ជាតិ
តំបន់ខ្ពង់រាប និងវាលទំនាបនឹងមានជំនន់ទឹកភ្លៀងពីថ្ងៃទី១៣-១៩កញ្ញា
× ភ្នំពេញ៖ តំបន់ខ្ពង់រាបភាគឦសានជាប់ព្រំដែនកម្ពុជា-ឡាវ និងតំបន់វាលទំនាប តាមបណ្តាយព្រំដែនកម្ពុជា-វៀតណាម អាចនឹងមានភ្លៀងធ្លាក់ច្រើន-ជោកជាំ ដែលអាចបង្កជាជំនន់ទឹកភ្លៀង ដោយសាររងឥទ្ធិព្យុះមង្ឃុត និង ព្យុះបារីចាត។ ស្របពេលជាមួយគ្នានេះ កម្ពុជាបន្តមានភ្លៀងធា្លក់ពីមធ្យមទៅច្រើន នៅទូទាំងប្រទេស រហូតដល់ថ្ងៃទី១៩ ខែកញ្ញា។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ចុះថ្ងៃទី១៣ ខែកញ្ញា។
ការចេញសេចក្តីជូនដំណឹងនេះ ធ្វើឡើងបន្ទាប់ពីក្រសួងធនធានទឹក បានតាមដានលើស្ថានភាពអាកាសធាតុរួចមក ដោយឃើញថា មានព្យុះទាំងពីរខាងលើ ដែលមានប្រព័ន្ធសម្ពាធទាបបន្តអូសកាត់លើអាងទន្លេមេគង្គ និងបន្តមានឥទ្ធិពលលើកម្ពុជា។
ក្រសួងធនធានទឹក បានបញ្ជាក់ថា ព្យុះមង្ឃុត(Mungkhut) ដែលជាព្យុះទី២២ បាន និងកំពុងធ្វើដំណើរទៅដល់ភាគខាងជើងប្រទេសវៀតណាម នៅយប់ថ្ងៃទី១៧ ខែកញ្ញា។ ដោយឡែកព្យុះទី២៣ ឈ្មោះ បារីចាត(Barijat)នឹងថយឥទ្ធិពលនៅក្នុងសមុទ្រចិនខាងត្បូង ត្រង់ភាគខាងជើងកោះហៃណាំ៕
Tag:
អាកាសធាតុ
ព្យុះ
ភ្លៀង
© រក្សាសិទ្ធិដោយ thmeythmey.com