ជាតិ
សង្គមជាតិ
សម្តេច ហ៊ុន សែន មិនព្រួយបារម្ភលើការវាយប្រហារសេវាអ៊ីនធ័រណិតផ្ទាល់ខ្លួនរបស់សម្តេចឡើយ
× នារយៈពេលប៉ុន្មានថ្ងៃចុងក្រោយនេះ ក្រុមហ៊ុនផ្គត់ផ្គង់សេវាអ៊ីនធ័រណិត (ISP) រងនូវការវាយប្រហារ DDoS ពីសំណាក់ក្រុម Hackers ដែលធ្វើល្បឿនសេវាកម្មទាំងនោះ ដើរយឺត និងរអាក់រអួល។ ទាក់ទងនឹងបញ្ហានេះ សម្តេចនាយករដ្ឋមន្ត្រី ហ៊ុន សែន បានអះអាងថា សម្តេចមិនមានការព្រួយបារម្ភលើការវាយប្រហារលើការប្រើប្រាស់អ៊ីនធ័រណិតរបស់សម្តេចនោះឡើយ។
ថ្លែងនាជំនួបជាមួយកម្មករ-កម្មការិនីរោងចក្រ ជាង២៣០០០នាក់នៅតាកែវ ប្រមុខរដ្ឋាភិបាល បានបញ្ជាក់ថា សម្តេចប្រើប្រាស់សេវាកម្មអ៊ីនធ័រណិតពិសេសរបស់ខ្លួន ដោយមិនមានការពាក់ព័ន្ធនឹងសេវាកម្មទូរសព្ទដៃ។
សម្តេច ហ៊ុន សែន បានលើកឡើងថា សម្តេចអាចប្រើប្រាស់អ៊ីនធ័រណិតនៅទូទាំងពិភពលោក ពីព្រោះសេវាកម្មដែលសម្តេចប្រើប្រាស់គឺផ្អែកលើផ្កាយរណប ដោយមិនពាក់ព័ន្ធនឹងសេវាកម្មទូរសព្ទណាមួយឡើយ៕
© រក្សាសិទ្ធិដោយ thmeythmey.com