ជាតិ
សុខភាព
ស្ត្រីមានផ្ទៃពោះ៣ខែ មិនគួរបរិភោគអ្វីខ្លះ?
× នៅក្រោយការមានមានផ្ទៃពោះចំនួន៣ខែ នោះក្រពះរបស់អ្នកនឹងរីកធំ ហើយអាហារដែលអ្នកចង់បរិភោគ នឹងកាន់តែច្រើនទៅៗ។ ប៉ុន្តែអ្នកត្រូវតែប្រយ័ត្នពីអាហាររបស់អ្នក ទើបវាមិនប៉ះពាល់ដល់អ្នក និងកូន។ តើមានអាហារអ្វីខ្លះ ដែលមិនគួរបរិភោគនោះ?
អាហារបំពង
អ្នកមិនត្រូវពិសាអាហារដែលចៀន បំពងខ្លាញ់នោះទេ។ អាហារដែលអាំង ក៏មិនត្រូវបរិភោគច្រើនដែរ ព្រោះនៅក្នុងអាហារទាំងនោះ សុទ្ធតែមានសារធាតុដែលអាចធ្វើឱ្យអ្នកកើតមហារីកបាន។ ដូចនេះក្រោយពេលដែលអ្នកពិសារួច វានឹងនាំជាតិពុលទៅឱ្យកូនក្នុងផ្ទៃជាមិនខានឡើយ។
ថ្លើមសត្វ
មានអ្នកម្តាយខ្លះយល់ថា ការបរិភោគថ្លើមសត្វច្រើន ល្អចំពោះការលូតលាស់របស់កូនក្នុងផ្ទៃ ។ តាមពិតវាមិនល្អឡើយ។ វាអាចធ្វើឱ្យកូនក្នុងផ្ទៃមានរូបរាងមិនគ្រប់ជ្រុងជ្រោយ ក្រោយពេលដែលអ្នកបរិភោគនៅចន្លោះពេលខែនេះ ជាពិសេសថ្លើមជ្រូក។ បើអ្នកបរិភោគច្រើនពេក នោះ វានឹងធ្វើឱ្យអ្នកមានឈាមច្រើន ដែលអាចធ្វើឱ្យអ្នកងាយរលូតកូន។
អាហារលឿន
អាហារលឿននៅទីនេះ សំដៅដល់មីកំប៉ុង អាហារកំប៉ុង និងភេសជ្ជៈផ្សេងៗ។ ក្រោយពេលដែលអ្នកពិសាអាហារទាំងនេះហើយ វានឹងធ្វើឱ្យអ្នកមានអារម្មណ៍ឆាប់ឆ្អែត ហើយធ្វើឱ្យអ្នកទទួលសារធាតុចិញ្ចឹមមិនបានគ្រប់គ្រាន់ទៀតផង។ ជាងនេះទៅទៀត នៅក្នុងនោះមានជាតិអំបិលច្រើន ដែលអាចបំផ្លាញសុខភាពអ្នកយ៉ាងងាយ។
អាហារប៉ូវ
នៅពេលដែលអ្នកស្ថិតក្នុងចន្លោះខែនេះ អ្នកមិនត្រូវប៉ូវពេកទេ ព្រោះវាអាចធ្វើឱ្យកូនលូតលាស់មិនគ្រប់ជ្រុងជ្រោយ។ ជាងនេះទៅទៀត វាអាចធ្វើឱ្យអ្នកក្តៅក្នុងបាន។
អាហារដែលត្រជាក់
នៅពេលដែលអ្នកមានផ្ទៃពោះ៣ខែ អ្នកមិនត្រូវពិសាការ៉េម ឬរបស់ដែលត្រជាក់យកចេញពីទូរទឹកកកឡើយ ព្រោះវាងាយធ្វើឱ្យអ្នកមានអាការរលូតកូន។ ម្យ៉ាងទៀត វាអាចធ្វើឱ្យកូនក្នុងផ្ទៃមានលក្ខណៈមិននឹងនរទៀតផង។
ឧបត្ថម្ភដោយ៖ ហាង Baby Outlet ដែលមានលក់ផលិតផលទារក កុមារ និងស្ត្រីមានផ្ទៃពោះជាង១ម៉ឺនមុខ។ Baby Outlet បីសាខា៖ សាខាទី១ ទីតាំងនៅទល់មុខសាលាបឋមសិក្សាទួលគោក។ សាខាទី២ នៅក្រោយទីស្តីការគណៈរដ្ឋមន្ត្រី។ និងសាខាទី៣ មានទីតាំងនៅតាមបណ្តោយមហាវិថីព្រះនរោត្តមជាប់សាលាបញ្ញាសាស្ត្រកម្ពុជា៕
Tag:
ស្ត្រីមានផ្ទៃពោះ
ទារក
កុមារ
Baby Outlet
© រក្សាសិទ្ធិដោយ thmeythmey.com