-អ៤នេះណា ចាស់លោកប្រាប់ថា គ្មានឡើយក្តីសុខ
គ្មានអ្នករាប់រក ឬមកអែអុក ចួនត្រូវចាប់ចុក
អ្នកស្រុកស្អប់មុខ។
-អ១អុចអាល ចាស់លោកដំណាល បណ្តាលជួបទុក្ខ
អ្នកធ្លាប់ប្រព្រឹត្ត លៃគិតចាក់រុក ត្រូវបរាមុខ
ផ្ទេរផ្ទុកខ្លួនឯង។
-អ២អួតអាង លើកខ្លួនឡើងចាង ដើរកាងខែងរែង
បាក់អំនួតច្បាស់ តាមចាស់សម្តែង ដូចលេបគ្រាប់ស្លែង
ខ្លួនឯងអ្នកស្លាប់។
-អ៣អេចអូច សម្តីប៉ផ្លូច អាចខូចការយ៉ាប់
ជួនមានរឿងធំ គេគុំរកកាប់ គេលែងចង់ស្តាប់
ទោះប្រាប់ថាពិត។
-អ៤អែបអប ទោះខុសក៏ស្រប រណបមិនគិត
មានតែកំណើត កើតធ្ងន់ដីពិត ចាស់ហៅជីវិត
រស់ពិតឥន័យ៕
អេចអូចអុចអាល ចាស់លោកដំណាល មិនបណ្តាលសុខ
អែបអបអួតអាង ឡើងចាងពេញស្រុក
អបួនយ៉ាងដែលគួរជៀសវាង៖ អួតអាង អុចអាល អេបអប និងអេចអូច «សុភាសិតខ្មែរ»