អត្ថបទពាណិជ្ជកម្ម
ក្រុមហ៊ុន ខ្មែរ ប៊ែវើរីជីស ត្រៀមភេសជ្ជៈ១ម៉ឺនកេសឧបត្ថម្ភក្រុមកីឡាករទូកង
× ក្នុងឱកាសបុណ្យអុំទូក បណ្ដែតប្រទីប និងសំពះព្រះខែ អកអំបុកខាងមុខ ក្រុមហ៊ុន ខ្មែរ ប៊ែវើរីជីស នឹងបន្តឧបត្ថម្ភភេសជ្ជៈ ខ្មែរ ប៊ែវើរីជីស ព្រមទាំងអាវយឺត មួក ប្រេងឆា និងសាប៊ូ ដល់កីឡាករទូកងចំនួន១០០ទូក។
កម្មវិធីប្រគល់កញ្ចប់ឧបត្ថម្ភនេះ នឹងរៀបចំឡើងនៅថ្ងៃទី២០ វិច្ឆិកា នៅសួនច្បារច្រមុះជ្រូកក្បែរសណ្ឋាគារសុខា ជ្រោយចង្វារ។ ទូកនីមួយៗ នឹងទទួលបានទឹកផ្លែឈើជូប៣០កេស ទឹកបរិសុទ្ធកម្ពុជា៣០កេស ភេសជ្ជៈប៉ូវកម្លាំងវីក៥កេស ស្រាបៀរគូដូ១៥កេស ព្រមទាំងប្រេងឆា Healthy Chef១កេស និងសាប៊ូOra១កេស។
ក្នុងចំណោមទូកងទាំង១០០ទូក ទូកងដែលទទួលបានជ័យលាភីលេខ១ លេខ២ និងលេខ៣ ក្រុមហ៊ុន ខ្មែរ ប៊ែវើរីជីស នឹងឧបត្តម្ភស្រាបៀរគូដូចំនួន៥០កេស បន្ទាប់ពីបញ្ចប់ព្រះរាជពិធីបុណ្យអុំទូក។
គួរបញ្ជក់ថា កាលពីឆ្នាំមុន ក្រុមហ៊ុន ខ្មែរ ប៊ែវើរីជីស ក៏បានឧបត្ថម្ភកីឡាករទូកងទាំងអស់ ដូចជាទឹកបរិសុទ្ធ ទឹកផ្លែឈើ ស្រាបៀរគូដូ អាវយឺត និងមួកសម្រាប់ប្រើប្រាស់អំឡុងពេលស្នាក់នៅ ប្រកួតក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកផងដែរ៕
© រក្សាសិទ្ធិដោយ thmeythmey.com