អ្នកជំនាញព័ត៌មាន និងកសិកម្មពិភាក្សាគ្នារក«ដំណោះស្រាយបញ្ហាប្រឈមនៅជនបទ»តាមរយៈប្រព័ន្ធផ្សព្វផ្សាយ នៅថ្ងៃនេះ

ជាតិ

អ្នកជំនាញព័ត៌មាន និងកសិកម្មពិភាក្សាគ្នារក«ដំណោះស្រាយបញ្ហាប្រឈមនៅជនបទ»តាមរយៈប្រព័ន្ធផ្សព្វផ្សាយ នៅថ្ងៃនេះ

25, Oct 2018 , 9:55 am

រូបភាព

ដោយ: ថ្មីៗ

ភ្នំពេញ៖ ដូចការគ្រោងទុក ! អ្នកជំនាញសារព័ត៌មានជាន់ខ្ពស់ អ្នកជំនាញនៅក្នុងវិស័យកសិកម្ម និងមន្ត្រីរាជរដ្ឋាភិបាលពាក់ព័ន្ធ កំពុងជជែកគ្នាជុំវិញប្រធានបទ«ដំណោះស្រាយបញ្ហាប្រឈមនៅជនបទ»នៅថ្ងៃទី២៥ ខែតុលានេះ នៅភោជនីយដ្ឋានខ្មែរសុរិន្ទ នារាជធានីភ្នំពេញ។ អ្នកសារព័ត៌មានមកពីតំបន់ខ្មែរ-បរទេស និងអ្នកជំនាញកសិកម្មខ្មែរ-បរទេស មកពីស្ថាប័នធំៗ នឹងស្វែងរករូបមន្តធ្វើយ៉ាងដូចម្តេចដើម្បីដោះស្រាយការប្រឈមមួយចំនួននៅជនបទ ដូចជា បញ្ហាកសិកម្ម បញ្ហាបញ្ហាទាក់ទងទៅនឹងបច្ចេកវិទ្យាថ្មី បរិស្ថាន សន្តិសុខស្បៀង និងការផ្លាស់ប្តូរអាកាសធាតុ។ល។

វាគ្មិនដែលជាអ្នកសារព័ត៌មាន នឹងចូលរួមនៅក្នុងវេទិកាខាលើនេះ មានមកពីស្ថាប័នសារព័ត៌មានថ្មីៗ (Thmeythmey.com) មកពីទីភ្នាក់ងារបារាំង AFP អ្នកកាសែតជំនាញវិទ្យាសាស្ត្រមកពីឥណ្ឌូនេស៊ី អ្នកសារព័ត៌មានមកពីកាសែត Bangkok Post អ្នកសារព័ត៌មានកសិកម្មវៀតណាម តំណាងអ្នកសារព័ត៌មានមកពីទូរទស្សន៍បារាំង CFI។ល។

តំណាងស្ថានទូតបារាំងប្រចាំនៅក្នុងប្រទេសកម្ពុជា តំណាងក្រសួងព័ត៌មាន ក្រសួងកសិកម្ម តំណាងអង្គការកសិកម្ម Gret ក៏ត្រូវអញ្ជើញឲ្យចូលរួមក្នុង កម្មវិធីខាងលើនេះដែរ។

សូមបញ្ជាក់ថា វេទិកាស្តីពីរបៀបនៃការដោះស្រាយបញ្ហានៅជនបទតាមរយៈប្រព័ន្ធផ្សព្វផ្សាយនេះ ត្រូវបានរៀបចំដោយទូរទស្សន៍បារាំង CFI គាំទ្រដោយស្ថានទូតបារាំង និងសហការដោយអង្គការ Gret, Alisea, RFI, France 24, MCD, Thmeythmey.com …។