ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
កម្ពុជាមិនមានគម្រោងបង្កើតច្បាប់ប្រឆាំង Fake News ឡើយ
21, Aug 2018 ,
8:19 am
រូបភាព
×
ដោយ:
គី សុខលីម (Ky Soklim)
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានអះអាងថា កម្ពុជាពុំមានគម្រោងតាក់តែងច្បាប់ដើម្បីប្រឆាំងព័ត៌មានក្លែងបន្លំ (Fake News) នោះឡើយ។ លោករដ្ឋមន្ត្រីបានមានប្រសាសន៍យ៉ាងនេះនៅក្នុងបទសម្ភាសរួមគ្នាមួយដែលលោកផ្តល់ឲ្យសារព័ត៌មានអនឡាញថ្មីៗ និងវិទ្យុFM១០២ កាលពីពេលថ្មីៗនេះ។ ជាងនេះទៅទៀត លោក ខៀវ កាញារីទ្ធ ក៏បានបញ្ជាក់ឲ្យដឹងផងដែរថា លោកក៏ពុំមានគម្រោងធ្វើវិសោធនកម្មច្បាប់ស្តីរបបសារព័ត៌មានឆ្នាំ១៩៩៥ ដែលលោកអះអាងថាជាច្បាប់មួយដែលមានលក្ខណៈបើកចំហររួចហើយដែរ។
សូមលោកអ្នកស្តាប់បទសម្ភាសរបស់លោករដ្ឋមន្ត្រី ខៀវ កាញារីទ្ធ ខាងក្រោមនេះ៖
នៅក្នុងបទសម្ភាសនេះ លោករដ្ឋមន្ត្រីព័ត៌មានបានបកប្រែពាក្យអង់គ្លេស Fake News ដែលមនុស្សទូទៅនិយាយជាប់មាត់នោះថាជាប្រភេទ«ព័ត៌មានក្លែងបន្លំ» ជាភាសាខ្មែរ។ លោករដ្ឋមន្ត្រីបានចែកដាច់ពីគ្នារវាងព័ត៌មានក្លែងក្លាយ និងព័ត៌មានមិនពិត ទៀតផង។
បើតាមការអះអាងរបស់លោករដ្ឋមន្ត្រី រហូតដល់ពេលនេះ រដ្ឋាភិបាលកម្ពុជាពុំមានគម្រោងតាក់តែងច្បាប់ស្តីពីការប្រឆាំង ឬគ្រប់គ្រងព័ត៌មានក្លែងបន្លំ ឬ Fake News នោះឡើយ។ ដោយរំឮកអំពីរដ្ឋាភិបាលថ្មីម៉ាឡេស៊ីដែលបានលុបចោលច្បាប់ប្រឆាំងព័ត៌មានក្លែងក្លាយនេះ លោក ខៀវ កាញារីទ្ធ បានពន្យល់យ៉ាងដូច្នេះ៖«ការបង្កើតច្បាប់ប្រឆាំង Fake News គឺដូចយើងធាក់ទ្វារដែលរបើករួចស្រាប់ហើយអ៊ីចឹង។ វាមិនមានផលប្រយោជន៍អ្វី ព្រោះច្បាប់មួយចំនួនមានគ្រប់គ្រាន់ ដូចជាការបោកបន្លំ ក្លែងឯកសារ… យើងអាចយកច្បាប់ទាំងនោះមកប្រើក៏បាន។ មិនមែនឲ្យតែមានបញ្ហាអ្វីមួយកើតឡើង យើងត្រូវតែបង្កើតច្បាប់នោះទេ»។
មកដល់ត្រង់ចំណុចនេះ លោករដ្ឋមន្ត្រីក៏បានឆ្លៀតពន្យល់បន្ថែមអំពីគោលដៅនៃការបង្កើតគណៈកម្មការអន្តរក្រសួងកន្លងមកដែលត្រូវតាមដាន និងគ្រប់គ្រងការផ្សព្វផ្សាយតាមបណ្តាញសង្គម។
ទាក់ទងនឹងវិស័យសារព័ត៌មានដដែល លោក ខៀវ កាញារីទ្ធ ក៏បានមានប្រសាសន៍ប្រាប់អ្នកកាសែតផងដែរថាលោកមិនមានបំណងធ្វើវិសោធនកម្មច្បាប់ស្តីពីរបបសារព័ត៌មានដែលត្រូវបានអនុម័តកាលពីឆ្នាំ១៩៩៥នោះឡើយ ដោយលោកអះអាងថាច្បាប់នោះមានលក្ខណៈសេរីច្រើន។ ប៉ុន្តែផ្ទុយទៅវិញ អ្វីដែលលោកត្រូវធ្វើឲ្យបាននោះ គឺការជំរុញដល់ការអនុម័តសេចក្តីព្រាងច្បាប់ស្តីពីសិទ្ធិទទួលបានព័ត៌មានទៅវិញ ដែលលោកយល់ថា វាជាច្បាប់ដ៏សំខាន់មួយសម្រាប់សង្គមប្រជាធិបតេយ្យ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ខៀវ កាញារីទ្ធ
Fake News
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 ថ្ងៃ
អត្ថបទពេញនិយមបន្ថែម