ជាតិ
សង្គមជាតិ
លោក ស៊ា សុផល ផ្តួចផ្តើមឱ្យមានសកម្មភាពសម្អាតប្លាស្ទិកនៅតាមដើមឈើក្នុងបឹងទន្លេសាប
×![]()
សៀមរាប៖ លោក ស៊ា សុផល គឺជាប្រធានអង្គការមូលនិធិទំពាំងស្នងឬស្សី ហើយលោកកំពុងធ្វើយុទ្ធនាការលើគម្រោងសម្អាតបឹងទន្លេសាប ដែលកៀងគរឱ្យមានសកម្មភាពសម្អាតសំរាមនៅក្នុងបឹងទន្លេសាប។ គម្រោងនេះបានចាប់ផ្តើមដំបូងនៅក្នុងឃុំកំពង់ឃ្លាំង ជាឃុំដែលមានពលរដ្ឋរស់នៅជាងពីរពាន់គ្រួសារ។ កាលពីថ្ងៃទី ៣១ តុលា លោកបានដឹកនាំសកម្មភាពសម្អាតសំរាមនៅតាមដើមឈើ ដែលទើរជាប់នារដូវទឺកឡើង។
តាមពិតទៅ ការសម្អាតប្លាស្ទិកដែលនៅជាប់លើដើមឈើក្នុងតំបន់កំពង់ឃ្លាំងនេះ គឺជាសកម្មភាពលើកទីពីរហើយរបស់លោក ស៊ា សុផល។ សកម្មភាពទីមួយត្រូវបានរៀបចំធ្វើកាលពីពាក់កណ្ដាលខែតុលា ដែលមានព្រះសង្ឃ ប្រជាពលរដ្ឋ និងសិស្សានុសិស្ស ដោយបានជិះទូកដួសសំរាមដែលអណ្ដែតលើផ្ទៃទឹកនៃបឹងទន្លេសាប។
ខុសពីលើកមុន ការប្រមូលសម្អាតលើកនេះ គឺភាពច្រើនជាប្រភេទថង់ប្លាស្ទិក។ ប្លាស្ទិកមិនត្រឹមមិនរលាយទេ ថែមទាំងបំពុលជីវចម្រុះក្នុងទឹកផងដែរ។ ក្នុងគម្រោងនេះដែរ សំរាមទាំងអស់នឹងត្រូវប្រមូលទុកដើម្បីយកទៅកែច្នៃជាវត្ថុប្រើប្រាស់ និងវត្ថុសិល្បៈផ្សេងៗបម្រើដល់ផលប្រយោជន៍សហគមន៍ឡើងវិញ។ គម្រោងនេះ ក៏នឹងបង្កើតជាសារមន្ទីរកែច្នៃមួយនៅមូលដ្ឋានសហគមន៍កំពង់ឃ្លាំង ដោយជ្រើសរើសប្រជាពលរដ្ឋគោលដៅមួយចំនួនសម្រាប់ដំណើរការគម្រោង៕
Tag:
ប្លាស្ទិក
© រក្សាសិទ្ធិដោយ thmeythmey.com
