អន្តរជាតិ
សិង្ហបុរីជំរុញឲ្យមានពង្រឹងសន្តិសុខអ៊ីនធឺណិតតំបន់រួមគ្នា ស្របពេលអាស៊ានឆ្ពោះទៅរកសេដ្ឋកិច្ចឌីជីថល
រដ្ឋមន្ត្រីព័ត៌មានសិង្ហបុរីលោក S Iswaran ក្នុងជំនួបជាមួយអ្នកសារព័ត៌មានអាស៊ាន
×![]()
សិង្ហបុរី៖ ខណៈដែលសមាជិកអាស៊ានបន្តជំរុញការប្រើប្រាស់បច្ចេកវិទ្យា និងសមាហរណកម្មសេដ្ឋកិច្ចឌីជីថល ការពង្រឹងសមត្ថភាពគ្រប់គ្រងសន្តិសុខអ៊ីធឺណិតក្លាយជាចាំបាច់បំផុតសម្រាប់តំបន់ទាំងមូល។ ជាប្រធានអាស៊ានឆ្នាំនេះ សិង្ហបុរីបន្តជំរុញឲ្យសមាជិកអាស៊ានទាំងអស់ពង្រឹងភាពដៃគូ និងគាំទ្រគ្នាទៅវិញទៅមកដើម្បីកសាងសមត្ថភាពការពារសន្តិសុខអ៊ីនធឺណិតនេះ។
រដ្ឋមន្ត្រីព័ត៌មានសិង្ហបុរីលោក S. Iswaran បានទទូចឲ្យប្រទេសអាស៊ានពង្រឹងកិច្ចសហប្រតិបត្តិការ និងចែករំលែកបទពិសោធន៍បន្ថែមដើម្បីឆ្លើយតបនឹងបញ្ហាសន្តិសុខអ៊ីនធឺណិត ស្របពេលដែលតំបន់អាស៊ានកំពុងឆ្ពោះទៅរកការអភិវឌ្ឍសេដ្ឋកិច្ចឌីជីថលនោះ។
ក្នុងបទសម្ភាសន៍ជាមួយអ្នកសារព័ត៌មានអាស៊ាននៅថ្ងៃ ៨ ខែសីហា រដ្ឋមន្ត្រីសិង្ហបុរីរូនេះអះអាងដូច្នេះ៖ «ខ្ញុំយល់ថា អ្នកបង្កើតគោលនយោបាយ និងមេដឹកនាំប្រទេសអាស៊ានបានយល់ដឹងពីតម្លៃនៃសេដ្ឋកិច្ចឌីជីថលនេះរួចហើយ។ ដូច្នេះ គេមិនអាចនិយាយពីសេដ្ឋកិច្ចឌីជីថល ដោយមិននិយាយពីសន្តិសុខអ៊ីនធឺណិតឡើយ»។
រដ្ឋមន្ត្រីរូបនេះបានបង្ហើបដែរថា ក្រៅពីក្របខណ្ឌអាស៊ាន រយៈពេលចុងក្រោយមកនេះ វាមានការពិភាក្សាគ្នាច្រើនជុំវិញបញ្ហាសន្តិសុខអ៊ីនធឺណិតនេះក្នុងក្របខណ្ឌកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) និងនៅអឺរ៉ុបផង។ ក្រៅពីនេះ វាក៏ការអភិវឌ្ឍស្តង់ដាពិភពលោកសម្រាប់ឆ្លើយតបនឹងបញ្ហាសន្តិសុខអ៊ីនធឺណិត ហើយវាក៏ជាគោលការណ៍ណែនាំដែលអាស៊ានអាចរៀនសូត្របានដែរ។
-អាស៊ានមិនទាន់មានក្រុមការងារសន្តិសុខអ៊ីនធឺណិត ប៉ុន្តែប្រឹងចែករម្លែកបទពិសោធន៍ និងកសាងសមត្ថភាព
