ជិតមួយខែ បក្សខ្មែរក្រោក ប្រមូលស្នាមមេដៃបានជាង២ម៉ឺន ក្នុងយុទ្ធនាការដើម្បីកោះត្រល់

ជាតិ

ជិតមួយខែ បក្សខ្មែរក្រោក ប្រមូលស្នាមមេដៃបានជាង២ម៉ឺន ក្នុងយុទ្ធនាការដើម្បីកោះត្រល់

16, Sep 2018 , 6:29 pm

រូបភាព

ដោយ:

ភ្នំពេញ៖ គណបក្សខ្មែរក្រោក បានប្រមូលស្នាមមេដៃ២៣,០០០ នៅក្នុងយុទ្ធនាការ«ស្នាមមេដៃដើម្បីកោះត្រល់» ក្នុងរយៈពេល ២៦ថ្ងៃមកនេះ។ ការប្រមូលមេដៃគាំទ្រនេះ ដើម្បីដាក់ឲ្យក្រុមប្រឹក្សាធម្មនុញ សើរើទាមទារកោះត្រល់មកវិញ។

ប្រធានគណបក្សខ្មែរក្រោកលោក សុខសុវណ្ណ វឌ្ឍាសាប៊ុង ដែលពលរដ្ឋទូទៅស្គាល់ឈ្មោះថា William រូបនេះ ជឿជាក់ថា យ៉ាងយូរ២ខែទៀត ស្នាមមេដៃដែលបានកំណត់យកចំនួន៥ម៉ឺនសម្រាប់យុទ្ធនាការ« ដើម្បីកោះត្រល់» នឹងទទួលបានគ្រប់ចំនួនកំណត់។

ថ្លែងប្រាប់សារព័ត៌មានថ្មីៗ លោក សុខសុវណ្ណ វឌ្ឍាសាប៊ុង បានបញ្ជាក់ដូច្នេះថា៖ «ពលរដ្ឋមួយចំនួន មានការខ្លាចរអា និងបាត់បង់ជំនឿទុក្ខចិត្ត ក្រោយពេលមានជន លាបព័ណលើយុទ្ធនាការណ៍ ស្នាមមេដៃនេះ ជារឿងនយោបាយ។ ខ្ញុំជឿថា បើគ្មានអ្នកនិយាយញុះញង់បែបនេះទេ ចំនួនស្នាមមេដៃអាចប្រមូលបានលឿនជាងនេះទៅទៀត»។

បើតាមលោក វឌ្ឍាសាប៊ុង ស្នាមមេដៃដែលក្រុមគណបក្សលោកទទួលបាននេះ ភាគច្រើនបានមកពីបណ្ដាក្រុមនិស្សិត និងអាជីវករ។

យុទ្ធនាការណ៍«ស្នាមមេដៃដើម្បីកោះត្រល់» ត្រូវបានគណបក្សខ្មែរក្រោក ធ្វើឡើងក្នុងគោលបំណងប្រមូលការគាំទ្រ ដើម្បីឲ្យក្រុមប្រឹក្សាធម្មនុញ សើរើទាមទារកោះត្រល់មកវិញ។ យុទ្ធការណ៍នេះ ត្រូវបានសាលារាជធានីភ្នំពេញអនុញ្ញាតឲ្យធ្វើ ក្រោលក្ខខណ្ឌមួយចំនួនរួមមាន ការហាមការឃោសនាទាក់ទាញការចូលរួមតាមទីសាធារណៈ, ហាមប្រើប្រាស់ឧបករណ៍បំពងសំឡេង ហើយប្រសិនជាមានហេតុការណ៍ប៉ះពាល់ដល់សុវត្ថិភាព សណ្ដាប់ធ្នាប់នោះ យុទ្ធនាកានេះ គឺត្រូវបញ្ឈប់ដំណើរការទៀត៕