ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
ភាគច្រើននៃពួកយើងប្រហែលជាមិនធ្លាប់ដឹងទេថារបបអាហារជះឥទ្ធិពលគួរឱ្យកត់សម្គាល់ចំពោះសុខភាព។ ថាតើអាហារអ្វីខ្លះអាចជួយទប់ស្កាត់ហានិភ័យនៃជំងឺមហារីកឈាម? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានឥទ្ធិពលកាត់បន្ថយហានិភ័យនៃជំងឺមហារីកគ្រាប់ឈាម ៖
១. បន្លែផ្លែឈើស្រស់ៗ
បន្លែផ្លែឈើជាប្រភពដ៏ល្អបំផុតមួយនៃសារធាតុប្រឆាំងអុកស៊ីតកម្មដែលធ្វើឱ្យការទទួលទានអាហារនេះអាចជួយកាត់បន្ថយហានិភ័យនៃជំងឺមហារីកឈាមបានយ៉ាងប្រសើរ។ បន្លែផ្លែឈើស្រស់ៗក៏មានផ្ទុកលក្ខណៈសម្បត្តិប្រឆាំងការរលាកផងដែរ។ ហើយការរលាកក្នុងរាងកាយ គឺជាអ្វីមួយផ្សារភ្ជាប់នឹងជំងឺមហារីក។
២. អាហារសម្បូរប្រូតេអ៊ីន
វាពិតជាសំខាន់ខ្លាំងណាស់ក្នុងការផ្ដល់ឱ្យរាងកាយនូវបរិមាណប្រូតេអ៊ីនគុណភាពខ្ពស់គ្រប់គ្រាន់ដើម្បីរក្សាបាននូវសុខភាពល្អរឹងមាំចៀសផុតពីហានិភ័យនៃជំងឺផ្សេងៗ រួមទាំងជំងឺមហារីក។ សាច់មាន់ជាប្រភពដ៏ប្រសើរនៃប្រូតេអ៊ីនគុណភាពខ្ពស់ ប៉ុន្តែចូរចៀសវាងទទួលទានស្បែក។ រីឯសាច់ជ្រូកនិងសាច់គោវិញ ចូរជ្រើសរើសទទួលទានសាច់គ្មានខ្លាញ់។
៣. ត្រីសម្បូរខ្លាញ់
ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ និងប្រូតេអ៊ីនដែលជួយទប់ស្កាត់ហានិភ័យនៃជំងឺមហារីកច្រើនប្រភេទ។
៤. អាហារមានផ្ទុកបាក់តេរីល្អ
បរិមាណគ្រប់គ្រាន់នៃបាក់តេរីល្អក្នុងពោះវៀនជួយពង្រឹងប្រព័ន្ធភាពស៊ាំរាងកាយទប់ស្កាត់ជំងឺផ្សេងៗ ក៏ដូចជាធ្វើឱ្យរាងកាយអាចស្រូបយកសារធាតុចិញ្ចឹមបានកាន់តែប្រសើរផងដែរ។ យ៉ាអួរសុទ្ធ និងគីមឈីជាដើមសុទ្ធតែមានផ្ទុកសម្បូរទៅដោយបាក់តេរីល្អ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
