ជាតិ
លោក ចម ប្រសិទ្ធ កាលនៅជារដ្ឋមន្ត្រីក្រសួងពាណិជ្ជកម្ម និងសម្តេច ហ៊ុន សែន នាកិច្ចប្រជុំមួយនៅសៀមរាបកាលពីឆ្នាំ២០០១។ រូបថត AFP
×![]()
ភ្នំពេញ៖ លោក ចម ប្រសិទ្ធ នៅជាប់ជារដ្ឋមន្ត្រីក្រសួងឧស្សាហកម្ម និងសិប្បកម្ម នៅក្នុងគណៈរដ្ឋមន្ត្រី អាណត្តិទី៦ ។ នេះជាការបង្ហើបរបស់សម្ដេចនាយករដ្ឋមន្ត្រី ហ៊ុន សែន។
ថ្លែងចំពោះមុខកម្មកររោងចក្រ នៅខណ្ឌមានជ័យ នៅថ្ងៃទី២ សីហា សម្ដេចនាយករដ្ឋមន្ត្រី ហ៊ុន សែន បាននិយាយថា រដ្ឋាភិបាលអាណត្តិថ្មី នឹងដាក់ចេញគោលនយោបាយ ដោះស្រាយបញ្ហាទឹក-ភ្លើង ដល់ប្រជាពលរដ្ឋទូទាំងប្រទេស និងសម្រួលដល់ការវិនិយោគបរទេសចូលមកកម្ពុជាបន្តទៀត តាមផែនការដែលរដ្ឋាភិបាលបានកំណត់។ និយាយដល់ចំណុចនេះ សម្ដេច ហ៊ុន សែន ក៏បានរំឭកដល់ឈ្មោះលោក ចម ប្រសិទ្ធ ដែលនឹងត្រូវបន្តតំណែងរដ្ឋមន្ត្រីក្រសួងឧស្សាហកម្ម និងសិប្បកម្ម អាណត្តិទី៦នេះ។
«អំបាញ់មិញខ្ញុំក៏បានប្រាប់ឯកឧត្តម ចម ប្រសិទ្ធ ហើយខ្ញុំប្រាប់ឲ្យហើយទៅ (ចម ប្រសិទ្ធិ) ដែលជាអនាគត និងបន្តជារដ្ឋមន្ត្រីក្រសួងឧស្សាហកម្ម និងសិប្បកម្ម ឲ្យពិនិត្យរៀបចំអំពីការរៀបចំទម្លាក់ថ្លៃទឹក ព្រោះតម្លៃអគ្គិសនីចុះ វាជាផ្នែកមួយនៃតម្លៃទឹក…»។ នេះជាការបញ្ជាក់របស់សម្ដេច ហ៊ុន សែន។
វត្តមានលោក ចម ប្រសិទ្ធ នេះ ស្ថិតនៅក្នុងចំណោមរដ្ឋមន្ត្រីក្រសួងចំនួន២៦រូបទៀត នៃគណៈរដ្ឋមន្ត្រីថ្មី ដែលនឹងត្រូវបង្កើតឡើង នៅថ្ងៃទី២០កញ្ញា ខាងមុខ។
ទាក់ទងនឹងវត្តមានរដ្ឋមន្ត្រីក្រសួងនីមួយៗនេះ សម្ដេច ហ៊ុន សែន ធ្លាប់បានព្រលយនៅក្នុងអាណត្តិទី៥កន្លងមកថា រដ្ឋមន្ត្រីអសកម្មការងារ និងមិនសូវមានដំណោះស្រាយជូនពលរដ្ឋនោះ នឹងគ្មានវត្តមាននៅក្នុងអាណត្តិទី៦ ទៀតទេ។ សម្ដេច ហ៊ុន សែន ធ្លាប់សន្យាថា រដ្ឋាភិបាលអាណត្តិថ្មី នឹងចុះដោះស្រាយបញ្ហាពលរដ្ឋតាមមូលដ្ឋានភ្លាមៗ ដោយមិនឲ្យពួកគេឡើងមកតវ៉ានៅភ្នំពេញ ដូចអាណត្តិមុនៗឡើយ៕
ថ្លែងចំពោះមុខកម្មកររោងចក្រ នៅខណ្ឌមានជ័យ នៅថ្ងៃទី២ សីហា សម្ដេចនាយករដ្ឋមន្ត្រី ហ៊ុន សែន បាននិយាយថា រដ្ឋាភិបាលអាណត្តិថ្មី នឹងដាក់ចេញគោលនយោបាយ ដោះស្រាយបញ្ហាទឹក-ភ្លើង ដល់ប្រជាពលរដ្ឋទូទាំងប្រទេស និងសម្រួលដល់ការវិនិយោគបរទេសចូលមកកម្ពុជាបន្តទៀត តាមផែនការដែលរដ្ឋាភិបាលបានកំណត់។ និយាយដល់ចំណុចនេះ សម្ដេច ហ៊ុន សែន ក៏បានរំឭកដល់ឈ្មោះលោក ចម ប្រសិទ្ធ ដែលនឹងត្រូវបន្តតំណែងរដ្ឋមន្ត្រីក្រសួងឧស្សាហកម្ម និងសិប្បកម្ម អាណត្តិទី៦នេះ។
«អំបាញ់មិញខ្ញុំក៏បានប្រាប់ឯកឧត្តម ចម ប្រសិទ្ធ ហើយខ្ញុំប្រាប់ឲ្យហើយទៅ (ចម ប្រសិទ្ធិ) ដែលជាអនាគត និងបន្តជារដ្ឋមន្ត្រីក្រសួងឧស្សាហកម្ម និងសិប្បកម្ម ឲ្យពិនិត្យរៀបចំអំពីការរៀបចំទម្លាក់ថ្លៃទឹក ព្រោះតម្លៃអគ្គិសនីចុះ វាជាផ្នែកមួយនៃតម្លៃទឹក…»។ នេះជាការបញ្ជាក់របស់សម្ដេច ហ៊ុន សែន។
វត្តមានលោក ចម ប្រសិទ្ធ នេះ ស្ថិតនៅក្នុងចំណោមរដ្ឋមន្ត្រីក្រសួងចំនួន២៦រូបទៀត នៃគណៈរដ្ឋមន្ត្រីថ្មី ដែលនឹងត្រូវបង្កើតឡើង នៅថ្ងៃទី២០កញ្ញា ខាងមុខ។
ទាក់ទងនឹងវត្តមានរដ្ឋមន្ត្រីក្រសួងនីមួយៗនេះ សម្ដេច ហ៊ុន សែន ធ្លាប់បានព្រលយនៅក្នុងអាណត្តិទី៥កន្លងមកថា រដ្ឋមន្ត្រីអសកម្មការងារ និងមិនសូវមានដំណោះស្រាយជូនពលរដ្ឋនោះ នឹងគ្មានវត្តមាននៅក្នុងអាណត្តិទី៦ ទៀតទេ។ សម្ដេច ហ៊ុន សែន ធ្លាប់សន្យាថា រដ្ឋាភិបាលអាណត្តិថ្មី នឹងចុះដោះស្រាយបញ្ហាពលរដ្ឋតាមមូលដ្ឋានភ្លាមៗ ដោយមិនឲ្យពួកគេឡើងមកតវ៉ានៅភ្នំពេញ ដូចអាណត្តិមុនៗឡើយ៕
Tag:
ហ៊ុន សែន
ចម ប្រសិទ្ធិ
© រក្សាសិទ្ធិដោយ thmeythmey.com
