ជាតិ
សង្គមជាតិ
ម្ចាស់ហាងឌែម៉ូគ្លីនិក រងបទចោទ «គំរាមហែកកេរ្តិ៍» ក្រោយលួចថតអតិថិជនដើម្បីជំរិតទារប្រាក់ រូបពីអគ្គស្នងការនគរបាលជាតិ
× ភ្នំពេញ៖ អ្នកស្រី ហូវ ដាណេ ជាម្ចាស់ហាងកែសម្ផស្ស «ឌែម៉ូគ្លីនិក» ត្រូវបានព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ចោទប្រកាន់ពី «បទគំរាមហែកកេរ្តិ៍ បទគំរាមកំហែងយកប្រាក់ និងបទប៉ះពាល់សិទ្ធិខាងរូបភាពនៃបុគ្គល»។
ជាមួយគ្នានេះ ក៏មានស្ត្រីម្នាក់ទៀត រួមទាំងគ្រូពេទ្យម្នាក់ប្រចាំគ្លីនិក ត្រូវរងការចោទប្រកាន់នេះផងដែរ។ ការចោទប្រកាន់លើអ្នកទាំងបី ធ្វើឡើងក្រោយពីព្រះរាជអាជ្ញា បញ្ចប់ការសាកសួរ នៅថ្ងៃទី៤មករា ឆ្នាំ២០១៩នេះ។
សូមបញ្ជាក់ថា អ្នកស្រី ហូវ ដាណេ ត្រូវបានអតិថិជន ប្តឹងថា អ្នកស្រី លួចថតពួកគេ ពេលទៅកែសម្ផស្ស ហើយក៏ជំរិតទារប្រាក់ពីពួកគេ។ ក្រោយមក កម្លាំងកងរាជអាវុធលើផ្ទៃប្រទេស ក៏ចុះទៅឃាត់ខ្លួនអ្នកស្រី កាលពីថ្ងៃទី២ ខែមករា ក្នុងហាងរបស់អ្នកស្រី ដែលស្ថិតក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ៕
© រក្សាសិទ្ធិដោយ thmeythmey.com