កីឡាជាតិ
ជាតិ
ប្រកួតថ្ងៃដំបូងចំបាប់ទទួលបានមេដាយសំរឹទ្ធ៤ពីជើងឯកអាស៊ាននៅហ្វីលីពីន
×![]()
អត្តពលិកចំបាប់កម្ពុជាទទួលបានមេដាយសំរឹទ្ធ៤ សម្រាប់ការប្រកួតថ្ងៃដំបូងក្នុងព្រឹត្តិការណ៍ Southeast Asian Wrestling and Grappling Championship នៅហ្វីលីពីន កាលពីថ្ងៃទី៧ ខែវិច្ឆិកា ឆ្នាំ២០១៨។ នេះមិនមែនជាលទ្ធផលចុងក្រោយនោះទេ ពោលគឺអត្តពលិកកម្ពុជាត្រូវបន្តប្រកួតលើវិញ្ញាសាជាបន្តបន្ទាប់ជាច្រើនទៀត។
មេដាយសំរឹទ្ធទាំង៤ខាងលើកម្ពុជាទទួលបានលើវិញ្ញាសាចំបាប់សេរីទម្ងន់៩៧គីឡូក្រាម ដែលដណ្តើមបានដោយកីឡាករ ឌន សៅ, ចំបាប់សេរីទម្ងន់៨៦គីឡូក្រាមដោយកីឡាករ ឆាំ ពិសិន, ចំបាប់សេរីទម្ងន់៥៩គីឡូក្រាមដោយកីឡាការិនី ឌន ស្រស់ និងចំបាប់សេរីទម្ងន់៦៥គីឡូក្រាមដោយកីឡាការិនី សឿន នឿន។
នេះជាមេដាយនៃការប្រកួតថ្ងៃដំបូង ពោលគឺកីឡាករកីឡាការិនីកម្ពុជា ត្រូវបន្តប្រកួតប្រជែង ដើម្បីស្វែងរកមេដាយពីព្រឹត្តិការណ៍នេះរហូតដល់ថ្ងៃទី១០ ខែវិច្ឆិកា ឆ្នាំ២០១៨។ សម្រាប់ការប្រកួតនេះ កម្ពុជាបញ្ជូនអត្តពលិកចំនួន១១រូប ប្រតិភូ១រូប និងគ្រូបង្វឹក១រូបឲ្យចូលរួម។ ការចូលរួមនេះដោយទទួលបានគោលការណ៍អនុញ្ញាតពីក្រសួងអប់រំយុវជន និងកីឡា ក្រោមការឧបត្ថម្ភរបស់លោក Casey Barnett អនុប្រធានសហព័ន្ធកីឡាចំបាប់កម្ពុជា ដែលមានទឹកប្រាក់រហូតដល់ជាង១ម៉ឺនដុល្លារ។
ក្រៅពីប្រជែងដណ្តើមមេដាយ ព្រឹត្តិការណ៍នេះ រៀបចំឡើងក្នុងគោលបំណងដើម្បីដកស្រង់បទពិសោធ និងស្ទាបស្ទង់សមត្ថភាពកីឡាករ ព្រោះកីឡាចំបាប់ត្រូវបានម្ចាស់ផ្ទះហ្វីលីពីនដាក់ក្នុងព្រឹត្តិការណ៍ ASEAN Games 2019៕
Tag:
ចំបាប់
ឌន សៅ
© រក្សាសិទ្ធិដោយ thmeythmey.com
