អត្ថបទពាណិជ្ជកម្ម
ហ៊ីតតូ និងមាស សុខសោភា រៃអង្គាសថរិកាជួយកុមារនៅពេទ្យគន្ធបុប្ផា និងកុមារអង្គរខេត្តសៀមរាប
×![]()
ដោយ: ជី ដាណា
មនុស្សយ៉ាងតិច ៥០០០នាក់ បានចូលរួមការប្រគំតន្ត្រីសប្បុរសធម៌ដ៏ធំមួយ នៅសាកលវិទ្យាល័យសៅស៍អ៊ីសថិ៍អេយសៀ ក្នុងខេត្តសៀមរាប ដែលចូលរួមពីតារាកម្ពុជាល្បីៗជាច្រើនរូប កាលពីថ្ងៃអាទិត្យកន្លងទៅនេះ។ តន្ត្រីសប្បុរសធម៌នេះ ទទួលការគាំទ្រយ៉ាងខ្លាំងពីនិស្សិត និងអ្នករស់នៅខេត្តសៀមរាប ហើយក៏មានការចូលរួមសម្តែង ដោយតារាចម្រៀងល្បីឈ្មោះ មាស សុខសោភា តារាចម្រៀងពី ផលិតកម្មរស្មីហង្សមាស ក្រុមSmall World Small Band និងសិល្បករល្បីៗជាច្រើនទៀត។
ការប្រគំតន្ត្រីនេះ ធ្វើឡើងក្នុងបំណងចែករំលែកក្តីស្រឡាញ់ ក្តីមេត្តា និងការយកចិត្តទុកដាក់ចំពោះគ្នាទៅវិញទៅមក ឲ្យកាន់តែច្រើនឡើង នៅក្នុងសង្គមកម្ពុជា។ នៅក្នុងកិច្ចសហប្រតិបត្តិការជាមួយ ទឹកពិសាជាតិរ៉ែម៉ាកថ្មី «ហ៊ីតតូ» សាកលវិទ្យាល័យអាស៊ីអាគ្នេយ៍ បានរៀបចំការប្រគំតន្ត្រីសប្បុរសធម៌លើកទី១ នេះឡើង ដើម្បីប្រមូលថរិកាដើម្បីចូលរួមឧបត្ថម្ភ ដល់មន្ទីរពេទ្យពីរនៅសៀមរាប គឺមន្ទីរពេទ្យកុមារគន្ធបុប្ផា និងមន្ទីរពេទ្យកុមារអង្គរ ដែលកំពុងជួយដល់កុមារកម្ពុជារាប់ពាន់នាក់ជារៀងរាល់ថ្ងៃ។
លោក ជា វិបុល អ្នករៀបចំកម្មវិធីប្រគំតន្ត្រីនេះ បានមានប្រសាសន៍ថា៖«យើងចាប់អារម្មណ៍ក្នុងការសហការជាមួយក្រុមហ៊ុន ក៏ដូចជាអ្នកដែលមាន គោលបំណងប្រហាក់ប្រហែលគ្នា ដើម្បីជួយដល់សង្គមរបស់យើង ហើយទឹកពិសាជាតិរ៉ែ ហ៊ីតតូ គឺជាម្ចាស់ឧបត្ថម្ភធំមួយ សម្រាប់ព្រឹត្តិការណ៍នេះ»។
លោក Alex Shih ប្រធានផ្នែកទីផ្សារពីក្រុមហ៊ុន Honly Foods & Beverage បានមានប្រសាសន៍ថា «ហ៊ីតតូ» មានវត្តមាននៅក្នុងការប្រគំតន្ត្រីសប្បុរសធម៌នេះ ហើយក៏កំពុងបន្តគាំទ្រទឹកចិត្តល្អរបស់ប្រជាជនកម្ពុជាទាំងអស់ ក៏ដូចជាសក្ខីភាពតែមួយគត់តំណាងឲ្យ«ទឹកចិត្ត» របស់ប្រជាជនកម្ពុជា។ លោក Alex Shih៖«ទឹកពិសា«ហ៊ីតតូ»គឺជាទឹករ៉ែ ដែលត្រូវបានផលិតតាមស្តង់ដា និងបច្ចេកវិទ្យារបស់ប្រទេសជប៉ុន បានឧបត្ថម្ភសម្រាប់កម្មវិធីប្រគំតន្ត្រីទាំងមូល ហើយយើងក៏បានផ្តល់ថវិកាបន្ថែមទៀត សម្រាប់ព្រឹត្តិការណ៍នេះដែរ»។
សំបុត្រសម្រាប់ការចូលរួមតន្ត្រីសប្បុរសធម៌នេះ មានតម្លៃ ១០,០០០ រៀលក្នុងមួយសំបុត្រ ហើយថវិកាបានពីការលក់សំបុត្រទាំងអស់ ត្រូវបានប្រគល់ជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ ដែលបានជួយដល់កុមាររាប់លាននាក់ នៅក្នុងប្រទេសកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
