ជាតិ
លោក រីចឈ្នឺរ៖ បើធ្វើវេជ្ជបណ្ឌិតគិតតែប្រាក់ មិនឲ្យតម្លៃជីវិតមនុស្ស សូមរកការងារផ្សេងទៅ!
×![]()
ដោយ: សារព័ត៌មានថ្មីៗ
កាលពីឆ្នាំ២០១១ លោកវេជ្ជបណ្ឌិត បេអាត រីចឈ្នឺរ (Beat Richner) បានធ្វើបទបង្ហាញក្នុងវគ្គបណ្តុះបណ្តាលដល់និស្សិតខ្មែរ និងស្វីស ស្តីពីការផ្តល់សេវាសុខាភិបាលដោយគ្មានការរើសអើង ដែលរៀបចំនៅមន្ទីរពេទ្យ ជ័យវរ្ម័នទី៧ នៅខេត្តសៀមរាប។
ស្ថាបនិកមូលនិធិគន្ធបុប្ផារូបនេះ បានក្រើនរំលឹកដល់និស្សិតពេទ្យទាំងអស់ឲ្យប្រកាន់ខ្ជាប់នូវក្រមសីលធម៌ ដោយមិនមានអំពើពុករលួយ និងរើសអើងជនក្រីក្រ។ លោកបានលើកឡើងថា បើមានអំពើពុករលួយក្នុងមន្ទីរពេទ្យ នោះមន្ទីរពេទ្យ នឹងប្រែក្លាយទៅជាកន្លែងចម្លងជំងឺ មិនមែនជាកន្លែងព្យាបាលនោះឡើយ។
វេជ្ជបណ្ឌិតស្វីស ដែលក្លាយជាវីរបុរសរបស់ខ្មែររូបនេះ បានលើកឡើងថា៖ «ប្រសិនជាអ្នកធ្វើវេជ្ជបណ្ឌិត ហើយព្យាបាលដោយគិតតែប្រាក់ និងមិនឲ្យតម្លៃជីវិតមនុស្ស សូមស្វែងរកការងារផ្សេងធ្វើទៅ»។ សម្រាប់លោក បេអាត រីចឈ្នឺរ ការសង្គ្រោះជីវិតមនុស្សជារឿងអាទិភាពដែលគ្រូពេទ្យ វេជ្ជបណ្ឌិត ត្រូវអនុវត្តមុនជាចាំបាច់៕
Tag:
Beat Richne
© រក្សាសិទ្ធិដោយ thmeythmey.com
