កីឡាជាតិ
ជាតិ
កីឡាករ ឆេង ម៉េង និង សារី ម៉ាត់ណូរ៉ូទីន ចូលរួមជាមួយវិសាខា កីឡាករ ឆេង ម៉េង និងកីឡាករ សារី ម៉ាត់ណូរ៉ូទីន (ពីឆ្វេងទៅស្តាំ)លើបង្ហាញឈ្មោះក្លិបវិសាខាក្រោយចុះកិច្ចសន្យារួច
× កីឡាករ សារី ម៉ាត់ណូរ៉ូទីន និងកីឡាករ ឆេង ម៉េង បានចុះកិច្ចសន្យាលេងឲ្យក្លិបវិសាខា សម្រាប់រដូវកាលឆ្នាំ២០១៩-២០២០។ អតីតកីឡាករណាហ្គាវើលទាំងពីររូបនេះ ត្រូវជួយវិសាខាប្រជែងដណ្តើមជើងឯកពានរង្វាន់ក្របខណ្ឌលីគកំពូល និងពានរង្វាន់សម្តេច ហ៊ុន សែន។ កីឡាករទាំងពីរបានចុះកិច្ចសន្យាជាមួយវិសាខានៅថ្ងៃទី១ ខែវិច្ឆិកា ឆ្នាំ២០១៨។
ក្លិបវិសាខារំពឹងថា កីឡករទាំងពីររូបនេះនឹងក្លាយជាផ្នែកមួយដ៏សំខាន់ក្នុងការជួយក្រុមមនាការប្រកួតផ្សេងៗ ពិសេសប្រជែងដណ្តើមជើងឯកក្នុងពានរង្វាន់ទាំងពីរខាងលើ។ ជាក់ស្តែងក្រុមវិសាខា ត្រូវប្រកួតមិត្តភាពជាមួយក្រុម U18 Fukushima របស់ជប៉ុន ដើម្បីអបអរខួប៦៥ឆ្នាំនៃទំនាក់ទំនងកម្ពុជា-ជប៉ុននៅថ្ងៃទី២ ខែវិច្ឆិកា ឆ្នាំ២០១៨ នាពហុកីឡដ្ឋានជាតិ។
ខ្សែការពារ ឆេង ម៉េង បានចុះកិច្ចសន្យាលេងឲ្យក្លិបណាហ្គាវើលពីឆ្នាំ២០១៤-២០១៨។ រូបគេ បានក្លាយជាសមាជិកក្រុមជម្រើសជាតិអាយុក្រោម១៩ឆ្នាំកម្ពុជានៅឆ្នាំ២០១៥ និងជាសមាជិក U22 និងជម្រើសជាតិនៅឆ្នាំ២០១៧។ ចំណែកខ្សែប្រយុទ្ធ សារី ម៉ាត់ណូរ៉ូទីន បានចូលរួមជាមួយណាហ្គាវើលពីឆ្នាំ២០១៦-២០១៨ ក្រោយផ្ទេរពីភ្នំពេញក្រោននៅចុងឆ្នាំ២០១៥។ រូបគេបានរួមរស់ជាមួយអាស៊ីអឺរ៉ុបពីឆ្នាំ២០១៣-២០១៥។
កីឡាករទាំងពីរបានជួយណាហ្គាវើលលើកពានក្របខណ្ឌលីគកំពូលចំនួន១លើកនៅឆ្នាំ២០១៨ និងជើងឯករងពានរង្វាន់សម្តេច ហ៊ុន សែន ចំនួនពីរលើកនៅឆ្នាំ២០១៥(ឆេង ម៉េង) និង ២០១៧៕
Tag:
បាល់ទាត់
ឆេង ម៉េង
សារី ម៉ាត់ណូរ៉ូទីន
© រក្សាសិទ្ធិដោយ thmeythmey.com