ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
ក្រុមហ៊ុន សាមសុង យកសម្ភារសិក្សាជូនសិក្ខាកាមក្នុងវគ្គបណ្ដុះបណ្ដាល Samsung Tech Institute ជំនាន់ទី៥ ដើម្បីធានាភាពជោគជ័យនៃការបណ្ដុះបណ្ដាល
02, Aug 2018 ,
5:04 pm
រូបភាព
×
ដោយ:
កាលពីថ្ងៃទី១ ខែសីហា ឆ្នាំ២០១៨ កន្លងមក ក្រុមហ៊ុនសាមសុង បាននាំយកសម្ភារសិក្សាទៅជូនដល់សិក្ខាកាមទាំង៨០នាក់ក្នុង វគ្គបណ្ដុះបណ្ដាល Samsung Tech Institute ជំនាន់ទី៥ នៅវិទ្យាស្ថានបច្ចេកទេសកម្ពុជា ដែលជាការបន្ថែមការជួយគាំទ្រដ៏មានសារៈសំខាន់ និងចាំបាច់ដល់សិក្ខាកាមទាំងអស់ ខណៈពេលដែលពួកគាត់កំពុងតែទទួលការបណ្ដុះបណ្ដាលជំនាញដែលពួកគេស្រឡាញ់។ ការឧបត្ថម្ភនេះ ធ្វើឡើងបន្ថែមទៅលើវគ្គបណ្ដុះបណ្ដាលជំនាន់ទី៥ ដែលសាមសុងសហការជាមួយវិទ្យាស្ថានបច្ចេកទេសកម្ពុជា និងផ្គត់ផ្គង់បរិក្ខារបច្ចេកទេស ថវិកា អាហារពេញមួយវគ្គបណ្ដុះបណ្ដាលនេះ។
ក្រៅពីបង្កើតវគ្គបណ្ដុះបណ្ដាលដែលត្រួសត្រាយមាគ៌ាឆ្ពោះទៅរកអនាគតកាន់តែប្រសើរសម្រាប់សិក្ខាកាម សាមសុងបានយកចិត្តទុកដាក់លើភាពងាយស្រួល និងដំណោះស្រាយនានា ដោយផ្ដល់សម្ភារសិក្សាបន្ថែមដែលនឹងជួយដោះស្រាយ និងបន្ធូរបន្ទុកយ៉ាងច្រើនសម្រាប់ពួកគេ។ ការផ្ដល់ឱកាស និងការបង្កលក្ខខណៈងាយស្រួល ជាមួយការឧបត្ថម្ភពេញលេញនេះ នឹងធានាបាននូវភាពជោគជ័យសម្រាប់សិក្ខាកាមក្នុងការសិក្សា ហ្វឹកហាត់ជំនាញរបស់ខ្លួន។
ថ្លែងក្នុងឱកាសប្រគល់សម្ភារសិក្ខាដល់សិក្ខាកាម លោក Seungho Choi អគ្គនាយកក្រុមហ៊ុនសាមសុងកម្ពុជាបានមានប្រសាសន៍ថា៖ «យើងចង់ជួយ និងដោះស្រាយបញ្ហាជូនពួកគាត់ឲ្យបានច្រើនតាមតែអាចធ្វើទៅបាន ដើម្បីធានាថាពួកគាត់អាចទទួលការបណ្ដុះបណ្ដាល ជាមួយការយកចិត្តទុកដាក់ខ្ពស់ និងអស់ពីលទ្ធភាពដោយគ្មានបញ្ហាផ្សេងៗមករំខាន។» លោកបានបន្ថែមទៀតថា៖ «យើងឃើញគាត់ទទួលបានជោគជ័យ និងសម្រេចក្ដីសុបិនរបស់ពួកគាត់។»
