ជាតិ
សេដ្ឋកិច្ច
ក្រុមហ៊ុនកូរ៉េ បង្ហាញបំណងវិនិយោគលើការកែច្នៃសំរាម ទៅជាថាមពលអគ្គិសនី នៅកម្ពុជា
ជំនួបពិភាក្សាការងារ និងការធ្វើបទបង្ហាញគម្រោងវិនិយោគរបស់ក្រុមហ៊ុនកូរ៉េ HYUCKJIN ENERGY PLANT ENGINEERING ជូនរវាង លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងប្រតិភូ នៅថ្ងៃទី១៣ ខែឧសភា ឆ្នាំ២០២៤នេះ។ រូបភាព៖ ហ្វេសប៊ុក CDC
×![]()
ដោយ: សារព័ត៌មានថ្មីៗ
ក្រុមហ៊ុនកូរ៉េខាងត្បូងឈ្មោះ HYUCKJIN ENERGY PLANT ENGINEERING បានធ្វើបទបង្ហាញ និងសុំគោលការណ៍ពីរាជរដ្ឋាភិបាលកម្ពុជា លើគម្រោងវិនិយោគលើការកែច្នៃសំរាម ផលិតថាមពលអគ្គិសនី។ ការធ្វើបទបង្ហាញពីគម្រោងវិនិយោគនេះ ធ្វើឡើងនៅក្នុងជំនួបពិភាក្សាការងាររវាង លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងប្រតិភូក្រុមហ៊ុនកូរ៉េ HYUCKJIN ENERGY PLANT ENGINEERING និងក្រុមហ៊ុន Defytime នៅថ្ងៃទី១៣ ខែឧសភា ឆ្នាំ២០២៤នេះ។ 
បើយោងតាមការចុះផ្សាយនៅទំព័រហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជា(CDC) ក្រុមហ៊ុននេះ អាច បង្កើតថាមពលអគ្គិសនីយ៉ាងតិច២៤មេហ្គាវ៉ាត់ ពីការកែច្នៃសំរាមប្រមាណ ១០០ តោន។ ក្រុមប្រឹក្សាអភិវឌ្ឍន៍កម្ពុជា បញ្ជាក់ដូច្នេះ៖ «តាមរយៈបទបង្ហាញក្នុងអង្គប្រជុំនេះក្រុមហ៊ុនបានបង្ហាញថាបច្ចេកវិទ្យាដែលខ្លួននឹងប្រើប្រាស់ ក្នុងមួយថ្ងៃអាចបង្កើតថាមពលអគ្គិសនីយ៉ាងតិចបំផុត ២៤មេហ្គាវ៉ាត់ ដោយការដុតសំរាមប្រមាណ ១០០តោន»។
ជាការឆ្លើយតប លោក ស៊ុន ចាន់ថុល ឧបនាយករដ្ឋមន្ត្រី បានស្វាគមន៍ចំពោះ គម្រោងវិនិយោគនេះ និងស្នើឱ្យក្រុមហ៊ុនផ្ញើជូនព័ត៌មានលម្អិតទាំងស្រុងនៃគម្រោង មកក្រុមប្រឹក្សាអភិវឌ្ឍន៍កម្ពុជា ដើម្បីអនុវត្តនីតិវិធីបន្ត៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
