ជាតិ
នយោបាយជាតិ
លោក គង់ គាំ និង លោក គង់ បូរ៉ា ទទួលបានសិទ្ធិនយោបាយវិញហើយ លោក គង់ គាំ និងលោក គង់ បូរ៉ា ដែលជាកូនប្រុស។ រូបថត ហ្វេសប៊ុក Kong Bora
× ចាប់ពីថ្ងៃនេះទៅ លោក គង់ គាំ និង លោក គង់ បូរ៉ា ដែលជាកូនប្រុសច្បង អាចចូលធ្វើនយោបាយវិញហើយ។ ព្រះមហាក្សត្រ បានចេញព្រះរាជក្រឹត្យ នៅថ្ងៃទី១៥ ខែមករា ឆ្នាំ២០១៩ ដើម្បីផ្តល់នីតិសម្បទាដល់អ្នកទាំងពីរនិងរាជានុញ្ញាតឲ្យពួកគាត់ ចូលធ្វើនយោបាយវិញ តាមសំណើរបស់នាយករដ្ឋមន្រ្តី។
លោក គង់ គាំ និង គង់ បូរ៉ា គឺមនុស្ស២នាក់ ក្នុងចំណោម១១៨នាក់របស់អតីតគណបក្សប្រឆាំង ដែលត្រូវបានតុលាការកំពូល ហាមឃាត់មិនឲ្យធ្វើនយោបាយរយៈពេល៥ឆ្នាំ។ មកដល់ពេលនេះ មានតែឪពុក-កូនពីរនាក់នេះប៉ុណ្ណោះ ដែលធ្វើសំណើស្នើសុំសិទ្ធិនយោបាយ ហើយក៏ទទួលបានវិញ។ លោក ជាម ច័ន្ទនី ដែលទើបទទួលមរណភាពកាលពីពេលថ្មីៗកន្លងមកនេះ ក៏ស្ថិតក្នុងបញ្ជីឈ្មោះ១១៨នាក់ផងដែរ។
ចំណែក១១៥នាក់ទៀត មិនទាន់ឮដំណឹងថា ធ្វើសំណើនោះទេ។ លោក សម រង្ស៊ី បានអំពាវនាវជារឿយៗទៅកាន់ថ្នាក់ដឹកនាំទាំងនោះ កុំឲ្យបន្ទាបខ្លួនទៅសុំសិទ្ធិនយោបាយពីរដ្ឋាភិបាល។
លោក សម រង្ស៊ី ប្រកាសថា អ្វីដែលត្រូវធ្វើមុនគេ គឺទាមទារឲ្យដោះលែងលោក កឹម សុខា៕
Tag:
គង់ គាំ
សិទ្ធិនយោបាយ
© រក្សាសិទ្ធិដោយ thmeythmey.com