ជុំវិញការពង្រឹងសន្តិសុខអ៊ីនធឺណិតនេះ លោក Iswaran បានលើកឡើងថា មកដល់បច្ចុប្បន្ន វាមិនមានទាន់មានការបង្កើតក្រុមការងារពិសេសអាស៊ានសម្រាប់ដោះស្រាយបញ្ហាសន្តិសុខអ៊ីនធឺណិតរួមគ្នានោះទេ។ ប៉ុន្តែអ្វីដែលប្រធានអាស៊ានសិង្ហបុរីក៏ដូចជាភាគីពាក់ព័ន្ធកំពុងធ្វើនោះគឺ បង្កើតភាពជាដៃគូដែលអាចស្វែងរកចំណុចរួម ចែករំលែកបទពិសោធន៍ គាំទ្រគ្នាទៅវិញទៅមក និងបង្កើតវិធីសាស្ត្រគ្រប់គ្រងសន្តិសុខអ៊ីនធឺណិតរួមគ្នាតាមបែបអាស៊ានតែម្តង។
«អ្វីដែលយើងកំពុងធ្វើ គឺព្យាយាមធ្វើការរួមគ្នាក្នុងភាពជាដៃគូ ហើយយើងគួរស្វែងរកចំណុចរួមគ្នាដើម្បី កំណត់គំនិតឲ្យច្បាស់ថាយើងត្រូវទៅផ្លូវណា»។ លោក Iswaran និយាយដូច្នេះ។
«ចំណែកអ្វីដែលយើងត្រូវធ្វើ គឺគាំទ្រគ្នាទៅវិញទៅមកក្នុងការកសាងសមត្ថភាព, រៀនសូត្រពីគ្នាទៅវិញទៅមកជាពិសេសពីដៃគូរបស់អាស៊ានពីបទពិសោធន៍ល្អៗ ហើយវាប្រាកដណាស់ថា ប្រទេសអាស៊ានចង់បានវិធីសាស្ត្រតាមបែបអាស៊ានស្របតាមស្តង់ដាពិភពលោក ហើយអាចធ្វើសុខដុមរមនីយកម្មស្តង់ដានេះផងដើម្បីឆ្លើយតបនឹងបញ្ហានេះ»។
យ៉ាងណាមិញ លោក Iswaran សង្កត់ធ្ងន់ថា វាមិនមែនមានតែប្រធានអាស៊ានឆ្នាំនេះ ឬមានតែសិង្ហបុរីទេដែលផ្តោតខ្លាំងលើបញ្ហាសន្តិសុខអ៊ីនធឺណិតនេះ។ សិង្ហបុរីគ្រាន់តែចង់ពង្រឹងការសហការជាមួយដៃគូដើម្បីបង្កើតក្របខណ្ឌគោលដែលអនុញ្ញាតឲ្យភាគីពាក់ព័ន្ធអាចសម្រេចការងាររួមគ្នាបានលើបញ្ហាសន្តិសុខនេះពេលអនាគតខាងមុខ។
នៅខែកញ្ញាខាងមុខ សិង្ហបុរីនឹងរៀបចំសិក្ខាសាលាសន្តិសុខអ៊ីនធឺណិតអន្តរជាតិ ដើម្បីប្រមូលផ្តុំរាល់មន្ត្រីរដ្ឋាភិបាល អ្នកជំនាញ និងតំណាងវិស័យឯកជនដែលដៃគូទាំងពិភពលោកដើម្បីប្រមូលគំនិតយោបល់និងសិក្សាលើការបង្កើតយន្តការរួមគ្នាផង។
ដោយឡែក លោក Ng Hoo Ming អនុប្រធានទទួលបន្ទុកការងារប្រតិបត្តិការនៃទីភ្នាក់ងារសន្តិសុខអ៊ីនធឺណិតសិង្ហបុរី (SCA) ក៏ទទួលស្គាល់ថា សន្តិសុខអ៊ីនធឺណិតត្រូវការកិច្ចសហប្រតិបត្តិការក្នុងក្របខណ្ឌតំបន់ និងអន្តរជាតិ ខណៈដែលការប្រើប្រាស់បច្ចេកវិទ្យាកាន់តែទូលំទូលាយ។
