អន្តរជាតិ
រាប់រយនាក់បាត់ខ្លួនក្នុងហេតុការណ៍បាក់ទំនប់វារីអគ្គិសនីនៅឡាវ រូបភាព៖ Metro
× នៅថ្ងៃទី២៤ ខែកក្កដា មនុស្សរាប់រយនាក់បានបាត់ខ្លួនក្នុងហេតុការណ៍បាក់ទំនប់វារីអគ្គិសនីនៅភាគខាងត្បូងឡាវ។ ទីភ្នាក់ងារព័ត៌មានរដ្ឋឡាវផ្សាយថា មនុស្សរាប់សិបនាក់ផ្សេងទៀត ក៏ត្រូវគេជឿថា បានស្លាប់ក្នុងហេតុការណ៍នេះដែរ។
ហេតុការណ៍បាក់ទំនប់វារីអគ្គិសនី បានកើតឡើងនៅរាត្រីថ្ងៃទី២៣ ខែកក្កដា នៅក្នុងខេត្ត Attapeu ។ ទឹកចំនួន៥ពាន់លានម៉ែត្រគីប ត្រូវបានហូរចេញពីទំនប់ ដែលសម្លាប់មនុស្សជាច្រើន និងរាប់រយនាក់ទៀតបានបាត់ខ្លួន។ នេះបើតាមការផ្សាររបស់ទីភ្នាក់ងារព័ត៌មាន AFP ។
វារីអគ្គិសនីនេះសាងសង់ដោយក្រុមហ៊ុន Xe Pien-Xe Namnoy Power Company ។ ផ្ទះជាច្រើនខ្នងនៅផ្នែកខាងក្រោមបានលិចលង់ និងបោកយកទៅតាមចរន្តទឹក ខណៈអាជ្ញាធរបានបើកប្រតិបត្តិការជួយសង្រ្គោះផង។
គម្រោងវារីអគ្គិសនីដែលមានសមត្ថភាព៤១០មេហ្គាវ៉ាត់នេះ ត្រូវបានវិនិយោគដោយក្រុមហ៊ុនថៃ កូរ៉េខាងត្បុង និងឡាវ ហើយគ្រោងនឹងចាប់ផ្ដើមដំណើរការនៅឆ្នាំ២០១៩៕
© រក្សាសិទ្ធិដោយ thmeythmey.com