រដ្ឋាភិបាល កាត់ដីជាង១១ហិកតា ចេញពីតំបន់អភិរក្សទឹកសាបព្រែកទប់

ជាតិ

រដ្ឋាភិបាល កាត់ដីជាង១១ហិកតា ចេញពីតំបន់អភិរក្សទឹកសាបព្រែកទប់

17, Oct 2018 , 2:30 pm

រូបភាព

បឹងព្រែកទប់

ដោយ:

ភ្នំពេញ៖ ដី១១,៥០ហិកតា ត្រូវបានរដ្ឋាភិបាល សម្រេចដកចេញពីតំបន់អភិរក្ស «ទឹកសាបព្រែកទប់» ដែលមានទីតាំងនៅក្នុងក្រុងព្រះសីហនុ ខេត្តព្រះសីហនុ។ ការកាត់ដីនេះ ធ្វើឲ្យតំបន់អភិរក្សទឹកសាបព្រែកទប់ នៅសល់ដីតែ ៤,៨០ ហិកតាប៉ុណ្ណោះ។ នេះបើតាមអនុក្រឹត្យ ដែលចុះតាំងពីចុងខែកុម្ភៈ ឆ្នាំ២០១៨មក ហើយទើបត្រូវបានបញ្ចេញនាពេលថ្មីៗនេះ ។

តំបន់អភិរក្សទឹកសាបព្រែកទប់ ត្រូវបានរដ្ឋាភិបាលដាក់បញ្ចូលជាតំបន់អភិរក្ស កាលពីឆ្នាំ២០១៦ ដែលមានផ្ទៃដីសរុប ១៦,៣០ហិកតា។ តំបន់អភិរក្សនេះ ដើម្បីធានាកិច្ចគាំពារបរិស្ថាន ការអភិរក្សជីវៈចម្រុះ និងការប្រើប្រាស់ធនធានធម្មជាតិប្រកបដោយនិរន្តរភាព៕