ជាតិ
សង្គមជាតិ
អង្គការភ្លែនផ្តល់ប្រាក់ ១,៥ លានដុល្លារ សម្រាប់គម្រោង១០០០ថ្ងៃ ដើម្បីលើកកម្ពស់អាហារររូបត្ថម្ភកុមារកម្ពុជា
Front លោក យី គីមថាន នាយករងប្រចាំប្រទេសផ្នែកកម្មវីធីនៃអង្គការភ្លែនអន្តរជាតិកម្ពុជា
×![]()
ដោយ: ឡាយ សុភាវតី
ស្ទឹងត្រែង៖ អង្គការភ្លែនអន្តរជាតិ ផ្តល់ប្រាក់ ១,៥ លានដុល្លារ សម្រាប់គម្រោង១០០០ថ្ងៃ ដើម្បីលើកកម្ពស់អាហារររូបត្ថម្ភកុមារកម្ពុជា។តាមរយៈគម្រោងរយៈពេល៥ឆ្នាំនេះ នឹងជួយកាត់បន្ថយអត្រាកង្វះអាហាររូបត្ថម្ភកុមារ និងស្ត្រីក្នុងវ័យបន្តពូជ តាមរយៈការធានាឲ្យបានសន្តិសុខស្បៀងសមស្របនៅក្នុងគ្រួសារ។ 
លោក យី គីមថាន នាយករងប្រចាំប្រទេសផ្នែកកម្មវីធីនៃអង្គការភ្លែនអន្តរជាតិកម្ពុជា បានបញ្ជាក់ថា គម្រោង១០០០ថ្ងៃដំបូង គឺអនុវត្តការងារដោយផ្ដោតសំខាន់លើចំណុច៣ ក្នុងការឆ្លើយតបទៅនឹងកង្វះអាហាររូបបត្ថម្ភគឺ សុខភាព បង្កើនផលិតកម្មកសិកម្ម និងទឹកស្អាត អនាម័យ។
គម្រោងនេះអនុវត្តក្នុងស្រុកចំនួន៣ ក្នុងខេត្តស្ទឹងត្រែងគឺ ស្រុកសៀមបូក, ស្រុកថាឡាបរិវាត់ និងស្រុកសេសាន ចាប់ពីថ្ងៃទី១ វិច្ឆិកា ២០១៨ ដល់ថ្ងៃទី៣០ វិច្ឆិការ ២០២៣។ គម្រោងនេះ ក្រោមជំនួយឧបត្ថម្ភពីក្រសួងសហព័ន្ធអាល្លឺម៉ង់ សម្រាប់កិច្ចសហប្រតិបត្តិការសេដ្ឋកិច្ច និងអភិវឌ្ឍន៍ (BMZ) និងអង្គការអន្តរជាតិអាលឺ្លម៉ង់។
ក្នុងកម្មវិធីការសម្ពោធគម្រោង កាលពីថ្ងៃទី ២៨ ខែ មករា ឆ្នាំ២០១៩ នៅសាលាស្ទឹងត្រែងលោក យី គីមថាន បាននិយាយដូច្នេះថា៖« ដោយបានសិក្សាស្រាវជ្រាវដោយទីប្រឹក្សាឯករាជ្យ សិក្សាពីលទ្ធភាពនៃការអនុវត្តគម្រោង តាមការសិក្សាការយល់ដឹងរបស់ឪពុកម្ដាយអំពីការថែទាំកុមារដែលហៅថាឱកាសមាស១០០០ថ្ងៃដំបូង រកឃើញថា ប្រជាពលរដ្ឋក្នុងស្រុកទាំងបី មិនបានយល់ដឹងច្បាស់ពីសារៈសំខានពេលពពោះ ពេលសម្រាលមកដំបូង ការផ្ដល់អាហារដល់ទារក និងអាជ្ញាធរនៅភូមិឃុំ គឺនៅមានកម្រិតនៅឡើយ។ ដូច្នេះអង្គការភ្លែនអន្តរជាតិ ក៏បានសម្រេចជ្រើសរើសយកស្រុកទាំបីនេះ»។
បញ្ហាកង្វះអាហារូបត្ថម្ភ ក្នុងចំណោមកុមារអាយុក្រោម ៥ឆ្នាំ ក្នុងខេត្តស្ទឹងត្រែងច្រើនជាងមធ្យមភាគថ្នាក់ជាតិ។ក្នុងនោះកុមារក្រិសក្រិនក្នុងខេត្តស្ទឹងត្រែងមាន ៤៤ភាគរយ ខណៈមធ្យមភាគថ្នាក់ជាតិ មាន៣២ភាគរយ ,កុមារស្គមស្គាំង ១៣.៨ភាគរយ ខណៈមធ្យមភាគថ្នាក់ជាតិមាន ២៥ភាគរយ។ នេះយោងតាមរបាយការណ៍អង្កេតប្រជាសាស្ត្រ និងសុខភាពកម្ពុជាឆ្នាំ២០១៤។
គម្រោង១០០០ថ្ងៃដំបូង នៃអង្គការភ្លែនអន្តរជាតិ ដែលបានសហការជាមួយអង្គការវឌ្ឍនភាពបានផ្ដោតសំខាន់លើ អាហាររូបបត្ថម្ភសម្រាប់សុខភាព សម្រាប់ការលើកកម្ពស់ការយល់ដឹងរបស់មាតា និងទារក។ ទន្ទឹមនឹងនេះដែរ អង្គការភ្លែនក៏មានកម្មវីធីវាស់ថ្លឹងកុមារ ដើម្បីឲ្យដឹងពីការកង្វះអាហាររួបត្ថម្ភមធ្យម ឬស្រាល ដើម្បីបញ្ជូនទៅមណ្ឌលសុខភាពព្យាបាល។ ក្រៅពីនេះអង្គការភ្លែន ក៏មានកម្មវិធីមានបណ្ដុះបណ្ដាលសមត្ថភាពម្ដាយឪពុក ឲ្យយល់ដឹងពីសារៈសំខាន់នៃការថែទាំសុខភាពកុមារ តាំងពីពពោះក្នុងផ្ទៃរហូតដល់អាយុពីរឆ្នាំ ឲ្យមានការផ្ដល់អាហារ ដែលចាំបាច់សម្រាប់ទារកនិងមាតា ដើម្បីទទួលបានសុខភាពល្អ។
ចំណែកកម្មវិធីទីពីរគឺ ការបង្កើនផលិតកម្មស្បៀង បន្លែ សាច់ ភាពដែលទទួលបានអាហារជីវជាតិផ្សេងៗ ក្នុងភូមិ -ឃុំ របស់ប្រជាពលរដ្ឋ និងចុងក្រោយកម្មវិធីទឹកស្អាតនិងអនាម័យ ដែលជាកត្តាចាំបាច់រួមផ្សំ ក្នុងការកែលម្អរទៅលើអាហាររូបបត្ថម្ភលើកុមារ ព្រោះពេលចំអិនអាហារ ឬមុនពេលបំបៅដោះកូន រួមទាំងការផ្ដល់អាហារក្រោយចេញពីបន្ទប់ទឹកទាំងអស់ត្រូវតែមានការយល់ដឹងអំពីអនាម័យ។ បើគ្មានអនាម័យទេ នោះកុមារអាចបណ្ដាលឲ្យមានសុខភាពមិនល្អ ឬរាកធ្វើឲ្យបាត់បង់អាហាររូបបត្ថម្ភ៕
Tag:
ស្ទឹងត្រែង
អង្គការភ្លែន
© រក្សាសិទ្ធិដោយ thmeythmey.com
