៣ខែ មានអគ្គិភ័យ១៤៩លើក បណ្តាលឲ្យស្លាប់៣នាក់ និងបំផ្លាញផ្ទះជាង៥០០ខ្នង

ជាតិ

សង្គមជាតិ

៣ខែ មានអគ្គិភ័យ១៤៩លើក បណ្តាលឲ្យស្លាប់៣នាក់ និងបំផ្លាញផ្ទះជាង៥០០ខ្នង

21, Mar 2019 , 7:59 am

រូបភាព

រូបពីនាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការនគរបាលជាតិ

ដោយ: ថ្មីៗ

គិតពីខែមករា មកដល់ត្រឹមថ្ងៃទី២០ ខែមីនា ឆ្នាំ២០១៩នេះ មានអគ្គិភ័យ កើតឡើង១៤៩លើក ហើយបណ្តាលឲ្យមនុស្ស៣នាក់ បាត់បង់ជីវិត។ នេះជាការលើកឡើងរបស់លោក នេត វត្ថា ប្រធាននាយកដ្ឋានបង្ការនិងពន្លត់អគ្គិភ័យនៃក្រសួងមហាផ្ទៃ ដែលចុះផ្សាយដោយអគ្គស្នងការនគរបាលជាតិ។

លោក នេត វត្ថា អះអាងថា ក្រៅពីបាត់បង់ជីវិតមនុស្ស មានផ្ទះជាង៥០០ខ្នង និងតូបលក់ដូរជាង៣០០ បានខូចខាត ដោយសារអគ្គិភ័យក្នុងរយៈពេល៣ខែនេះ។ បើតាមអគ្គស្នងការនគរបាលជាតិ ប្រធាននាយកដ្ឋានរូបនេះ បានអំពាវនាវឲ្យប្រជាពលរដ្ឋ ប្រុងប្រយ័ត្នឲ្យបានខ្ពស់ ពីការដុតសំរាមនិងព្រៃ ដែលអាចបង្កឡើងជាអគិ្គភ័យ។

សម្តេច ស ខេង រដ្ឋមន្ត្រីក្រសួងមហាផ្ទៃ បានចេញសេចក្តីអំពាវនាវមួយនៅថ្ងៃទី១៩មីនា ដោយអំពាវនាវឲ្យប្រជាពលរដ្ឋចូលរួមជាមួយសមត្ថកិច្ចក្នុងការការពារនិងការបង្ការអគ្គិភ័យ ដែលងាយនឹងកើតឡើងក្នុងរដូវប្រាំងនេះ។

អត្ថបទទាក់ទង

រដ្ឋមន្ត្រីមហាផ្ទៃ ស្នើឲ្យសមត្ថកិច្ចនិងពលរដ្ឋ រួមគ្នាបង្ការអគ្គិភ័យ ដែលងាយឆាបឆេះនារដូវប្រាំង

សូមបញ្ជាក់ថា ក្នុងឆ្នាំ២០១៨ មានអគិ្គភ័យ កើតឡើង៥៣៤លើក បណ្តាលឲ្យមនុស្សស្លាប់១៧នាក់ និងរបួសជាង៥០នាក់៕