អន្តរជាតិ
សហភាពអឺរ៉ុបគាំទ្រ រដ្ឋក្រជាងគេនៅអឺរ៉ុប«ប៊ុលហ្គារី» ជាសមាជិកតំបន់ចាយលុយអឺរ៉ូ
×![]()
ដោយ: ថ្មីៗ
ថ្ងៃព្រហស្បតិ៍ទី ១២ ខែកក្កដា តំណាងសហភាពអឺរ៉ុបបានបង្ហាញជំហរគាំទ្រប្រទេសក្រខ្សត់ជាងគេនៅក្នុងតំបន់«ប៊ុលហ្គារី»ក្នុងការចូលរួមជាមួយតំបន់ចាយលុយអឺរ៉ូ (eurozone) ហើយនីតិវិធីនេះត្រូវការពេលប្រហែលមួយឆ្នាំផងដែរ។
បន្ទាប់ពីមានជំនួបរវាងរដ្ឋមន្ត្រីហិរញ្ញវត្ថុនៃសមាជិកតំបន់ចាយលុយអឺរ៉ូនៅក្រុងព្រុចសែលថ្ងៃព្រហស្បតិ៍ គណៈកម្មការអឺរ៉ុប និងធនាគារកណ្តាលអឺរ៉ុបបានប្រកាសថា ខ្លួនស្វាគមន៍ការចូលរួមរបស់រដ្ឋបាល់កង់ ប៊ុលហ្គារី ជាសមាជិកថ្មីនៃតំបន់ចាយលុយអឺរ៉ូបនេះ។ ប៉ុន្តែជារួមការវាយតម្លៃលើបេក្ខភាពប៊ុលហ្គារីនេះត្រូវការពេលវេលាប្រហែលមួយឆ្នាំឯណោះ។
បើតាមការចុះផ្សាយរបស់ទីភ្នាក់ងារព័ត៌មាន AFP អនុប្រធានគណៈកម្មការអឺរ៉ុបលោក Valdis Dombrovskis បាននិយាយថា៖« គណៈកម្មការអឺរ៉ុបស្វាគមន៍ការប្រឹងប្រែងរបស់ប៊ុលហ្គារីក្នុងការចូលរួមជាមួយតំបន់ចាយលុយរួមនេះ»។
តាមពិតទៅ ថ្វីបើមាននាមជាប្រទេសក្រីក្រផុតគេនៅសហភាពអឺរ៉ុបក្តី ប៊ុលហ្គារីបានបំពេញលក្ខខណ្ឌជំហានដំបូងដោយធានាបានអតិផរណាទាប ហិរញ្ញវត្ថុសាធារណៈមានស្ថានភាពល្អប្រសើរ ហើយរូបីយវត្ថុរបស់ប៊ុលហ្គារីក៏មានកម្រិតប្រាក់ប្រហែលនឹងលុយអឺរ៉ូដែរ។
កាលពីដើមឆ្នាំកន្លងទៅ រដ្ឋមន្ត្រីក្រសួងហរិញ្ញវត្ថុប៊ុលហ្គារី Vladislav Goranov បានអះអាងផងដែរថា បំណុលសាធារណៈទាប គោលនយោបាយសារពើពន្ធល្អ ហើយក៏អតិផរណាស្ថិតក្នុងស្ថានភាពដែលអាចគ្រប់គ្រងបាន ធ្វើឲ្យប៊ុលហ្គារីមានលទ្ធភាពពេញលេញក្នុងចូលរួមក្នុងតំបន់ចាយលុយអឺរ៉ូនេះ។
យ៉ាងណាក៏ដោយ អឺរ៉ុបនៅបារម្ភខ្លាំងដែរពីការទទួលយកសមាជិកថ្មីក្នុងតំបន់ចាយលុយអឺរ៉ូ ជាពិសេសក្រោយវិបត្តិសេដ្ឋកិច្ចសាកលកើតឡើងកាលពីឆ្នាំ ២០០៨នោះ។ ថ្វីបើប៊ុលហ្គារីអះអាងថា ខ្លួនត្រៀមលក្ខណៈរួចរាល់ក៏ដោយ រដ្ឋបាល់កង់នេះបន្តប្រឈមមុខនឹងបញ្ហាពុករលួយធ្ងន់ធ្ងរនៅឡើយនៅពេលបច្ចុប្បន្ន ដែលវាអាចនឹងបង្កបញ្ហាដល់អឺរ៉ុបផងដែរ៕