កញ្ញា អ៊ា វួចលីម ជានិស្សិតឆ្នាំទី៣ ផ្នែកទូរគមនាគមន៍ ដែលកំពុងរៀននៅក្នុងវគ្គបណ្តុះបណ្តាល Samsung Tech Institute ជំនាន់ទី៥ ផ្នែកជួសជុលទូរស័ព្ទបានឲ្យដឹងថា៖ «ខ្ញុំសូមថ្លែងអំណរគុណយ៉ាងខ្លាំងដល់ក្រុមហ៊ុនសាមសុងដែលបានបង្កើតវគ្គបណ្តុះបណ្តាលនេះឡើងនៅប្រទេសកម្ពុជាដើម្បីឲ្យកូនខ្មែរបានយល់ដឹងពីបច្ចេកវិទ្យាទំនើបៗរបស់សាមសុងក៏ដូចជាផ្តល់ចំណេះដឹងដ៏ល្អដល់យើងទាំងអស់គ្នាហើយថ្ងៃនេះខ្ញុំពិតជាសប្បាយចិត្តណាស់ដែលក្រុមសាមសុងបាននាំយកនូវសម្ភារសិក្សាជូនដល់ពួកខ្ញុំដើម្បីងាយស្រួលដល់ការសិក្សាក្នុងវគ្គបណ្តុះបណ្តាលនេះផងដែរ។»
សូមបញ្ជាក់ថាវគ្គបណ្ដុះបណ្ដាល Samsung Tech Institute ជំនាន់ទី៥ ត្រូវបានបើកជាផ្លូវការកាលពីថ្ងៃទី១៩ ខែកក្កដា ឆ្នាំ២០១៨ នៅវិទ្យាស្ថានជាតិពហុបច្ចេកទេសកម្ពុជា ដោយមានសិក្ខាកាមចូលរួមចំនួន៨០នាក់។ វគ្គបណ្ដុះបណ្ដាលនេះ ផ្ដួចផ្ដើមដោយក្រុមហ៊ុនសាមសុងដោយសហការជាមួយវិទ្យាស្ថានជាតិពហុបច្ចេកទេសកម្ពុជា ដើម្បីផ្ដល់ឱកាសឲ្យយុវជនកម្ពុជាក្នុងការបញ្ចេញសក្តានុពលផ្នែកបច្ចេកវិទ្យា និងដើម្បីដោះស្រាយបញ្ហាកង្វះវិស្វករអេឡិចត្រូនិកនៅប្រទេសកម្ពុជា ដូចជាការជួសជុល និងការថែទាំផលិតផលអេឡិចត្រូនិកដែលរួមមាន ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ និងទូរស័ព្ទដៃជាដើម។
គួររំលឹកថា Samsung Tech Institute ត្រូវបានបង្កើតឡើងចំនួន ៤ ជំនាន់រួចមកហើយ តាំងពីឆ្នាំ ២០១៤ ដោយបានបណ្ដុះបណ្ដាលសិក្ខាកាមសរុបជិត 300នាក់ ហើយដែល សិក្ខាកាមទាំងនេះបាននិងកំពុងបន្តចែកចាយចំណេះដឹងរបស់គាត់ដល់ប្រជាជនកម្ពុជារាប់ពាន់នាក់តាមការបង្ហាត់បង្ហាញក្រៅសាលា ។ ដោយឡែកវគ្គបណ្ដុះបណ្ដាលលើកទី៥នេះ មានសិក្ខាកាមចូលរួមចំនួន៨០នាក់ដើម្បីសិក្សាលើជំនាញជួសជុល ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ និងទូរស័ព្ទដៃ ក្នុងរយៈពេល៣ខែ ។ គួរកត់សម្គាល់ថា Samsung Tech Institute នេះគឺជាវគ្គបណ្ដុះបណ្ដាលមួយដែលពិសេសនិងទំនើបជាងគេក្នុងព្រះរាជាណាចក្រកម្ពុជាព្រោះត្រូវបានបំពាក់ដោយឧបករណ៍ទំនើបៗ ព្រមទាំងទទួលនូវការប្រឹក្សាយោបល់ពីអ្នកជំនាញរបស់សាមសុងផងដែរ៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម