ពីនេះ ពីនោះ
តើពាក្យ “ឥណ្ឌូចិន” មានអត្ថន័យយ៉ាងដូចម្តេច?
×
ដោយ គី ចំណារ
មនុស្សមួយចំនួនអាចដឹងបានថាឧបទ្វីបឥណ្ឌូចិនមានប្រទេសចំនួនបីគឺ ប្រទេសកម្ពុជា ប្រទេសឡាវ និងប្រទេសវៀតណាម។ ក្រោមអាណានិគមខ្លួន បារាំងបានហៅតំបន់ដែនដីមួយនេះថា “ឥណ្ឌូចិន”។
តើពាក្យនេះមានអត្ថន័យយ៉ាងដូចម្តេច?
ពាក្យថា “ឥណ្ឌូចិន” ជាភាសាអង់គ្លេស “Indochina” និងជាភាសាបារាំង “Indochine” មានដើមកំណើតមកពីពាក្យចំនួនពីរគឺ “Indo” ដែលសំដៅទៅលើប្រទេសឥណ្ឌា និងពាក្យ “Chine” ដែលសំដៅទៅលើប្រទេសចិន។
នេះបានន័យជារួមថា បារាំងបានចាត់ទុកប្រទេសទាំងបីវៀតណាម កម្ពុជា និងឡាវ នេះជាឧបទ្វីបមួយដែលស្ថិតនៅចន្លោះនិងក្នុងពេលតែមួយទទួលរងឥទ្ធិពលរបស់ប្រទេសឥណ្ឌានិងប្រទេសចិនអស់កន្លងកាលយ៉ាងយូរ។
គួរឲបញ្ជាក់ផងដែរថា ឥណ្ឌា និងចិនជាប្រទេសស្ថិតក្នុងទ្វីបអាស៊ីដែលមានប្រវត្តិសាស្ត្រនិងអរិយធម៌យូរលង់ណាស់មកហើយ។
វាមានភាពជាក់ស្តែង ដែលយើងអាចមើលឃើញក្នុងពេលបច្ចុប្បន្នដូចជាការគោរពលទ្ធិព្រហ្មញ្ញនិយមដែលមានដើមកំណើតនៅប្រទេសឥណ្ឌានិងការសែនព្រេនកុងម៉ាចិនដែលមានដើមកំណើតនៅក្នុងប្រទេសចិន៕
© រក្សាសិទ្ធិដោយ thmeythmey.com