អត្ថបទពាណិជ្ជកម្ម
ក្រុមហ៊ុន CMIC រៀបចំកម្មវិធីលើកទឹកចិត្តអ្នកលក់ឆ្នើម៧៣រូប ដោយទទួលបានម៉ូតូហុងដា ស៊េរី២០១៨ ម្នាក់មួយគ្រឿង
×![]()
នៅថ្ងៃទី៤ ខែសីហា ឆ្នាំ២០១៨ នេះ ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន (CMIC) បានអបអរសាទរដល់តំណាងដេប៉ូចែកចាយស៊ីម៉ងត៍អូដ្ឋឆ្នើមចំនួន ៧៣រូប មកពីគ្រប់ខេត្តក្រុងទូទាំងប្រទេសកម្ពុជា ដោយផ្តល់ម៉ូតូហុងដា (Honda Dream) ស៊េរីឆ្នាំ ២០១៨ យ៉ាងស្រស់ស្អាត ជូន ពួកគាត់ម្នាក់មួយគ្រឿង។ ការផ្តល់ជាកាដូនេះ គឺដើម្បីលើកទឹកចិត្តដល់ការខិតខំប្រឹងប្រែងលក់លើសកម្រិតកំណត់របស់ក្រុមហ៊ុននៅក្នុងឆមាសទី ១ ឆ្នាំ ២០១៨ កន្លងមកនេះ។
ពិធីប្រគល់រង្វាន់នេះ បានប្រព្រឹត្តទៅនៅថ្ងៃទី ០៤ ខែសីហា ឆ្នាំ ២០១៨ នៅការិយាល័យរបស់ក្រុមហ៊ុន ជីបម៉ុង អ៊ិនស៊ី ដែលមានទីតាំងស្ថិតនៅអគារ Anina ផ្លូវលេខ ២៧១។
លោក ឆុង យឿប ប្រធានផ្នែកលក់នៃក្រុមហ៊ុន ជីប ម៉ុង អ៊ិនស៊ី មានប្រសាសន៍ថា ព្រឹត្តិការណ៍នេះ គឺជាផ្នែកមួយរបស់ ក្រុមហ៊ុន ជីបម៉ុង អ៊ិនស៊ី ដើម្បីឆ្លើយតបនឹងកិច្ចខិតខំប្រឹងប្រែង ក៏ដូចជាការលើកទឹកចិត្តដល់ដៃគូ និងបណ្ដាញចែកចាយរបស់ខ្លួននៅក្នុងប្រទេសកម្ពុជា រង្វាន់ម៉ូតូទាំង ៧៣ គ្រឿង ត្រូវបានប្រគល់ជូនដល់តំណាងដេប៉ូចែកចាយស៊ីម៉ងត៍អូដ្ឋឆ្នើម។ លោក បន្ថែមទៀតថា៖ «យើងមានក្ដីសប្បាយរីករាយខ្លាំង ដែលមានដៃគូពេញដោយសមត្ថភាព។ មួយវិញទៀត យើងពិតជាមានទំនុកចិត្តថា ពួកយើងនឹងបន្តដំណើរទៅមុខទៀតបានកាន់តែប្រសើរ។ លោកក៏បានបន្ថែមទៀតថា “ចូលរួមទាំងអស់គ្នា ដើម្បីសាងសង់ដោយមោទនភាព។»
គួររំលឹកដែរ ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន បានវិនិយោគរួមគ្នារវាងក្រុមហ៊ុន ជីប ម៉ុង គ្រុប និងក្រុមហ៊ុន Siam City Cement លីមីតធីត ដែលបច្ចុប្បន្ននេះ ក្រុមហ៊ុនកំពុងដំណើរការរោងចក្ររបស់ខ្លួន នៅស្រុកទូកមាស ខេត្តកំពត។
គួរបញ្ជាក់ផងដែរ ក្រុងហ៊ុនជីប ម៉ុង អ៊ិនស៊ី ស៊ីមេន ខបភើរេសិន គឺមានរោងចក្រដែល អាចផលិតស៊ីម៉ងត៍ចំនួន ៥,000 តោន ក្នុងមួយថ្ងៃ។ ក្នុងនោះ ក្រុមហ៊ុនបានចាត់ទុកស៊ីម៉ងត៍អូដ្ឋ ជាផលិតផលសំខាន់ សម្រាប់ផ្គត់ផ្គង់លើទីផ្សារ ដោយវាត្រូវបានបែងចែកជា ២ ប្រភេទ គឺស៊ីម៉ងត៍អូដ្ឋពណ៌ទឹកក្រូច មានគុណភាពល្អ ស័ក្ដិសមសម្រាប់សំណង់រឹងមាំល្អ ក៏ដូចជាការប្រើប្រាស់ក្នុងគោលបំណងទូទៅ។ រីឯស៊ីម៉ងត៍អូដ្ឋពណ៌បៃតង មានគុណភាពពិសេស និងល្អបំផុតសម្រាប់ការងារបូក។ ស៊ីម៉ងត៍នេះ ក៏ត្រូវបានប្រើប្រាស់នៅទូទាំងប្រទេសរួមទាំងរចនាសម្ព័ន្ធសំខាន់ៗជាច្រើនដូចជា អគារណាហ្គាវើល ២ សណ្ឋាគារសុខានៅត្រើយម្ខាងជ្រោយចង្វារ បុរីជីប ម៉ុងលែន និងផាកសុនម៉លផងដែរ។
លោក លឹម អេងហ៊ន់ តំណាងដេប៉ូចែកចាយមកពីខេត្ត កំពង់ស្ពឺ បានឲ្យដឹងថា រូបគាត់ គឺជាតំណាងដេប៉ូចែកចាយស៊ីម៉ងត៍អូដ្ឋផលិតផលស៊ីម៉ងត៍អូដ្ឋអស់រយៈពេលជាច្រើនឆ្នាំហើយ គាត់សប្បាយចិត្ត នៅពេលដែលក្រុមហ៊ុន និងក្រុមការងារ ដែលតែងតែផ្តល់សេវាកម្មល្អ និងតែងតេយកចិត្តទុកដាក់ លើកទឹកចិត្ត ដល់តំណាងដេប៉ូចែកចាយស៊ីម៉ងត៍អូដ្ឋដូចពួកគាត់ ដើម្បីជម្រុញការលក់កាន់តែខ្លាំងដោយក្រុមហ៊ុន ជីប ម៉ុង អ៊ិនស៊ី តែងតែផ្ដល់រង្វាន់លើកទឹកចិត្តឲ្យតំណាងដេប៉ូចែកចាយស៊ីម៉ងត៍អូដ្ឋ តាមរយៈរូបភាពផ្សេងៗ។
កន្លងមកថ្មីៗនេះ ក្រៅពីម៉ូតូ ក្រុមហ៊ុន ជីប ម៉ុង អ៊ិនស៊ី ក៏ធ្លាប់បានផ្តល់រង្វាន់រាប់រយរង្វាន់ ដូចជាទូរស័ព្ទដៃ និងគ្រឿងអលង្ការ ដល់តំណាងដេប៉ូចែកចាយស៊ីម៉ងត៍អូដ្ឋឆ្នើមនៅទូទាំងប្រទេសផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