បន្ទាប់ពីមានជំនួបរវាងរដ្ឋមន្ត្រីហិរញ្ញវត្ថុនៃសមាជិកតំបន់ចាយលុយអឺរ៉ូនៅក្រុងព្រុចសែលថ្ងៃព្រហស្បតិ៍ គណៈកម្មការអឺរ៉ុប និងធនាគារកណ្តាលអឺរ៉ុបបានប្រកាសថា ខ្លួនស្វាគមន៍ការចូលរួមរបស់រដ្ឋបាល់កង់ ប៊ុលហ្គារី ជាសមាជិកថ្មីនៃតំបន់ចាយលុយអឺរ៉ូបនេះ។ ប៉ុន្តែជារួមការវាយតម្លៃលើបេក្ខភាពប៊ុលហ្គារីនេះត្រូវការពេលវេលាប្រហែលមួយឆ្នាំឯណោះ។
បើតាមការចុះផ្សាយរបស់ទីភ្នាក់ងារព័ត៌មាន AFP អនុប្រធានគណៈកម្មការអឺរ៉ុបលោក Valdis Dombrovskis បាននិយាយថា៖« គណៈកម្មការអឺរ៉ុបស្វាគមន៍ការប្រឹងប្រែងរបស់ប៊ុលហ្គារីក្នុងការចូលរួមជាមួយតំបន់ចាយលុយរួមនេះ»។
តាមពិតទៅ ថ្វីបើមាននាមជាប្រទេសក្រីក្រផុតគេនៅសហភាពអឺរ៉ុបក្តី ប៊ុលហ្គារីបានបំពេញលក្ខខណ្ឌជំហានដំបូងដោយធានាបានអតិផរណាទាប ហិរញ្ញវត្ថុសាធារណៈមានស្ថានភាពល្អប្រសើរ ហើយរូបីយវត្ថុរបស់ប៊ុលហ្គារីក៏មានកម្រិតប្រាក់ប្រហែលនឹងលុយអឺរ៉ូដែរ។
កាលពីដើមឆ្នាំកន្លងទៅ រដ្ឋមន្ត្រីក្រសួងហរិញ្ញវត្ថុប៊ុលហ្គារី Vladislav Goranov បានអះអាងផងដែរថា បំណុលសាធារណៈទាប គោលនយោបាយសារពើពន្ធល្អ ហើយក៏អតិផរណាស្ថិតក្នុងស្ថានភាពដែលអាចគ្រប់គ្រងបាន ធ្វើឲ្យប៊ុលហ្គារីមានលទ្ធភាពពេញលេញក្នុងចូលរួមក្នុងតំបន់ចាយលុយអឺរ៉ូនេះ។
យ៉ាងណាក៏ដោយ អឺរ៉ុបនៅបារម្ភខ្លាំងដែរពីការទទួលយកសមាជិកថ្មីក្នុងតំបន់ចាយលុយអឺរ៉ូ ជាពិសេសក្រោយវិបត្តិសេដ្ឋកិច្ចសាកលកើតឡើងកាលពីឆ្នាំ ២០០៨នោះ។ ថ្វីបើប៊ុលហ្គារីអះអាងថា ខ្លួនត្រៀមលក្ខណៈរួចរាល់ក៏ដោយ រដ្ឋបាល់កង់នេះបន្តប្រឈមមុខនឹងបញ្ហាពុករលួយធ្ងន់ធ្ងរនៅឡើយនៅពេលបច្ចុប្បន្ន ដែលវាអាចនឹងបង្កបញ្ហាដល់អឺរ៉ុបផងដែរ៕
Tag:
Eurozone
ប៊ុលហ្គារី
សហភាពអឺរ៉ុប
© រក្សាសិទ្ធិដោយ thmeythmey.com
