣ នាជំនួបមិត្តភាពនៅក្រុងប៉ារីស ឆ្នាំ២០១៥ ។
បែលហ្ស៊ិកទើបតែបង្ហាញខ្លួនលើទីពីរប៉ុណ្ណោះនៅវគ្គពាក់កណ្តាលផ្តាច់ព្រ័ត្រ World Cup ដោយលើកទីពីរ ពួកគេបានចាញ់អាហ្សង់ទីននៅឆ្នាំ១៩៨៦ ។
សម្រាប់បារាំងវិញ ពួកគេបង្ហាញខ្លួននៅវគ្គនេះជាលើកទី៦ ដោយបីលើកដំបូងសុទ្ធតែបានហាលអាវ ពោលគឺក្នុងឆ្នាំ១៩៥៨ ឆ្នាំ១៩៨២ និងឆ្នាំ១៩៨៦ ។ រីឯពីរលើកចុងក្រោយ (ឆ្នាំ១៩៩៨ និងឆ្នាំ២០០៦) ពួកគេបានឈានទៅកាន់វគ្គផ្តាច់ព្រ័ត្រ។
បែលហ្ស៊ិកមិនស្គាល់បរាជ័យនោះឡើយ នាការប្រកួត២៤លើកចុងក្រោយនៅរាល់ព្រឹត្តិការណ៍ទាំងអស់ ដោយឈ្នះ១៩ និងស្មើ៥ ។ រីឯបារាំងវិញ ដោយមិនរាប់ការស៊ុតបាល់ប៉េណាល់ទីកំណត់ឈ្នះ-ចាញ់ ពួកគេចាញ់តែមួយលើកគត់នាការប្រកួត១៣លើកចុងក្រោយ។
បារាំងមានខ្សែប្រយុទ្ធ Antoine Griezmann ដែលបានស៊ុតបាល់បញ្ចូលទី៧គ្រាប់ក្នុងការប្រកួតព្រឹត្តិការណ៍ World Cup និង Euro ខណៈបែលហ្ស៊ិក មាន Romelu Lukaku ដែលរួមចំណែកសម្រាប់គ្រាប់បាល់បញ្ចូលទី២០គ្រាប់ នាការប្រកួត១៣លើកចុងក្រោយ (ស៊ុត១៧គ្រាប់ បញ្ជូន៣គ្រាប់)។ Kylian Mbappe របស់បារាំង ជាកីឡាករវ័យក្មេងដ៏លេចធ្លោ ខណៈ Eden Hazard ក៏កម្លាំងដ៏មុតស្រួចរបស់បែលហ្ស៊ិកផងដែរ៕
នេះជាជំនួបលើកទី៧៤រវាងក្រុមទាំងពីរ ដោយលទ្ធផលកន្លងមក បារាំងឈ្នះ២៤លើក បែលហ្ស៊ិក ឈ្នះ៣០លើក និងស្មើ១៩លើក។ សម្រាប់ការប្រកួតនេះ វានឹងក្លាយជាជំនួបលើកដំបូងរបស់ពួកគេក្នុងព្រឹត្តិការណ៍ World Cup បើគិតចាប់តាំងពីឆ្នាំ១៩៨៦ នៅពេលដែលបារាំងយកឈ្នះ ៤-២ នាការប្រជែងយកចំណាត់ថ្នាក់លេខបី។
ក្រៅពីជំនួបនៅឆ្នាំ១៩៨៦ បារាំងធ្លាប់ឈ្នះបែលហ្ស៊ិក ៣-១ ផងដែរ នាការប្រកួតជុំទីមួយនៃព្រឹត្តិការណ៍ World Cup ឆ្នាំ១៩៣៨ ។ ការប្រកួតចុងក្រោយរវាងក្រុមទាំងពីរ គឺបែលហ្ស៊ិក បានយកឈ្នះ ៤-៣ នាជំនួបមិត្តភាពនៅក្រុងប៉ារីស ឆ្នាំ២០១៥ ។
បែលហ្ស៊ិកទើបតែបង្ហាញខ្លួនលើទីពីរប៉ុណ្ណោះនៅវគ្គពាក់កណ្តាលផ្តាច់ព្រ័ត្រ World Cup ដោយលើកទីពីរ ពួកគេបានចាញ់អាហ្សង់ទីននៅឆ្នាំ១៩៨៦ ។
សម្រាប់បារាំងវិញ ពួកគេបង្ហាញខ្លួននៅវគ្គនេះជាលើកទី៦ ដោយបីលើកដំបូងសុទ្ធតែបានហាលអាវ ពោលគឺក្នុងឆ្នាំ១៩៥៨ ឆ្នាំ១៩៨២ និងឆ្នាំ១៩៨៦ ។ រីឯពីរលើកចុងក្រោយ (ឆ្នាំ១៩៩៨ និងឆ្នាំ២០០៦) ពួកគេបានឈានទៅកាន់វគ្គផ្តាច់ព្រ័ត្រ។
បែលហ្ស៊ិកមិនស្គាល់បរាជ័យនោះឡើយ នាការប្រកួត២៤លើកចុងក្រោយនៅរាល់ព្រឹត្តិការណ៍ទាំងអស់ ដោយឈ្នះ១៩ និងស្មើ៥ ។ រីឯបារាំងវិញ ដោយមិនរាប់ការស៊ុតបាល់ប៉េណាល់ទីកំណត់ឈ្នះ-ចាញ់ ពួកគេចាញ់តែមួយលើកគត់នាការប្រកួត១៣លើកចុងក្រោយ។
បារាំងមានខ្សែប្រយុទ្ធ Antoine Griezmann ដែលបានស៊ុតបាល់បញ្ចូលទី៧គ្រាប់ក្នុងការប្រកួតព្រឹត្តិការណ៍ World Cup និង Euro ខណៈបែលហ្ស៊ិក មាន Romelu Lukaku ដែលរួមចំណែកសម្រាប់គ្រាប់បាល់បញ្ចូលទី២០គ្រាប់ នាការប្រកួត១៣លើកចុងក្រោយ (ស៊ុត១៧គ្រាប់ បញ្ជូន៣គ្រាប់)។ Kylian Mbappe របស់បារាំង ជាកីឡាករវ័យក្មេងដ៏លេចធ្លោ ខណៈ Eden Hazard ក៏កម្លាំងដ៏មុតស្រួចរបស់បែលហ្ស៊ិកផងដែរ៕
Tag:
FIFA World Cup
បាល់ទាត់
© រក្សាសិទ្ធិដោយ thmeythmey.com
