មន្ត្រីទទួលប្រាក់ឧបត្ថម ៥ម៉ឺនរៀល ហើយបើកប្រាក់ខែនៅសប្ដាហ៍ទី១តែម្ដងក្នុងឱកាសភ្ជុំបិណ្ឌ

ជាតិ

បុណ្យភ្ជុំបិណ្ឌ

មន្ត្រីទទួលប្រាក់ឧបត្ថម ៥ម៉ឺនរៀល ហើយបើកប្រាក់ខែនៅសប្ដាហ៍ទី១តែម្ដងក្នុងឱកាសភ្ជុំបិណ្ឌ

07, Sep 2018 , 9:19 pm

រូបភាព

រូបពីហ្វេសប៊ុកសម្ដេច ហ៊ុន សែន

ដោយ:

ភ្នំពេញ៖ មន្ត្រីរាជការ និងមន្ត្រីចូលនិវត្តន៍ម្នាក់ៗ នឹងទទួលបានប្រាក់ឧបត្ថមចំនួន ៥ម៉ឺនរៀលសម្រាប់ពិធីបុណ្យភ្ជុំបិណ្ឌ នាខែតុលាខាងមុខនេះ។ នេះបើតាមការថ្លែងរបស់ប្រមុខរដ្ឋាភិបាលសម្ដេច ហ៊ុន សែន ក្នុងកិច្ចប្រជុំគណៈរដ្ឋមន្ត្រី នៅថ្ងៃទី៧ខែកញ្ញានេះ។

ការចំណាយសរុបរបស់រដ្ឋចំពោះប្រាក់ឧបត្ថមជូនមន្ត្រីរាជការក្នុងឱកាសភ្ជុំបិណ្យនេះ មានចំនួនសរុបប្រមាណ ៧លានដុល្លារអាមេរិក។

ជាមួយគ្នានេះ ប្រាក់ខែមន្ត្រីរាជការសម្រាប់ខែតុលា នឹងត្រូវបើកជូន នៅក្នុងសប្ដាហ៍ទី១ក្នុងខែតុលាតែម្ដង ខណៈបុណ្យភ្ជុំបិណ្ឌប្រព្រឹត្តទៅនៅថ្ងៃទី៨ ដល់ថ្ងៃទី១០។ រីឯខែវិច្ឆិកា មន្ត្រីរាជការអាចបើកប្រាក់ខែ នៅសប្ដាហ៍ទី២នៃខែវិឆ្ឆិកា ព្រោះកុំឲ្យមានគម្លាតរយៈពេលឆ្ងាយពេកពីខែតុលា។ នេះបើតាមការបញ្ជាក់របស់សម្ដេច ហ៊ុន សែន ។

ដោយឡែកប្រាក់ខែមន្ត្រីរាជការ ចាប់ពីខែមករាឆ្នាំ២០១៩ នឹងត្រូវចាប់ផ្ដើមការអនុវត្តការបើកជូនពីរលើកក្នុងមួយខែ៕