អ្នកជំនាញរូបនេះជឿជាក់ថា បើមានការសហការគ្នា និងរៀបចំវិធីសាស្ត្រច្បាស់លាស់និងត្រឹមត្រូវ គ្មានអ្នកណាម្នាក់ក្លាយជាជនរងគ្រោះដោយសារបទល្មើសអ៊ីនធឺណិតឡើយ ហើយគ្រប់គ្នាក៏អាចទាញប្រយោជន៍ពីបច្ចេកវិទ្យាដោយគ្មានបារម្ភដែរ។
យ៉ាងណាក៏ដោយ សិង្ហបុរីខ្លួនឯងបានក្លាយជាប្រទេសរងគ្រោះដោយសារការវាយប្រហារលើប្រព័ន្ធគ្រប់គ្រងទិន្នន័យសុខាភិបាលដែរកាលពីខែមុន ដោយទិន្ន័យអ្នកជំងឺប្រមាណ ១,៥ លាននាក់ត្រូវបានគេលួច(hack)។ វាបង្ហាញឲ្យឃើញកាន់តែច្បាស់ថា សន្តិសុខអ៊ីធឺណិតកាន់តែរងការគំរាមកំហែងខ្លាំង ដែលចាំបាច់ត្រូវមានការពារ និងឆ្លើយតបបានរាល់ការវាយប្រហារនេះផង។
សូមបញ្ជាក់ថា ជាប្រធានអាស៊ានឆ្នាំនេះ សិង្ហបុរីបានកំណត់យក «និវានុវត្តន៍» (innovative) និង«ភាពធន់» (Resilient) ជាមូលបទនៃកិច្ចប្រជុំអាស៊ាន ហើយការជំរុញសេដ្ឋកិច្ចឌីជីថល និងការពារសន្តិសុខអ៊ីនធឺណិតជាប្រធានបទសំខាន់សម្រាប់កិច្ចប្រជុំឆ្នាំនេះ។ កាលពីខែមេសា មេដឹកនាំអាស៊ានក៏បានចេញសេចក្តីថ្លែងការណ៍រួមគ្នាផងដែរជុំវិញការអភិវឌ្ឍគោលនយោបាយសន្តិសុខអ៊ីនធឺណិត និងកសាងសមត្ថភាពពាក់ព័ន្ធដែលធានាការផ្សាភ្ជាប់ និងការលូតលាស់នៃសេដ្ឋកិច្ចអាស៊ានផង៕
រដ្ឋមន្ត្រីព័ត៌មានសិង្ហបុរីលោក S. Iswaran បានទទូចឲ្យប្រទេសអាស៊ានពង្រឹងកិច្ចសហប្រតិបត្តិការ និងចែករំលែកបទពិសោធន៍បន្ថែមដើម្បីឆ្លើយតបនឹងបញ្ហាសន្តិសុខអ៊ីនធឺណិត ស្របពេលដែលតំបន់អាស៊ានកំពុងឆ្ពោះទៅរកការអភិវឌ្ឍសេដ្ឋកិច្ចឌីជីថលនោះ។
ក្នុងបទសម្ភាសន៍ជាមួយអ្នកសារព័ត៌មានអាស៊ាននៅថ្ងៃ ៨ ខែសីហា រដ្ឋមន្ត្រីសិង្ហបុរីរូនេះអះអាងដូច្នេះ៖ «ខ្ញុំយល់ថា អ្នកបង្កើតគោលនយោបាយ និងមេដឹកនាំប្រទេសអាស៊ានបានយល់ដឹងពីតម្លៃនៃសេដ្ឋកិច្ចឌីជីថលនេះរួចហើយ។ ដូច្នេះ គេមិនអាចនិយាយពីសេដ្ឋកិច្ចឌីជីថល ដោយមិននិយាយពីសន្តិសុខអ៊ីនធឺណិតឡើយ»។
