អន្តរជាតិ
មេដឹកនាំម៉ិកស៊ិកទើបជាប់ឆ្នោត ចង់លក់«យន្តហោះប្រធានាធិបតីចោល»ព្រោះខ្ជះខ្ជាយខុសទំនង
×![]()
ប្រធានាធិបតីជាប់ឆ្នោតម៉ិកស៊ិកដែលមាននិន្នាការឆ្វេងនិយម ចង់លក់យន្តហោះប្រធានាធិបតីធុនប៊ូអ៊ីង ៧៨៧ ព្រោះលោកនឹងមិនប្រើប្រាស់វាសម្រាប់ការធ្វើដំណើរឡើយ។ ក្រោយលោកប្រកាសលក់ភ្លាម អ្នកជំនួញដ៏មានឥទ្ធិពលម្នាក់បានស្នើសុំទិញក្នុងតម្លៃ ៩៩លានដុល្លារ។
ប្រធានាធិបតីជាប់ឆ្នោតលោក អេនត្រេ ម៉ានុយអែល ឡូពេ អូប្រាឌ័រ អះអាងថា វាជារឿងខ្ជះខ្ជាយលើភាពហឺរហារខុសទំនងដែលចាំបាច់ត្រូវមានយន្តហោះផ្ទាល់ខ្លួនសម្រាប់ប្រធានាធិបតីនេះ។ លោក អូប្រាឌ័រ កន្លងមកបានប្រកាសបដិសេធស្នាក់នៅវិមានប្រធានាធិបតី និងមិនទទួលយកអង្គរក្សផងដើម្បីកាត់បន្ថយការចំណាយរបស់រដ្ឋ។
បើតាមទីភ្នាក់ងារព័ត៌មាន AFP ដែលស្រង់សម្តីសារព័ត៌មានម៉ិកស៊ិក Reforma បន្ទាប់ពីប្រធានាធិបតីបង្ហាញចេតនាលក់យន្តហោះប្រធានាធិបតីនេះ អ្នកជំនួញដ៏មានឥទ្ធិពលម្នាក់គឺលោក Gustavo Jimenez Pons បានចេញមុខផ្តល់តម្លៃ ៩៩ លានដុល្លារសម្រាប់យន្តហោះប្រធានាធិបតីនេះ។
យន្តហោះប្រធានាធិបតីដែលលោក អូប្រាឌ័រជាអ្នកនយោបាយឆ្វេងនិយមចង់លក់ចេញនេះមានម៉ាក ប៊ូអ៊ីង ៧៨៧ មានកៅអីសរុប ៣០០។ យ៉ាងណាក៏ដោយកាសែត Reforma បានអះអាងថា តាមទីផ្សារ យន្តហោះនោះមានតម្លៃ ២២០លានដុល្លារឯណោះ។
យន្តហោះប្រធានាធិបតីនេះដែរត្រូវបានប្រធានាធិបតីផុតអាណត្តិលោក Enrique Pena Nieto បញ្ជាទិញកាលពីឆ្នាំ ២០១៦ ហើយលោកបានចំណាយលុយច្រើនដែរដើម្បីតុបតែង និងកែកុនកន្លែងសម្រាករបស់ប្រធានាធិបតី និងដំឡើងឧបករណ៍ទំនាក់ទំនងទំនើបៗជាច្រើនផង។
ដោយឡែក លោក Jimenez Pons បានបញ្ជាក់ថា មូលហេតុដែលលោកចង់ទិញយន្តហោះគឺដោយសារលោកចង់យកយន្តហោះនោះមកជួលឲ្យបណ្តាមេដឹកនាំប្រទេសដទៃផ្សេងទៀតដែលមិនមានយន្តហោះឯកជនប្រើប្រាស់សម្រាប់ធ្វើដំណើរនោះ។ លោក Jimenez Pons ធ្លាប់ឈរឈ្មោះធ្វើជាអភិបាលក្រុងម៉ិកស៊ិកដែរកាលពីឆ្នាំ ២០១៦ ហើយនៅក្នុងការដំណើរការប្រកួតប្រជែងតំណែងប្រធានាធិបតីចាប់ពីឆ្នាំមុនមក លោកក៏បានព្យាយាមចូលរួមក្នុងការប្រកួតប្រជែងនេះដែរក្នុងនាមជាបេក្ខជនឯករាជ្យ។ ប៉ុន្តែគួរឲ្យសោកស្តាយ លោកមិនអាចប្រមែរប្រមូលហត្ថលេខាពីអ្នកគាំទ្រគ្រប់គ្រាន់ដើម្បីមានឈ្មោះជាបេក្ខជនប្រធានាធិបតីនោះ។
ត្រឡប់មកវិញ លោក អូប្រាឌ័រ បានទទួលជ័យជម្នះក្នុងការបោះឆ្នោតប្រធានាធិបតីភ្លូកទឹកភ្លូកដីកាលពីខែកក្កដាកន្លងទៅ ហើយលោកនឹងស្បថចូលកាន់តំណែងនៅខែធ្នូខាងមុខ។ លោកបានប្រកាសច្បាស់ថា លោកមិនប្រើប្រាស់យន្តហោះប្រធានាធិបតីនេះជាដាច់ខាត។ ដូច្នេះបានជាលោកចង់លក់វាចេញនោះ។
ជាអ្នកនយោបាយឆ្វេងនិយម លោក អូប្រាឌ័រ មានគោលនយោបាយតឹងរ៉ឹងលើការប្រឆាំងអំពើពុករលួយដែលកំពុងរីកដុះដាលខ្លាំងក្នុងសង្គមម៉ិកស៊ិកដែលជាប្រទេសមានសេដ្ឋកិច្ចធំលំដាប់ទីពីរនៅអាមេរិកឡាទីនផងដែរបច្ចុប្បន្ន។ ក្រៅពីពុករលួយ បញ្ហាគ្រឿងញៀន និងបទឧក្រិដ្ឋក៏ជាបញ្ហាធំសម្រាប់អ្នកនយោបាយនេះដោះស្រាយដែរ៕
