ក្រសួងអប់រំ ប្រកាសអាហារូបករណ៍សិក្សានៅបរទេស ចាប់ពីបរិញ្ញាបត្ររង ដល់បណ្ឌិត

ជាតិ

ក្រសួងអប់រំ ប្រកាសអាហារូបករណ៍សិក្សានៅបរទេស ចាប់ពីបរិញ្ញាបត្ររង ដល់បណ្ឌិត

22, Jul 2018 , 10:19 pm

រូបភាព

ដោយ: ថ្មីៗ

ភ្នំពេញ៖ អាហារូបករណ៍ជាច្រើនកន្លែងសម្រាប់ការសិក្សានៅបរទេស ចាប់ពីកម្រិតបរិញ្ញាបត្ររង ដល់ថ្នាក់បណ្ឌិត ត្រូវបានក្រសួងអប់រំ យុវជន និងកីឡា ប្រកាសជូនដំណឹងដល់និស្សិត និងមន្ត្រីរាជការ ដែលមានចំណាប់អារម្មណ៍ដាក់ពាក្យប្រកួតប្រជែង។

ទី១៖ អាហារូបករណ៍ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ក្រោមគម្រោងអាហារូបករណ៍របស់ប្រទេសជប៉ុនសម្រាប់ការអភិវឌ្ឍធនធានមនុស្សនៅកម្ពុជា (JDS) ក្នុងឆ្នាំ២០១៩ ។ គម្រោងនេះផ្ដល់អាហារូបករណ៍កម្រិតអនុបណ្ឌិតរយៈពេល២ឆ្នាំ ចំនួន ២៤កន្លែង និងថ្នាក់បណ្ឌិតរយៈពេល៣ឆ្នាំ ចំនួន២កន្លែង នៅប្រទេសជប៉ុន។ កាលបរិច្ឆេកំណត់ទទទួលពាក្យសុំអាហារូបករណ៍នេះ ត្រឹមថ្ងៃទី៣ខែតុលាឆ្នាំ២០១៨ ។

ទី២៖ មហាវិទ្យាល័យ Yangzhou Polytechnic College នៃសាធារណរដ្ឋប្រជាមានិតចិន ផ្ដល់អាហារូបករណ៍ថ្នាក់បរិញ្ញបត្ររង ចំនួន ១០ ទៅ ២០កន្លែង ដល់និស្សិតកម្ពុជា សម្រាប់ការសិក្សមុខជំនាញផ្សេងៗ។ បេក្ខជន ត្រូវផ្ញើពាក្យសុំអាហារូបករណ៍ទៅ Yangzhou Polytechnic College ឲ្យបានមុនថ្ងៃទី៣១ខែកក្កដាឆ្នាំនេះ។

)
ទី៣៖ ក្រសួងអប់រំ ជ្រើសរើសនិស្សិតអាហារូបករណ៍ចំនួន ១៨នាក់ ឲ្យទៅបន្តការសិក្សាថ្នាក់បរិញ្ញាបត្ររងនៅមហាវិទ្យាល័យសេដ្ឋកិច្ច និងហិរញ្ញវត្ថុថៃង្វៀននៃសាធារណរដ្ឋសង្គមនិយមវៀតណាម។ តាមរយៈអាហារូបករណ៍នេះ និស្សិតទទួលបានការបញ្ចុះតម្លៃសិក្សា ៥០ភាគរយ និងការស្នាក់នៅក្នុងអន្តេវាសិកដ្ឋាន និងទទួលប្រាក់អាហារូបករណ៍ប្រចាំខែ ១៣៨ដុល្លារ។ បេក្ខជនអាចទាក់ទងរកពាក្យសុំ និងដាក់ពាក្យ នៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាសយដ្ឋានក្នុងទីស្ដីការក្រសួងអប់រំ រហូតដល់ថ្ងៃទី៣១ខែសីហាឆ្នាំ២០១៨ ៕