រដ្ឋមន្ត្រីរូបនេះបានបង្ហើបដែរថា ក្រៅពីក្របខណ្ឌអាស៊ាន រយៈពេលចុងក្រោយមកនេះ វាមានការពិភាក្សាគ្នាច្រើនជុំវិញបញ្ហាសន្តិសុខអ៊ីនធឺណិតនេះក្នុងក្របខណ្ឌកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) និងនៅអឺរ៉ុបផង។ ក្រៅពីនេះ វាក៏ការអភិវឌ្ឍស្តង់ដាពិភពលោកសម្រាប់ឆ្លើយតបនឹងបញ្ហាសន្តិសុខអ៊ីនធឺណិត ហើយវាក៏ជាគោលការណ៍ណែនាំដែលអាស៊ានអាចរៀនសូត្របានដែរ។
-អាស៊ានមិនទាន់មានក្រុមការងារសន្តិសុខអ៊ីនធឺណិត ប៉ុន្តែប្រឹងចែករម្លែកបទពិសោធន៍ និងកសាងសមត្ថភាព
ជុំវិញការពង្រឹងសន្តិសុខអ៊ីនធឺណិតនេះ លោក Iswaran បានលើកឡើងថា មកដល់បច្ចុប្បន្ន វាមិនមានទាន់មានការបង្កើតក្រុមការងារពិសេសអាស៊ានសម្រាប់ដោះស្រាយបញ្ហាសន្តិសុខអ៊ីនធឺណិតរួមគ្នានោះទេ។ ប៉ុន្តែអ្វីដែលប្រធានអាស៊ានសិង្ហបុរីក៏ដូចជាភាគីពាក់ព័ន្ធកំពុងធ្វើនោះគឺ បង្កើតភាពជាដៃគូដែលអាចស្វែងរកចំណុចរួម ចែករំលែកបទពិសោធន៍ គាំទ្រគ្នាទៅវិញទៅមក និងបង្កើតវិធីសាស្ត្រគ្រប់គ្រងសន្តិសុខអ៊ីនធឺណិតរួមគ្នាតាមបែបអាស៊ានតែម្តង។
«អ្វីដែលយើងកំពុងធ្វើ គឺព្យាយាមធ្វើការរួមគ្នាក្នុងភាពជាដៃគូ ហើយយើងគួរស្វែងរកចំណុចរួមគ្នាដើម្បី កំណត់គំនិតឲ្យច្បាស់ថាយើងត្រូវទៅផ្លូវណា»។ លោក Iswaran និយាយដូច្នេះ។
«ចំណែកអ្វីដែលយើងត្រូវធ្វើ គឺគាំទ្រគ្នាទៅវិញទៅមកក្នុងការកសាងសមត្ថភាព, រៀនសូត្រពីគ្នាទៅវិញទៅមកជាពិសេសពីដៃគូរបស់អាស៊ានពីបទពិសោធន៍ល្អៗ ហើយវាប្រាកដណាស់ថា ប្រទេសអាស៊ានចង់បានវិធីសាស្ត្រតាមបែបអាស៊ានស្របតាមស្តង់ដាពិភពលោក ហើយអាចធ្វើសុខដុមរមនីយកម្មស្តង់ដានេះផងដើម្បីឆ្លើយតបនឹងបញ្ហានេះ»។
យ៉ាងណាមិញ លោក Iswaran សង្កត់ធ្ងន់ថា វាមិនមែនមានតែប្រធានអាស៊ានឆ្នាំនេះ ឬមានតែសិង្ហបុរីទេដែលផ្តោតខ្លាំងលើបញ្ហាសន្តិសុខអ៊ីនធឺណិតនេះ។ សិង្ហបុរីគ្រាន់តែចង់ពង្រឹងការសហការជាមួយដៃគូដើម្បីបង្កើតក្របខណ្ឌគោលដែលអនុញ្ញាតឲ្យភាគីពាក់ព័ន្ធអាចសម្រេចការងាររួមគ្នាបានលើបញ្ហាសន្តិសុខនេះពេលអនាគតខាងមុខ។