ប្រធានាធិបតីជាប់ឆ្នោតលោក អេនត្រេ ម៉ានុយអែល ឡូពេ អូប្រាឌ័រ អះអាងថា វាជារឿងខ្ជះខ្ជាយលើភាពហឺរហារខុសទំនងដែលចាំបាច់ត្រូវមានយន្តហោះផ្ទាល់ខ្លួនសម្រាប់ប្រធានាធិបតីនេះ។ លោក អូប្រាឌ័រ កន្លងមកបានប្រកាសបដិសេធស្នាក់នៅវិមានប្រធានាធិបតី និងមិនទទួលយកអង្គរក្សផងដើម្បីកាត់បន្ថយការចំណាយរបស់រដ្ឋ។
បើតាមទីភ្នាក់ងារព័ត៌មាន AFP ដែលស្រង់សម្តីសារព័ត៌មានម៉ិកស៊ិក Reforma បន្ទាប់ពីប្រធានាធិបតីបង្ហាញចេតនាលក់យន្តហោះប្រធានាធិបតីនេះ អ្នកជំនួញដ៏មានឥទ្ធិពលម្នាក់គឺលោក Gustavo Jimenez Pons បានចេញមុខផ្តល់តម្លៃ ៩៩ លានដុល្លារសម្រាប់យន្តហោះប្រធានាធិបតីនេះ។
យន្តហោះប្រធានាធិបតីដែលលោក អូប្រាឌ័រជាអ្នកនយោបាយឆ្វេងនិយមចង់លក់ចេញនេះមានម៉ាក ប៊ូអ៊ីង ៧៨៧ មានកៅអីសរុប ៣០០។ យ៉ាងណាក៏ដោយកាសែត Reforma បានអះអាងថា តាមទីផ្សារ យន្តហោះនោះមានតម្លៃ ២២០លានដុល្លារឯណោះ។
យន្តហោះប្រធានាធិបតីនេះដែរត្រូវបានប្រធានាធិបតីផុតអាណត្តិលោក Enrique Pena Nieto បញ្ជាទិញកាលពីឆ្នាំ ២០១៦ ហើយលោកបានចំណាយលុយច្រើនដែរដើម្បីតុបតែង និងកែកុនកន្លែងសម្រាករបស់ប្រធានាធិបតី និងដំឡើងឧបករណ៍ទំនាក់ទំនងទំនើបៗជាច្រើនផង។
ដោយឡែក លោក Jimenez Pons បានបញ្ជាក់ថា មូលហេតុដែលលោកចង់ទិញយន្តហោះគឺដោយសារលោកចង់យកយន្តហោះនោះមកជួលឲ្យបណ្តាមេដឹកនាំប្រទេសដទៃផ្សេងទៀតដែលមិនមានយន្តហោះឯកជនប្រើប្រាស់សម្រាប់ធ្វើដំណើរនោះ។ លោក Jimenez Pons ធ្លាប់ឈរឈ្មោះធ្វើជាអភិបាលក្រុងម៉ិកស៊ិកដែរកាលពីឆ្នាំ ២០១៦ ហើយនៅក្នុងការដំណើរការប្រកួតប្រជែងតំណែងប្រធានាធិបតីចាប់ពីឆ្នាំមុនមក លោកក៏បានព្យាយាមចូលរួមក្នុងការប្រកួតប្រជែងនេះដែរក្នុងនាមជាបេក្ខជនឯករាជ្យ។ ប៉ុន្តែគួរឲ្យសោកស្តាយ លោកមិនអាចប្រមែរប្រមូលហត្ថលេខាពីអ្នកគាំទ្រគ្រប់គ្រាន់ដើម្បីមានឈ្មោះជាបេក្ខជនប្រធានាធិបតីនោះ។
ត្រឡប់មកវិញ លោក អូប្រាឌ័រ បានទទួលជ័យជម្នះក្នុងការបោះឆ្នោតប្រធានាធិបតីភ្លូកទឹកភ្លូកដីកាលពីខែកក្កដាកន្លងទៅ ហើយលោកនឹងស្បថចូលកាន់តំណែងនៅខែធ្នូខាងមុខ។ លោកបានប្រកាសច្បាស់ថា លោកមិនប្រើប្រាស់យន្តហោះប្រធានាធិបតីនេះជាដាច់ខាត។ ដូច្នេះបានជាលោកចង់លក់វាចេញនោះ។
ជាអ្នកនយោបាយឆ្វេងនិយម លោក អូប្រាឌ័រ មានគោលនយោបាយតឹងរ៉ឹងលើការប្រឆាំងអំពើពុករលួយដែលកំពុងរីកដុះដាលខ្លាំងក្នុងសង្គមម៉ិកស៊ិកដែលជាប្រទេសមានសេដ្ឋកិច្ចធំលំដាប់ទីពីរនៅអាមេរិកឡាទីនផងដែរបច្ចុប្បន្ន។ ក្រៅពីពុករលួយ បញ្ហាគ្រឿងញៀន និងបទឧក្រិដ្ឋក៏ជាបញ្ហាធំសម្រាប់អ្នកនយោបាយនេះដោះស្រាយដែរ៕
Tag:
ឡូពេ អូប្រាឌ័រ
ម៉ិកស៊ិក
© រក្សាសិទ្ធិដោយ thmeythmey.com