នៅខែកញ្ញាខាងមុខ សិង្ហបុរីនឹងរៀបចំសិក្ខាសាលាសន្តិសុខអ៊ីនធឺណិតអន្តរជាតិ ដើម្បីប្រមូលផ្តុំរាល់មន្ត្រីរដ្ឋាភិបាល អ្នកជំនាញ និងតំណាងវិស័យឯកជនដែលដៃគូទាំងពិភពលោកដើម្បីប្រមូលគំនិតយោបល់និងសិក្សាលើការបង្កើតយន្តការរួមគ្នាផង។
ដោយឡែក លោក Ng Hoo Ming អនុប្រធានទទួលបន្ទុកការងារប្រតិបត្តិការនៃទីភ្នាក់ងារសន្តិសុខអ៊ីនធឺណិតសិង្ហបុរី (SCA) ក៏ទទួលស្គាល់ថា សន្តិសុខអ៊ីនធឺណិតត្រូវការកិច្ចសហប្រតិបត្តិការក្នុងក្របខណ្ឌតំបន់ និងអន្តរជាតិ ខណៈដែលការប្រើប្រាស់បច្ចេកវិទ្យាកាន់តែទូលំទូលាយ។
អ្នកជំនាញរូបនេះជឿជាក់ថា បើមានការសហការគ្នា និងរៀបចំវិធីសាស្ត្រច្បាស់លាស់និងត្រឹមត្រូវ គ្មានអ្នកណាម្នាក់ក្លាយជាជនរងគ្រោះដោយសារបទល្មើសអ៊ីនធឺណិតឡើយ ហើយគ្រប់គ្នាក៏អាចទាញប្រយោជន៍ពីបច្ចេកវិទ្យាដោយគ្មានបារម្ភដែរ។
យ៉ាងណាក៏ដោយ សិង្ហបុរីខ្លួនឯងបានក្លាយជាប្រទេសរងគ្រោះដោយសារការវាយប្រហារលើប្រព័ន្ធគ្រប់គ្រងទិន្នន័យសុខាភិបាលដែរកាលពីខែមុន ដោយទិន្ន័យអ្នកជំងឺប្រមាណ ១,៥ លាននាក់ត្រូវបានគេលួច(hack)។ វាបង្ហាញឲ្យឃើញកាន់តែច្បាស់ថា សន្តិសុខអ៊ីធឺណិតកាន់តែរងការគំរាមកំហែងខ្លាំង ដែលចាំបាច់ត្រូវមានការពារ និងឆ្លើយតបបានរាល់ការវាយប្រហារនេះផង។
សូមបញ្ជាក់ថា ជាប្រធានអាស៊ានឆ្នាំនេះ សិង្ហបុរីបានកំណត់យក «និវានុវត្តន៍» (innovative) និង«ភាពធន់» (Resilient) ជាមូលបទនៃកិច្ចប្រជុំអាស៊ាន ហើយការជំរុញសេដ្ឋកិច្ចឌីជីថល និងការពារសន្តិសុខអ៊ីនធឺណិតជាប្រធានបទសំខាន់សម្រាប់កិច្ចប្រជុំឆ្នាំនេះ។ កាលពីខែមេសា មេដឹកនាំអាស៊ានក៏បានចេញសេចក្តីថ្លែងការណ៍រួមគ្នាផងដែរជុំវិញការអភិវឌ្ឍគោលនយោបាយសន្តិសុខអ៊ីនធឺណិត និងកសាងសមត្ថភាពពាក់ព័ន្ធដែលធានាការផ្សាភ្ជាប់ និងការលូតលាស់នៃសេដ្ឋកិច្ចអាស៊ានផង៕
Tag:
សិង្ហបុរី
អាស៊ាន
S. Iswaran
© រក្សាសិទ្ធិដោយ thmeythmey.com
